Əfqanıstanda Taliban (Rusiyada və digər ölkələrdə qadağan olunmuş terror qruplaşması ) hərəkatının üzvləri, arxiv şəkli

Taliblər Kabildə etiraz aksiyasını işıqlandıran televiziya operatorunu saxlayıblar

19
(Yenilənib 17:07 07.09.2021)
Çərşənbə axşamı taliblərin dəvəti ilə Pakistanın idarələrarası kəşfiyyat rəisi Faiz Həmidin paytaxt səfərindən sonra Kabildəkı əfqanlar etiraz aksiyasına çıxıblar.

BAKI, 7 sentyabr — Sputnik. Taliblər Kabildə anti-Pakistan etiraz aksiyasını işıqlandıran "Tolo News" operatorunu saxlayıb kamerasını əlindən alıblar. Bu barədə Sputnik Azərbaycan Rusiya mediasına istinadən xəbər verir.

"Taliblər bəzi jurnalistlərin bugünkü etiraz aksiyasını çəkməsinə mane oldular. Onlar həmçinin "Tolo News" operatorunu tutaraq kamerasını ələ keçiriblər", - deyə kanalın "Twitter" səhifəsində qeyd olunub.

Kabildəki etiraz aksiyasının iştirakçısı "RİA Novosti"-yə bildirib ki, taliblər İran səfirliyinin qarşısında birbaşa prezident sarayının yanında etirazçıları atəşə tutublar.

Çərşənbə axşamı taliblərin dəvəti ilə Pakistanın idarələrarası kəşfiyyat rəisi Faiz Həmidin paytaxt səfərindən sonra Kabildəkı əfqanlar etiraz aksiyasına çıxıblar.

Nümayiş Kabildən şimalda başlayıb və Pakistan səfirliyinin yanında davam edib.

Bu yaxınlarda Taliban* hərəkatının spikeri Zabiullah Mücahid ölkənin "böhrandan yeni çıxdığına" görə Əfqanıstan əhalisini etiraz və nümayişlərdən çəkinməyə çağırıb.

Taliblər bir ay bundan əvvəl hökumət qüvvələrinə qarşı hücumları aktivləşdiriblər və avqustun 15-də Kabilə giriblər. Ertəsi gün onlar müharibənin bitdiyini və dövlətin idarəetmə formasının yaxın gələcəkdə aydınlaşacağını bildiriblər. 

Avqustun 31-nə keçən gecə ABŞ hərbçiləri Kabil hava limanını tərk edərək Əfqanıstanda Amerikanın təxminən 20 illik hərbi mövcudluğuna son qoyublar. Sentyabrın 6-da taliblər Əfqanıstanın 34 əyalətindən sonuncusu olan Pəncşirin döyüşlərlə nəzarətə keçdiyini bildiriblər.

* - Rusiya Federasiyasında qadağan olunmuş terror qruplaşması

 

19
Elektrik xətləri, arxiv şəkli

İES-lərin enerji hasilatında artım, SES-lərin hasilatında isə azalma var

3
(Yenilənib 23:07 25.09.2021)
Avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

BAKI, 25 sentyabr — Sputnik. Yanvar-avqust aylarında istilik elektrik (İES) və su elektrik stansiyalarında (SES) istehsal edilən elektrik enerjisinin həcmi açıqlanıb.

Energetika Nazirliyindən Sputnik Azərbaycan-a verilən məlumata görə, 8 ayda respublikada elektrik enerjisinin istehsalı 18 milyard 612,4 milyon kilovat/saat olub.

Hesabat dövründə ötən ilin eyni aylarına nisbətən elektrik enerjisinin istehsalı İES-lərdə 994,2 milyon kilovat/saat artaraq 17 milyard 409,7 milyon kilovat/saat, SES-lərdə 120,3 milyon kilovat/saat çoxalaraq 966,9 milyon kilovat/saat, digər mənbələr (KES, GES və BMTYZ) üzrə isə 4,8 milyon kilovat/saat azalaraq 235,8 milyon kilovat/saat olub.

Qeyd edək ki, təkcə avqust ayında respublika üzrə elektrik enerjisinin istehsalı ötən ilin müvafiq dövrü ilə müqayisədə 611,2 milyon kilovat/saat artaraq 2 milyard 767,4 milyon kilovat/saat olub.

Ay ərzində elektrik enerjisinin ixracı 150,6 milyon kilovat/saat, idxalı isə 10,5 milyon kilovat/saat təşkil edib.

Həmçinin oxuyun:

Bərpa olunan Laçın SES kimə işıq verəcək?

3
Teqlər:
İES, SES

Ceyhun Bayramov Beynəlxalq Qırmızı Xaç Komitəsinin prezidenti ilə görüşüb

3
(Yenilənib 22:27 25.09.2021)
BQXK-nin prezidenti humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

BAKI, 25 sentyabr - Sputnik. Sentyabrın 24-də xarici işlər naziri Ceyhun Bayramov BMT Baş Assambleyasının 76-cı sessiyası çərçivəsində Beynəlxalq Qırmızı Xaç Komitəsinin prezidenti Peter Maurer ilə görüşüb.

Görüşdə Azərbaycan ilə BQXK arasındakı münasibətlərin hazırkı vəziyyəti və perspektivləri barədə fikir mübadiləsi aparıldı və tərəflər arasındakı uğurlu əməkdaşlığın gələcəkdə daha da inkişaf edəcəyinə ümid ifadə edilib. 

Ceyhun Bayramov münaqişə sonrası regionda mövcud olan vəziyyət, xüsusilə də mina təhlükəsi və onun doğurduğu fəsadlar, azad edilmiş ərazilərdə həyata keçirilən bərpa, yenidənqurma işləri barədə qarşı tərəfə ətraflı məlumat verib. Nazir münaqişə kontekstində BQXK-nın fəaliyyətinin Azərbaycan tərəfindən müsbət qiymətləndirildiyini həmsöhbətinin diqqətinə çatdırıb.

Öz növbəsində BQXK-nin prezidenti Piter Maurer verilmiş məlumatlara görə təşəkkürünü bildirərək, təmsil etdiyi qurum tərəfindən bu istiqamətdə aparılan işlər barəsində məlumat verib. O, humanitar sahədə əməkdaşlığın və münaqişənin həlli kontekstində müvafiq layihələrin bundan sonra da davam etdiriləcəyini vurğulayıb.

Görüş zamanı, həmçinin ümumi humanitar məqsədli fəaliyyət barədə fikir mübadiləsi aparılıb.

Həmçinin oxuyun:

Ceyhun Bayramov Amerika Yəhudi Komitəsinin nümayəndələri ilə görüşüb

Ceyhun Bayramov Ermənistan XİN rəhbəri ilə görüşüb

3
Teqlər:
Ceyhun Bayramov, BQXK