Qubad İbadoğlu: Bizim seçkidə iştirak etmək hüququmuz yoxdur

BAKI, 1 sent-Sputnik. Azərbaycan Demokratik Rifah Hərəkatı (ADR) seçkilərdə təşkilat olaraq rəsmi şəkildə iştirak etməsə də, ancaq üzvlərin fərdi qaydada iştirakı istisna deyil. Bunu Sputnik-ə açıqlamasında ADR Hərəkatının lideri Qubad İbadoğlu deyib.

Onun sözlərinə görə, ADR Hərəkatı İctimai Birliklər haqqında qanuna müvafiq olaraq fəaliyyət göstərir və həmin Qanuna görə, bizim təşkilat olaraq seçkidə iştirak etmək hüququmuz yoxdur. “Hərəkatın üzvlərinə gəlincə, bu, onların fərdi qərarlarından asılıdır. Biz də təşkilat olaraq, onların seçilmək hüquqlarına hörmətlə yanaşırıq. Odur ki, üzvlərimizin bəzilərinin seçkilərdə iştirakı gözləniləndir” — deyə İbadoğlu qeyd edib.