Bakıda qar yağıb. Ekologiya və Təbii Sərvətlər Nazirliyinin Milli Hidrometeorologiya Departamentinin verdiyi məlumata görə, paytaxtda havanın temperaturu gecə —3°C, gündüz isə 0°C — + 2°C dərəcədir.

Buna baxmayaraq, şəhərdə infrastruktur iflic vəziyyətə düşüb. Su və kanalizasiya xəttləri donub, istilik sistemləri lazım olan istiliyi ötürmək qabiliyyətinə malik deyil, yollarda qarın təmizlənməməsi, əriyən qarın əmələ gətirdiyi suların axması üçün müvafiq ötürücü sistemin olmaması səbəbindən avtomobillərin hərəkətində çətinlik yaranıb, şəhərin və şəhərətrafı kəndlərin bir sıra istiqamətlərində işıqlar sönüb, telefon xəttləri sıradan çıxıb. Bakının bir sıra kənd və qəsəbələrinə marşrutların intensiv işləməməsi səbəbindən, əhali səhər iş yerlərinə vaxtında çata bilməyib.

Maraqlıdır ki, qış aylarında temperaturun Azərbaycandan dəfələrlə yüksək olduğu ölkələrdə analoji problemlər yaşanmır. Misal üçün, Rusiyanın paytaxtı Moskvada və digər şəhərlərdə temperatur —20°C —40°C arasında dəyişsə də, orada infrastrukturun iflic olması hallarına rast gəlinmir. Havaya uyğun olaraq istilik sistemlərində temperatur artırılır. Moskva, Sankt-Peterburq, Nijniy Novqorod, Rostov-na-Donu, Samara və d. şəhərlərdə yaşayan həmkarlarımızın verdikləri məlumata görə, havanın temperaturu mənfiyə doğru artdıqca, evlərdə və ofislərdə qızdırıcıların temperaturu da artır. Su xəttlərində isə problem yaranmır, isti və soyuq su daimi olaraq gəlir. Yollarda maşınların və marşrutların hərəkətində heç bir çətinlik ortaya çıxmır.

Sputnik bu gün Bakıda qarın yağması ilə bağlı vəziyyəti əks etdirən fotosessiyanı təqdim edir.

BAKI, 27 noyabr — Sputnik. "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı" yerli səviyyədə uşaqları müdafiə sistemini gücləndiməklə, ölkə üzrə uşaqları müdafiə mexanizminin təkmilləşdirilməsi və genişləndirilməsi istiqamətində tədbirlərin həyata keçirilməsini nəzərdə tutur. Sputnik Azərbaycan-ın məlumatına görə, bu, Prezident İlham Əliyevin 2020-ci il 27 noyabr tarixli Sərəncamı ilə təsdiq edilən "Uşaqlara dair Strategiyanın həyata keçirilməsi üzrə 2020–2025-ci illər üçün Fəaliyyət Planı"nda əksini tapıb.

Fəaliyyət Planında pandemiya və digər fövqəladə vəziyyətlər də nəzərə alınmaqla, uşaq hüquqlarının müdafiəsinə hərtərəfli yanaşma prinsipləri, xüsusi vəziyyətlərdə uşaqların bütün növ xidmətlərə təhlükəsiz çıxışında bərabərliyin təmin olunması məsələləri, xüsusilə Ermənistan-Azərbaycan Dağlıq Qarabağ münaqişəsindən əziyyət çəkmiş uşaqlara və onların ailələrinə sosial-psixoloji dəstək tədbirlərinin gücləndirilməsi öz əksini tapıb. Eyni zamanda, xarici ölkələrdə münaqişə qurbanı olmuş və daha sonra ölkəmizə qaytarılmış Azərbaycan Respublikası vətəndaşı olan uşaqların cəmiyyətə reinteqrasiyası istiqamətində də fəaliyyətin həyata keçirilməsi nəzərdə tutulub.

Çətin həyat şəraitində, baxımsız və sosial təhlükəli vəziyyətdə olan uşaqların aşkarlanması və onların sosial müdafiəsi, reabilitasiyası, cəmiyyətə inteqrasiyası sahəsində tədbirlərin həyata keçirilməsi, eyni zamanda, ölkəmizdə alternativ qayğı xidmətlərinin inkişafı, həyatın bütün sahələrində uşaqlara qarşı zorakılığın qadağan olunması ilə bağlı qanunvericilik təkliflərinin işlənilməsi Fəaliyyət Planında xüsusi yer tutur.