Küləyin qərb bölgəsində fəsadları

Külək qərb bölgəsində elə tufan qopardı ki, toz-dumandan göz açmaq mümkün olmadı

27
(Yenilənib 11:28 03.09.2021)
Ötən gecə baş verən təbiət hadisəsi zamanı Gəncədə bir neçə ağac aşıb, Goranboyda isə 10-a yaxın kəndin işığı kəsilib.

BAKI, 3 sentyabr — Sputnik. Sentyabrın ilk günləri qərb bölgəsində dəhşətli istilərlə yadda qalıb. Ayın 2-si axşama doğru isə bölgədə tufan qopub.

Sputnik Azərbaycan-ın bölgə müxbiri xəbər verir ki, qəfil dəyişən hava şəraiti nəticəsində güclü külək Gəncə şəhərində fəsadlara yol açıb. Ölkənin ikinci böyük şəhərinin Nəriman Nərimanov, Üzeyir Hacıbəyov küçələri və Xan bağı ərazisində 10-a yaxın Çinar, Qovaq ağacları aşıb.

Təbiət hadisəsi zamanı xəsarət alan olmasa da, bir neçə ünvanda elektrik enerjisi verilişində fasilələr yaranıb. Fərdi evlərin bir neçəsinin dam örtüyü, pəncərləri sınıb.

  • Küləyin qərb bölgəsində fəsadları
    © Sputnik / Rahim Mammadov
  • Küləyin qərb bölgəsində fəsadları
    © Sputnik / Rahim Mammadov
  • Küləyin qərb bölgəsində fəsadları
    © Sputnik / Rahim Mammadov
1 / 3
© Sputnik / Rahim Mammadov
Küləyin qərb bölgəsində fəsadları

Gecə saatlarında Yaşıllaşdırma İdarəsinin əməkdaşları küləyin təsirindən aşan ağacları ərazidən götürüblər. Güclü külək nəticəsində Gəncə və ətraf rayonlarda havada yaranan toz piyadaların, avtomobilərin hərəkətinə manelər yaradıb. Təbiət hadisəsi zamanı Goranboyda külək yol kənarında bir neçə ağacı da aşırıb.

Əsən güclü külək nəticəsində rayonun yeni məhəllə adlanan hissəsində yüksək gərginlikli elektrik naqilləri küləyə tab gətirməyib və sıradan çıxıb. Həmçinin Goranboyun Qızılhacılı qəsəbəsi, Balakürd, Nərimanlı, Zeynallı, Boluslu, Məşədiqaralar, Eyvazallılar kəndləri və Goran qəsəbəsinə elektrik enerjisinin verlişində uzun fasilələr yaranıb. Aidiyyatı qurumlar fəsadların aradan qaldırılması üçün səfərbər olunub.

Həmçinin oxuyun:

* Hava şəraiti ilə əlaqədar olaraq əhaliyə müraciət edildi

27
Stefan Kuntz, arxiv şəkli

Türkiyə milli futbol komandasının yeni baş məşqçisi məlum oldu

5
(Yenilənib 22:54 20.09.2021)
Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi olub və 1995-1996-cı illərdə Beşiktaş komandasının tərkibində çıxış edib.

BAKI, 20 sentyabr — Sputnik. Türkiyə milli komandasına yeni baş məşqçi təyin olunub. Sputnik Azərbaycan-ın NTV kanalına istinadla verdiyi xəbərə görə, Türkiyə Futbol Fedarasiyası bu məqsədlə alman mənşəli keçmiş futbolçu Stefan Kuntzla razılıq əldə edib.

Federasiyadan verilən açıqlamada "Türkiyə Futbol Fedarasiyası İdarəetmə Heyəti milli komandanın baş məşqçisi vəzifəsi üçün Stefan Kuntzla razılıq əldə edib", – deyə bildirilir.

Yeni baş məqşçi ilə imza mərasimi sabah baş tutacaq.

Qeyd edək ki, Stefan Kuntz Almaniyanın 21 yaşdan aşağı futbolçulardan ibarət milli komandasının baş məşqçisi idi. 1995-1996-cı illərdə isə Beşiktaş komandasının tərkibində çıxış etmişdi.

Xatırladaq ki, Türkiyə Futbol Federasiyası bu günlərdə milli komandanın baş məşqçisi Şenol Günəşlə yollarını ayırıb. Buna səbəb Türkiyə millisinin 2022-ci il Dünya Çempionatının Avropa seçmə oyunları çərçivəsində  G qrupunda Hollandiyaya 6:1 hesabı ilə uduzması olub.

Həmçinin oxuyun:

Şenol Günəş istefaya göndərildi

5
Teqlər:
futbol, Türkiyə, milli
Emmi mükafatı, arxiv şəkli

Daha üç serial "Emmy" mükafatlarının qalibi seçilib

4
(Yenilənib 22:47 20.09.2021)
Ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri də mübarizə aparıb.

BAKI, 20 sentyabr — Sputnik. "Tac", "Ted Lasso" və "Kraliçanın addımı" serialları "Emmy" mükafatlarının qalibi seçilib. Sputnik Azərbaycan xarici mediaya istinadla xəbər verir ki, 73-cü mükafatlandırma mərasimi ötən gün Los-Ancelesdə keçirilib.

"Tac" 24 kateqoriya üzrə namizədliyini irəli sürərək ümumi nominasiyalar arasında liderliyini saxlayıb. Bu filmlə bərabər ən yaxşı faciəvi serial adı uğrunda "Mandalorian", "Qaqalar", "Bridcerton", "Qulluqçunun nağılı", "Lavkraft ölkəsi", "Duruş", "Bu bizik" ekran əsərləri mübarizə aparıb.

Məlumat üçün bildirək ki, mükafatların təqdimetmə mərasimləri 1949-cu ildən başlayaraq hər il keçirilir. Lakin 1974-cü ilə qədər yalnız sadəcə "Emmy" mükafatı mövcud idi. Sonralar bu mükafatı gündüz verilişlərinə görə təqdim edilən "Emmy" mükafatından fərqləndirmək məqsədilə adı dəyişdirilərək praym-taym "Emmy" mükafatı adlandırılıb.

Mükafatı üç təşkilat təqdim edir: Amerika televiziya akademiyası (ingiliscə Academy of Television Arts & Sciences) idman verilişləri istisna edilməklə, mükafatı bütün axşam verilişləri üzrə təqdim edir; Amerika Milli Televiziya Akademiyası (ingiliscə National Academy of Television Arts & Sciences) gündüz, idman, xəbərlər və sənədli proqramlar üzrə mükafatı təqdim edir; və Beynəlxalq Televiziya Akademiyası (ingiliscə International Academy of Television Arts & Sciences) ABŞ sərhədlərindən kənarda hazırlanan və yayımlanan televiziya proqramları üzrə təqdim edir.

Həmçinin oxuyun:

Gələcəyimizin varisi olan uşaqlar nəyə baxırlar?

4