Xaçatryan: Türkiyənin hava məkanını bağlaması Ermənistan aviasiyasına baha başa gəlir

6117
(Yenilənib 22:45 09.09.2021)
Ermənistan hava yollarının rəsmisi qeyd edib ki, naviqasiya planının dəyişməsi səbəbindən uçuş müddəti, buna müvafiq olaraq da yanacaq xərcləri artır.

BAKI, 9 sentyabr - Sputnik. Türkiyənin Ermənistan hava yollarına hava məkanını verməkdən imtina etməsi uçuşların qiymətinə və müddətinə təsir edir.

Sputnik Ermənistan xəbər verir ki, bunu Ermənistan hava yolları şirkəti direktorunun müavini və kommersiya işləri üzrə direktoru Gevork Xaçartryan keçirdiyi mətbuat konfransında bildirib.

O qeyd edib ki, Türkiyənin hava məkanının Ermənistan aviaşirkətinə məxsus təyyarələr üçün açılması istiqamətində danışıqlar aparılır.

Onun sözlərinə görə, ötən 6 il ərzində Ermənistan təyyarələri Türkiyənin, Türkiyə təyyarələri isə Ermənistanın hava məkanı ilə uçub. Sonuncu dəfə bu ilin mart-aprel aylarında Türkiyəyə müraciət ediblər və rədd cavabı alıblar.

"Hazırda Türkiyənin hava məkanı ilə uçmuruq, amma danışıqlar gedir və görünür, müsbət irəliləyiş var. Ümid edirik ki, məsələ qısa müddətdə həll olunacaq", - deyə o, bildirib. 

Xaçatryan qeyd edib ki, naviqasiya planının dəyişməsi səbəbindən uçuş müddəti, buna müvafiq olaraq da yanacaq xərcləri artır. Bundan başqa, Türkiyənin və digər ölkələrin naviqasiya xərclərində müəyyən fərq var.

Xatırladaq ki, 44 günlük müharibənin başlamasına 20 gün qalmış, 9 sentyabr 2020-ci ildən etibarən Türkiyə Ermənistanda qeydiyyatdan keçmiş təyyarələrin öz hava sahəsinə girişini qadağan edib. Bu zaman Türkiyə tərəfi Ermənistana məxsus hava yollarına hər hansı səbəb göstərməyib.

Mülki Aviasiya Komitəsi Ermənistanın hava sahəsinin Türkiyə də daxil olmaqla bütün mülki təyyarələr üçün açıq olduğunu bəyan edib.

6117
Bakı məktəblərində əyani tədris prosesinin başlanması, 1 fevral 2021-ci il

Məktəblərdə yeni dərslik tətbiq olunacaq

0
(Yenilənib 14:38 16.09.2021)
Növbəti tədris ilindən V siniflərdə 132 məktəbdə pilot olaraq yeni dərslik tətbiq olunacaq ki, bu da "Təbiət" dərsliyidir.

BAKI, 16 sentyabr — Sputnik. Növbəti illərdə kurikulum daha da sadələşdiriləcək. Sputnik Azərbaycan-ın məlumatına görə, bunu "Media və təhsil dialoqu" mövzusunda keçirilən təlimdə Təhsil İnstitunun direktoru Rüfət Əzizov bildirib.

O, bildirib ki, ümumtəhsildə qiymətləndirmə konsepsiyasına da yenidən baxılır: "Ola bilər ki, həmin tədqiqatlar zamanı təkcə ibtidai siniflərdə deyil, digər siniflərdə də müxtəlif imtahanların sayı azaldılsın. Onların əvəzinə daha az sayda olan mərkəzləşmiş imtahanlar olsun.Məktəblərdə şagirdlərin qiymətləndirməsinə yenidən baxılır".

R.Əzizov qeyd edib ki, növbəti tədris ilindən V siniflərdə 132 məktəbdə pilot olaraq yeni dərslik tətbiq olunacaq. Bu, "Təbiət" dərsliyidir. Burada təbiət fənlərinin inteqrasiyasından söhbət gedir".

Onun sözlərinə görə, yeni dərslik tamamilə bacarıq, tədqiqat istiqamətdə dərslərin keçirilməsinə əsaslanır: "Dərslik gənc müəlliflər tərəfindən hazırlanıb. Bu dərsləri tədris edəcək sinif müəllimləri üçün dərslik müəllifləri tərəfindən təlimlər təşkil olunub. Dərsliyin gələcəkdə VI siniflərdə də keçirilməsi nəzərdə tutulur. VII sinifdən isə təbiət fənləri Kimya, Biologiya və Fizika fənləri olaraq ayrılacaq".

0

İƏT nümayəndə heyəti Şuşa şəhərindədir

91
(Yenilənib 14:39 16.09.2021)
Nümayəndə heyəti işğaldan azad olunmuş ərazilərdə faktaraşdırıcı missiya həyata keçirəndən sonra bəyanat qəbul edəcək.

BAKI, 16 sentyabr — Sputnik. İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoçun rəhbərlik etdiyi nümayəndə heyəti Şuşa şəhərindədir.

11:11

Azərbaycanın Ombudsmanı Səbinə Əliyevanın dəvəti ilə Azərbaycanda səfərdə olan İslam Əməkdaşlıq Təşkilatı (İƏT) Ombudsmanlar Assosiasiyasının prezidenti, Türkiyənin Baş Ombudsmanı Şərəf Malkoçun rəhbərlik etdiyi nümayəndə heyəti Şuşaya yola düşüb.

"Report"un xəbərinə görə, səfər çərçivəsində qonaqlar Şuşada faktaraşdırıcı missiya həyata keçirəcəklər.

Nümayəndə heyəti işğaldan azad olunmuş ərazilərdə faktaraşdırıcı missiya həyata keçirəndən sonra bəyanat qəbul edəcək.

Qeyd edək ki, İƏT və Pakistan Ombudsman nümayəndə heyətləri işğaldan azad edilmiş ərazilərdə faktaraşdırıcı missiya aparılması məqsədilə ölkəmizə səfərə gəlib. Sentyabrın 19-dək davam edəcək səfər çərçivəsində bir sıra rəsmi görüşlərin keçirilməsi nəzərdə tutulub.

Həmçinin oxuyun:

Əliyev İƏT-ə səsləndi - Sizi də görmək istərdik

Şuşa yeni festivala hazırlaşır

Şuşa yolunun inşası tamamlanmaq üzrədir

91
Teqlər:
zərif cins, sosial