CƏMİYYƏT
Cəmiyyətin həyatında baş verən aktual hadisələr

"Ölümüzü yox, dirimizi buradan çıxarın!"

Abunə olmaq
Paytaxtda söküləcəyi gözlənilən ərazilərdə bərbad vəziyyət hökm sürür, sakinlərin həyatı təhlükə altındadır: "Binanın qabağından iri maşın keçməməsi üçün dua edirik"

Binəqədi və Qaradağ rayonlarının bəzi yerlərində yaşayış üçün yararsız olan binaların, o cümlədən qaçqın yataqxanalarının sökülməsi və yenidən qurulması nəzərdə tutulur. Bu barədə Nazirlər Kabineti ötən həftə qərar verib.

Mövcud vəziyyəti yerində araşdırmaq üçün Sputnik-in əməkdaşı sözügedən ərazilərə yollanıb. Ən xoşagəlməz və bərbad vəziyyət daha çox Lökbatan qəsəbəsində qeydə alınıb.

Qanunsuz tikilən evlər söküləcək - Sputnik Azərbaycan
HADİSƏ
Paytaxtda yeni söküntü dalğası başlayır

Sökülməsi planlaşdırılan "finski evlər" deyilən binalarda yaşayan sakinlər, ölümlə burun-buruna yaşadıqlarını bildirirlər. Qəzalı vəziyyətdə olan və təhlükəsizlik normalarına cavab verməyən bu binalarda çoxlu sayda ailələr yaşayır. Əgər buna yaşamaq demək olarsa…

Orta sürətli külək əsəndə belə evinin silkələndiyini deyən sakin Asif Şirinov hökuməti təcili addım atmağa çağırır. Sputnik-in əməkdaşı ilə söhbətində Şirinov qeyd edib ki, onların ölüsünü yox, dirisini vaxtında buradan çıxarmaq lazımdır.

"Binanın qabağından iri maşın keçməməsi üçün dua edirik ki, ev başımıza yıxılar. Bunlar çox qədim, 1940-cı illərdə tikilən "finski" adlanan taxta binalardır. Əgər sökülməsi planlanıbsa, xahiş edirik tezləşdirilsin", —deyir sakin.

Binanın fasadında, blokunda, həmçinin evlərin içindəki vəziyyət bərbad halda idi. Sakin Asif Şirinov, adi bir közlə bütün evlərin kül ola biləcəyini söylədi: "Bu binalar blokuna, fasadına kimi hamısı taxtadandır. Kimsə çaxmaq çəkib yandırsa, hər şey külə dönəcək".

Ərazidə çəkiliş aparıldığını görən digər sakinlər də Sputnik-in əməkdaşına yaxınlaşaraq, səslərinin hökumətə eşitdirilməsini xahiş etdilər. Həyat yoldaşının astma bronxitdən əziyyət çəkdiyini və hal-hazırda xəstəxanada yatdığını deyən bina sakini, evdə rütubətdən boğulduqlarını, mövcud şəraitdə xəstə yoldaşının bu evdə yaşamasının onun həyatına təhlükə yaratdığını söyləyib.

"Aşağıdakı qonşuya tez-tez su damır. Dəfələrlə icra hakimiyyətinə müraciət etmişəm. Amma heç bir nəticəsi yoxdur. Bəs onda niyə onları o vəzifəyə qoyublar? Biz öz dərdimizi kimə deməliyik?", —deyir narazı sakin.

Sakinlər bu ərazinin söküləcəyi barədə məlumatı televiziyadan eşitdiklərini, ancaq özlərinə hələlik heç bir məlumat verilmədiyini bildiriblər.

Qarşı tərəfdə yerləşən qaçqın yataqxanasındakı vəziyyət isə daha da betər idi. "Burda heç it də yaşamaz" deyən Rəna xanım, hökumətdən onları insan yerinə qoymağı tələb edir: "Gəlsinlər, bircə gün bura baş çəksinlər. Cəmi bircə gün nazirlər özlərini bizim yerimizə qoysunlar. Bəlkə daşlaşmış qəlbləri yumşalar və buranı normal təmir edələr".

Sovetski - Sputnik Azərbaycan
“Sovetski” məhəlləsində 2311 yaşayış və qeyri-yaşayış sahəsi sökülüb

Ərazidəki yararsız binaların dəqiq nə vaxt söküləcəyini öyrənmək üçün Qaradağ Rayon İcra Hakimiyyəti ilə əlaqə saxladıq. İcra Hakimiyyətinin nümayəndəsi Sputnik-ə açıqlamasında həmin binaların bu il ərzində söküləcəyini bildirdi: "Böyük ehtimalla yay fəslinə qədər həmin binalar söküləcək. Orada yaşayan insanlar üçün yeni binalar tikiləcək və bu işlər tamamlanana qədər ailələr müvəqqəti kirayə evlərə köçürüləcək. Kirayə xərclərinin hamısı dövlət tərəfindən qarşılanacaq".

Apardığımız müşahidələr, sözügedən binalarda yaşamağın son dərəcə təhlükəli olduğunu göstərir. Ümid edilir ki, dövlət vaxtında ciddi tədbirlər görər və bu sadə insanlar gec olmadan ölüm riskindən xilas olarlar.

© Sputnik / Fuad HasanovBurada sakinlər ölümlə burun-buruna yaşayırlar.
Burada sakinlər ölümlə burun-buruna yaşayırlar - Sputnik Azərbaycan
1/9
Burada sakinlər ölümlə burun-buruna yaşayırlar.
© Sputnik / Fuad HasanovOrta sürətli külək belə evlərin silkələnməsinə səbəb olur.
Orta sürətli külək belə evlərin silkələnməsinə səbəb olur - Sputnik Azərbaycan
2/9
Orta sürətli külək belə evlərin silkələnməsinə səbəb olur.
© Sputnik / Fuad HasanovEvlərin içindəki vəziyyət çox acınacaqlıdır.
Evlərin içindəki vəziyyət çox acınacaqlıdır - Sputnik Azərbaycan
3/9
Evlərin içindəki vəziyyət çox acınacaqlıdır.
© Sputnik / Fuad HasanovSakinlər bu ərazinin söküləcəyini televiziyadan eşidiblər.
Sakinlər bu ərazinin söküləcəyini televiziyadan eşidiblər - Sputnik Azərbaycan
4/9
Sakinlər bu ərazinin söküləcəyini televiziyadan eşidiblər.
© Sputnik / Fuad HasanovSakinlər deyir, dərdimizi bilmirik kimə danışaq.
Sakinlər deyir, dərdimizi bilmirik kimə danışaq - Sputnik Azərbaycan
5/9
Sakinlər deyir, dərdimizi bilmirik kimə danışaq.
© Sputnik / Fuad HasanovBunlar çox qədim, 1940-cı illərdə tikilən “finski” adlanan taxta binalardır.
Bunlar çox qədim, 1940-cı illərdə tikilən “finski” adlanan taxta binalardır - Sputnik Azərbaycan
6/9
Bunlar çox qədim, 1940-cı illərdə tikilən “finski” adlanan taxta binalardır.
© Sputnik / Fuad HasanovYataqxana sakinləri deyir ki, burda insan yaşaması üçün heç bir şərait yoxdur.
Yataqxana sakinləri deyir ki, burda insan yaşaması üçün heç bir şərait yoxdur - Sputnik Azərbaycan
7/9
Yataqxana sakinləri deyir ki, burda insan yaşaması üçün heç bir şərait yoxdur.
© Sputnik / Fuad HasanovVəziyyət sözlə deyilməyəcək qədər dəhşətlidir.
Vəziyyət sözlə deyilməyəcək qədər dəhşətlidir - Sputnik Azərbaycan
8/9
Vəziyyət sözlə deyilməyəcək qədər dəhşətlidir.
© Sputnik / Fuad HasanovYataqxananın bəzi yerləri dəhşət filmlərini xatırladır.
Yataqxananın bəzi yerləri dəhşət filmlərini xatırladır - Sputnik Azərbaycan
9/9
Yataqxananın bəzi yerləri dəhşət filmlərini xatırladır.
Xəbər lenti
0