Dərman

COVID-19-la mübarizə aparmaq asan olsun deyə yeməli - həkim məsləhəti

887
(Yenilənib 15:31 05.09.2021)
Mərkəzi Gömrük Hospitalının həkim-diyetoloqu Məlahət Kərimovanın sözlərinə görə, C vitamini ilə zəngin olan və antioksidant özəlliyi olan meyvələrə daha çox üstünlük verilməlidir.

BAKI, 5 sentyabr — Sputnik. Bəzi COVID-19 xəstələri dərmanların təsirsiz olmasından, bəzi ekspertlər xəstələrə yazılan müəyyən dərmanların zərərlərindən danışırlar. Belə olan halda cəmiyyətdə bir sual otaya çıxır: Dərman olmadan bu virusla necə mübarizə aparmaq olar?

Mərkəzi Gömrük Hospitalının həkim-diyetoloqu Məlahət Kərimova Sputnik Azərbaycan-a vaistəsilə təbii yollarla immun sistemini möhkəmləndirməyə üstünlük verən belə şəxslərə tövsiyələrini açıqlayıb. O bildirib ki, bu virusla mübarizədə diqqət edilməsi vacib olan nüanslardan biri də düzgün və normal qidalanmaqdır:

"Bunun üçün gündəlik qida rasionumuzu meyvə və tərəvəzlə zəngin etməliyik. Vitamin C ilə zəngin olan və antioksidant özəlliyi olan meyvələrə daha çox üstünlük verilməlidir".

O virusla mübarizə aparmaq üçün portağal, limon, naringi, kivi, qreyfrut, eyni zamanda da nar və böyürtkənə daha çox üstünlük verməyi tövsiyə edir:

"Vitamin C ilə zəngin olan tərəvəzlər - yaşıl bibər də gündəlik qida rasionumuza əlavə edilməlidir. İstər hazırlanan salatların, istərsə də bişirilən xörəklərin tərkibinə bu tərəvəzlər daxil edilməlidir. Bundan başqa, keşniş, şüyüt də mütləq şəkildə gündəlik olaraq qida rasionumuza əlavə edilməlidir. Sadaladığım bu səbzələr də vitamin C və andioksidantla zəngindirlər".

Diyetoloq deyir ki, bazardan alınan meyvə-tərəvəzlər təmiz su ilə yuyulmalıdır. Gündəlik olaraq bədən su ilə zənginləşməsinə də diqqət edilməlidir. Gündəlik olaraq su da bol-bol qəbul edilməlidir:

"Suyun tərkibinə limon, zəncəfil əlavə etmək olar. Bundan başqa, ənginarı da tövsiyə edərdim. Ənginar qaraciyərimizin yaxın dostudur. O immun sistemini gücləndirir, eyni zamanda da qanı təmizləyir".

887
Rusiya Dövlət Dumasına seçkilər (2021)

Rusiyada keçirilən seçkilərdə kim irəlidədir - Exit-poll nəticələri

10
(Yenilənib 00:13 20.09.2021)
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

10
Teqlər:
'exit-poll', Rusiya
Minsk şəhərinə mənzərə, arxiv şəkli

Azərbaycan ilə Belarus arasında ticarət dövriyyəsi 200 milyon dolları ötüb

7
(Yenilənib 22:18 19.09.2021)
Azərbaycan Respublikasından Belarusa ixracın dəyəri 130 milyon dollar, bu ölkədən idxalın dəyəri isə 79,5 milyon dollar təşkil edib.

BAKI, 19 sentyabr - Sputnik. Cari ilin yanvar-avqust aylarında Azərbaycan ilə Belarus arasında ticarət dövriyyəsi 209,5 milyon ABŞ dolları təşkil edib.

Bu barədə AZƏRTAC-a Belarus Dövlət Statistika Komitəsindən məlumat verilib.

Səkkiz ayda Azərbaycandan Belarusa ixracın dəyəri 130 milyon dollar, bu ölkədən ölkəmizə idxalın dəyəri isə 79,5 milyon dollar təşkil edib.

Həmçinin oxuyun:

Azərbaycan Prezidenti Belarusla müdafiə sahəsində müqaviləni təsdiqlədi

7
Teqlər:
Belarus, ixrac, idxal