IV ANİMAFİLM Beynəlxalq Animasiya Festivalı öz qalibləri

IV ANİMAFİLM Beynəlxalq Festivalının qalibləri elan olunub

11
(Yenilənib 18:16 08.09.2021)
Müsabiqə proqamının bütün filmləri orijinal dilində ingiliscə alt yazı ilə, hətta bəzi xarici filmlər azərbaycanca alt yazı ilə nümayiş etdirilib.

BAKI, 8 sentyabr — Sputnik. Sentyabrın 3-7-də tarixlərində IV ANİMAFİLM Beynəlxalq Animasiya Festivalı Azərbaycan Kinematoqrafçılar İttifaqının (AKİ) Kino Evində canlı (offline) formada keçirildi. Sputnik Azərbaycan xəbər verir ki, festivalda beş gün ərzində 40 ölkədən 200-ə yaxın uşaqlar və böyüklər üçün çəkilmiş müxtəlif animasiya filmləri nümayiş etdirildi. Xəbər verdiyimiz kimi, festivalın builki mövzusu "Əlillik" idi.

Festivalın müsabiqədənkənar və peşəkar proqramları da bu il də Fransa, Polşa, Özbəkistan filmləri, animasiya vorkşopları ilə zəngin oldu. Müsabiqə proqamının bütün filmləri orijinal dilində ingiliscə alt yazı ilə, hətta bəzi xarici filmlər azərbaycanca alt yazı ilə nümayiş etdirildi. Bununla yanaşı, gənc animasiya həvəskarlarını nəzərdə tutan və Azərbaycan animasiya sənətinin inkişafını təşviq edən müxtəlif vörkşoplar, o cümlədən Məsud Pənahinin ustad dərsi, Olivier Catherinin kino və animasiya produserləri üçün masterklası və Nik Phelps və Nancy Denney-Phelps tərəfindən bəstəkarlar və səs rejissorları üçün seminar baş tutdu.

IV ANİMAFİLM festivalında beynəlxalq münsiflər heyətinin tərkibi Məsud Pənahi (Azərbaycan), Olivier Catherin (Fransa), Nancy Denney-Phelps və Nik Phelps (Belçika), Mariam Kandelaki (Gürcüstan), İradə Bağırzadə (Azərbaycan), Piotr Kardas (Polşa), Mehdi Khorushy və Maryam Rouhbakhsh (İran) kimi peşəkarlardan ibarət olub. Nancy Denney-Phelps münsiflər heyətinin sədri idi.

Bu il ənənəvi olaraq festivalın uşaq münsifləri də fəaliyyət göstərirdi. 18 üzvdən ibarət olan bu heyət festival müddətində maarifləndirici və əyləncəli uşaq proqramında iştirak etdikdən sonra "Uşaqlar üçün ən yaxşı qısametrajlı animasiya filmi" və "Uşaqlar tərəfindən çəkilmiş ən yaxşı animasiya filmi" kateqoriyalar üzrə iki qalib seçdilər.

Nəhayət ki, festival öz işini yekunlaşdırdı, sentyabrın 7-də ANİMAFİLM festivalının bağlanış mərasimində qaliblər elan olundu. Bu il "Azərbaycan animasiyasına verdiyi töhfəyə görə" təsvir rejissoru Ramiz Ağayev festivalın "Qızıl qayıq" mükafatına layiq görüldü.

Beynəlxalq müsabiqənin qalibləri:

"Ən yaxşı tammetrajlı animasiya filmi – GRAND PRIX" – "The Knight and the Princess", rejissorlar Bashir Eldik və İbrahim Musa, Səudiyyə Ərəbistanı, Misir.

"Ən yaxşı qısametrajlı animasiya filmi – GRAND PRIX" – "Kitchen by Measure", rejissorlar Sólrún Ylfa Ingimarsdóttir və Atli Arnarsson, İslandiya.

"Qısametrajlı animasiya filmi üçün ən yaxşı ssenari – GRAND PRIX" – "Weird Witches and Fall", müəllif Lana Ra, Ukrayna.

"Uşaqlar üçün ən yaxşı qısametrajlı animasiya filmi" – "Emsahar", rejissor Hassan Al-Jahni, Qətər.

"Uşaqlar tərəfindən çəkilmiş ən yaxşı animasiya filmi" – "Monster", rejissor Koosha Yusefi, İran.

"Ən yaxşı qısametrajlı eksperimental və ya abstrakt animasiya filmi" – "Rites of Spring", rejissor Yiorgos Tsangaris, Kipr.

"Ən yaxşı qısametrajlı tələbə animasiya filmi" – "Three Jumps to Happiness", rejissor Artur Hanaj. Polşa.

"Ən yaxşı televiziya və ya İnternet animasiya seriyalı" – "Mitch-Match", rejissor Géza M. Tóth, Macarıstan.

"Ən yaxşı musiqili animasiya videosu" – "Agapito", rejissorlar Rafael Vidal Altabert və Julián Gómez Caballero, İspaniya.

Yerli müsabiqənin qalibləri:

"Ən yaxşı Azərbaycan qısametrajlı animasiya filmi" – "Araqçın", rejissor Firəngiz Qurbanova. Azərbaycan.

"Qısametrajlı animasiya filmi üçün ən yaxşı Azərbaycan ssenarisi" – "Balaca qırmızı şar", müəllif Günel Eminli. Azərbaycan.

Beynəlxalq münsiflər heyətinin xüsusi seçimi mükafatları:

Sədr Nancy Denney-Phelps-in xüsusi seçimi mükafatı – "Swipe", rejissor Arafat Mazhar, Pakistan.

Heyətin üzvü Nik Phelps-in xüsusi seçimi mükafatı – "Navozande, the Musician", rejissor Reza Riahi, Fransa.

Heyətin üzvü Məsud Pənahinin xüsusi seçimi mükafatı – "İnitli", rejissor Ruslan Kərimov, Azərbaycan.

Heyətin üzvü Olivier Catherin-in xüsusi seçimi mükafatı – "The Red Pen", rejissor Raffaele Gabrielli, İngiltərə.

Heyətin üzvü Piotr Kardas-ın xüsusi seçimi mükafatı – "Sisters", rejissor Andrea Szelesová, Çex Respublikası.

Heyətin üzvü Maryam Kandelaki-nin xüsusi seçimi mükafatı – "Nothing is Here", rejissor Kaiyun Yang, Tayvan.

Heyətin üzvü Mehdi Khorushy-nin və Maryam Rouhbakhsh-in xüsusi seçimi mükafatı – "Tio", rejissor Juan Medina, Meksika.

Festivalın təşkilatçısı "PERİ FİLM" MMC şirkəti, IV ANİMAFİLM Festivalının ərsəyə gəlməsində dəstəyi olan bütün tərəfdaşlara və dostlara, xüsusilə Azərbaycan Respublikasının Mədəniyyət Nazirliyinə, Azərbaycan Kinematoqrafçılar İttifaqına, Kreativ Azərbaycan portalına, Fransanın Azərbaycandakı səfirliyinə, Azərbaycandakı Fransız İnstitutuna, Annecy Beynəlxalq Animasiya Film Festivalına, Salaam Sinemaya, "Hadigro" şirkətinə, "Mr Chemical" şirkətinə, ABŞ Təhsilli Azərbaycan Məzunları İctimai Birliyinə, Çexiya Respublikasının Azərbaycandakı səfirliyinə, YARAT Müasir İncəsənət Məkanına, Polşa Respublikasının Bakıdakı səfirliyinə, "Ritual Mobil Theater Laboratory" teatr platformasına, "Seni" şirkətinə, "Promo Plus" şirkətinə, "Kekalove Adaptive Fashion" şirkətinə səmimi təşəkkürünü bildirir.

Məlumat üçün bildirək ki, "Animafilm" Beynəlxalq Animasiya Festivalı 2018-ci ildə gənc rejissor Rəşid Ağamalıyev tərəfindən təsis olunub. Rəşid Ağamalıyev Çexiyada kinematoqrafiya üzrə təhsil alıb. 2010-cu ildən kino səhəsinə gələn gənc rejissor və prodüser 2016-cı ildən etibarən animasiya filmləri ilə məşğuldur.

Həmçinin oxuyun:

Sənədli film çəkmək istəyənlər üçün möhtəşəm fürsət

11
Teqlər:
festival

Nəriman Abbasov Həbib Nurməhəmmədovun tələbəsini nokauta saldı

0
Moskvada Abdulmanap Nurməhəmmədovun xatirəsinə həsr olunmuş turnir çərçivəsində Nəriman Abbasovla Şamil Zavurov arasında keçirilən döyüş cəmi bir raund davam edib.

 

BAKI, 18 sentyabr — Sputnik. Azərbaycanın MMA döyüşçüsü Nəriman Abbasov Moskvada keçirilən turnirdə keçmiş UFC çempionu Həbib Nurməhəmmədovun tələbəsi, "Dağıstan şiri" ləqəbli Şamil Zavurovu məğlub edib.

Sputnik Azərbaycan-ın məlumatına görə, Moskvada baş tutan MMA (qarışıq döyüş növləri) turniri Həbib Nurməhəmmədovun atası Abdulmanap Nurməhəmmədovun xatirəsinə həsr olunmuşdu. Abbasov həmin görüşdə AMC Fight Nights çempion kəmərini qoruyurdu, Zavurov üçün isə qarşılaşma karyerasında sonuncu oldu.

Döyüş elə birinci raundda texniki nokautla başa çatdı. "Çingizxan" ləqəbli Nəriman Abbasov ilk dəqiqələrdən rəqibinə dəqiq zərbələr endirərək üstünlüyü ələ aldı, Zavurov raundun sonunda təzyiqə davam gətirməyərək oktaqonun döşəməsinə yıxıldı. Abbasov rəqibinə zərbələr endirməyə davam edərkən döyüş dayandırıldı. Beləliklə, Abbasov MMA-da 12-ci dəfə ardıcıl olmaqla 27-ci qələbəsini qazandı. 

Qalib elan edildikdən sonra Nəriman Abbasov qeyd edib ki, qələbəsini mərhum Abdulmanap Nurməhəmmədova həsr edir və rəqibinə hörmətlə yanaşır.

Onu da bildirək ki, döyüşdən əvvəl Həbib Nurməhəmmədov Abbasova Zavurov üzərində qələbə qazanacağı təqdirdə ən prestijli UFC promouşeni ilə müqavilə bağlamağına kömək edəcəyinə söz verib. Nəriman müsahibəsinin sonunda Həbibin vədini yada salıb: "Həbib, çamadanım hazırdır".

Eləcə də oxuyun:

0
Teqlər:
MMA, çempion, Həbib Nurməhəmmədov, azərbaycanlı, Moskva
Azərbaycan Bəstəkarlar İttifaqının sədri Firəngiz Əlizadə

Xalq artisti: “Üzeyir Hacıbəyovu hər zaman “Şərqin Motsartı” adlandırmışam”

10
(Yenilənib 09:56 18.09.2021)
Xalq artisti, Azərbaycan Bəstəkarlar İttifaqının sədri Firəngiz Əlizadə bildirib ki, onun yaradıcılığı sayəsində muğam sənəti qərbin ən mürəkkəb janrı olan opera ilə sintez tapdı
Firəngiz Əlizadə: “Ölməz bəstəkarın dahiliyi təkcə musiqi yaradıcılığı ilə məhdudlaşmır”

Azərbaycanın dahi bəstəkarı, musiqişünas alim, publisist, dramaturq, pedaqoq və ictimai xadim, müasir Azərbaycan professional musiqi sənətinin və milli operasının banisi Üzeyir Hacıbəyovun anadan olmasının 136 ili tamam olur.

Sputnik Azərbaycan dahi bəstəkarın həyat və yaradıcılığı barədə Xalq artisti, Azərbaycan Bəstəkarlar İttifaqının sədri Firəngiz Əlizadə ilə həmsöhbət olub.

Üzeyir Hacıbəyovu hər zaman “Şərqin Motsartı”, “Şərqin Günəşi adlandırmışam” -  deyə söhbətə başlayan xalq artisti dahi bəstəkarın yaradıcılığının əsrarəngizliyindən söz açıb: “Bu xüsusiyyətlər onun musiqisini ölməz edir. Nə qədər ki, azərbaycanlılar var bu musiqi qəlblərimizi fəth edəcək. Üzeyir Hacıbəyov dahi insan olub və bu hər sahədə özünü göstərib. Onun  haqqında danışarkən ən çox istifadə olunan sözlər ilk dəfə, birinci dəfədir. Onun yaradıcılığı sayəsində muğam sənəti qərbin ən mürəkkəb janrı olan opera ilə sintez tapdı. Ölməz bəstəkarın dahiliyi təkcə musiqi yaradıcılığı ilə məhdudlaşmır. Sovet İttifaqında elə bir ölkə yox idi ki, onun musiqisi orada populyar olmasın”.

Firəngiz Əlizadənin fikirlərinə ətraflı şəkildə audiofaylda qulaq asa bilərsiniz

10