Bakıda restoranda müştəri, arxiv şəkli

Qapısı açılmayan kafe-restoranlarda son vəziyyət - SORĞU

1770
(Yenilənib 21:26 02.09.2021)
Vaksin pasportu ilə bağlı qərarın ləğvi tələb olunur. Sahibkarlar bildirir ki, belə davam edərsə, vəziyyət daha da acınacaqlı olacaq.

 

BAKI, 2 sentyabr — Sputnik. Artıq ötən gündən etibarən iri ticarət mərkəzlərinə, mehmanxanalara, kafelərə, restoranlara və digər ictimai iaşə obyektlərinə giriş üçün vətəndaşlardan mütləq qaydada COVID-19 pasportu tələb olunur. Oktyabrın 1-dək iki dozadan birini qəbul etmiş şəxslər COVID-19 pasportunu təqdim etməklə ictimai iaşə obyektlərinə daxil ola biləcəklər.

Maraqlıdır, Nazirlər Kabineti yanında Operativ Qərərgahın qərarının güdəlik olaraq üz tutulan kafe-restoranların fəaliyyətinə təsiri necə olub?

Sputnik Azərbaycan bununla bağlı kafe-restoranlar arasında sorğu keçirib:

"Çay Bağı 145"-dən bildirilib ki, yeni qərarla müştərilərin sayında gözəçarpacaq dərəcədə azalma var:

"Hətta deyərdik ki, müştərilərin sayında 70 faizədək azalma var. Müştərilərin vaksin pasportlarının applikasiya vasitəsilə yoxlanılmasına gəldikdə isə, qeyd edək ki, hazırda portallar donduğuna görə, gələn qonaqlarımız vəsiqə və vaksin pasportlarını göstərirlər. COVID-19 pasportu, yaxud da əks-sertifikat sənədi olmayan qonaqlarımız isə açıq havada xidmətlərimizdən yararlanırlar".

"Çanaqqala" restoranın da bildirilib ki, ötən gündən etibarən artıq müştərilərin sayında azalmalar nəzərə çarpır:

"Ötən gün ilk gün idi, müştərilərin sayında müəyyən qədər azalma müşahidə olunurdu. Lakin bu azalma bir o qədər də gözəçarpacaq həddə deyil. Qeyd edək ki, artıq vaksin olunanların da sayında artım var. Bizim qonaqlar arasında da pasportu olanlar daha çoxluq təşkil edir".

"Mona Liza" restoranından isə bildirilib ki, ilk günlər olduğundan hələlik ki, elə də ciddi fərq hiss olunmur. Onlar bunun səbəbini ümumiyyətlə, son zamanlar davam edən durğunluqla izah edirlər:

"Müştərilərin sayında bir müddət öncədən də azalma vardı. İş onsuz da zəif idi".

Restorandan vaksin sənədlərinin yoxlanışı zamanı hansısa çətinliklərin olmadığı bildirilib.

"Tonqal" restoranında vəziyyət digərləri ilə müqayisədə daha ürəkaçandır. Restorandan yeni qərarın müştəri sayına heç bir təsir etmədiyi bildirilib.

"Agora Club" restoranında isə vəziyyət tamamilə fərqlidir. Restoran ötən gündən etibarən qonaqların üzünə həsrət qalıb:

"Son yeniliklər bizim fəaliyyətimizə tamamilə mənfi təsir edib. Çox böyük zərər gördük. Heç bir qonağımız yoxdur. İki-üç gün öncə isə vəziyyət daha yaxşı idi. Hazırda çətin bir dövr yaşayırıq. Bundan sonra böyük ticarət mərkəzləri və iaşə obyektləri üçün çox çətin olacaq".

Restoran rəsmisi hotlellər, kafe-restoranlar, eyni zamanda böyük ticarət mərkəzlərinin fəaliyyətinə təsir edən bu qərarla bağlı təkliflə çıxış edib:

"Bu qərar ləğv olunmalıdır, yoxsa ki, hər kəs iflasa uğrayacaq. Belə davam edərsə, restoran-kafe, alış-veriş mərkəzlərinin də fəaliyyəti belə davam edərsə, iflic olacaq".

Qeyd edək ki, 1 sentyabr tarixindən yaşı 18-dən yuxarı olan şəxslər iri ticarət mərkəzlərinə, mehmanxanalara, kafelərə, restoranlara və digər ictimai iaşə obyektlərinə COVID-19 pasportu ilə daxil ola bilərlər.

Peyvənd olunmayan şəxslər həmin obyektlərə daxil olarsa, həmin vətəndaş deyil, obyekt sahibi cərimələnəcək. İnzibati Xətalar Məcəlləsinin 211-ci maddəsində epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər üçün 200 manatdan 400 manatadək, vəzifəli şəxslər üçün isə 3 000 manatdan 4 000 manatadək məbləğdə cərimə nəzərdə tutulur.

Həmçinin oxuyun:

Həftəsonu qadağası virusla mübarizədə effekt vermir! - Ekspertlər

1770
Teqlər:
kafe, restoran
Dağ çayı, arxiv şəkli

Oxçuçayın yatağı ekoloji fəlakət zonasına çevrilib

2
(Yenilənib 19:30 21.09.2021)
Ekologiya və təbii sərvətlər nazirinin müavini Vüqar Kərimovun sözlərinə görə, dəyəri milyardlarla qiymətləndirilən 52 yataq istismar olunaraq talan edilib.

BAKI, 21 sentyabr — Sputnik. İşğal dövründə qızıl, gümüş, mis, civə kimi filiz yataqları, müxtəlif tikinti materialları, yeraltı şirin su və termal-mineral su yataqları olmaqla, dəyəri milyardlarla qiymətləndirilən 52 yataq istismar olunaraq talan edilib. Sputnik Azərbaycan-ın məlumatına görə, bunu “Azərbaycanın Şərqi Zəngəzur və Qarabağ iqtisadi rayonlarında ətraf mühitin və təbii sərvətlərin vəziyyəti” mövzusunda tədbirdə ekologiya və təbii sərvətlər nazirinin müavini Vüqar Kərimov deyib. 

Onun sözlərinə görə, işğalın davam etdiyi dövrdə mineral xammal ehtiyatlarının istismarı ilə bağlı vəziyyət acınacaqlı olub. Bu bölgədə ötən əsrin 90-cı illərinədək 167 faydalı qazıntı yatağı kəşf edilərək dövlət balansında qeydiyyata alınıb. Nazir müavini Şərqi Zəngəzur və Qarabağ bölgəsinin su ehtiyatları baxımından çox zəngin olduğunu bildirib:

"Həmin ərazilərdə 14 əsas çay, 9 su anbarı, ekoloji əhəmiyyətə malik 7 göl və təbii mineral bulaqlar mövcuddur. Azərbaycan və Ermənistan arasında yerləşən 4 əsas transsərhəd çay Araz çayı, Bəsitçay, Bərgüşadçay və Oxçuçayın ekoloji nəzarətdən kənarda qalması nəticəsində uzun illər çay hövzələrinin vəziyyəti haqqında dəqiq məlumatların əldə edilməsi mümkün olmayıb. Hazırda aparılan monitorinqlərin nəticələrinə əsasən bu çayların ağır metallarla ifrat dərəcədə çirkləndirildiyi müəyyən edilib.

Xüsusilə, Oxçuçay Ermənistan ərazisində yerləşən Zəngəzur mis-molibden və Qafan mis filizsaflaşdırma kombinatlarının təmizlənməmiş istehsalat suları, eləcə də Qafan və Qacaran şəhərlərində formalaşan məişət-çirkab suları ilə davamlı olaraq çirkləndirilir. Hazırda çayın yatağı ekoloji fəlakət zonasına çevrilib. Oxçuçayın kəskin çirkləndirilməsi fauna növlərinin də kütləvi məhv olmasına səbəb olub”.

Həmçinin oxuyun:

* Ermənistanın Oxçuçayı çirkləndirməsi ilə bağlı faktlar açıqlanıb

2

Hərbi təyyarəçilərimiz “Texnofest-2021”də ilk uçuşlarını uğurla icra ediblər

15
(Yenilənib 20:14 21.09.2021)
Festivalda çətin pilotaj manevrlərlə nümunəvi uçuş keçirən hərbi pilotumuz izləyənlər tərəfindən rəğbətlə qarşılanıb.

BAKI, 21 sentyabr - Sputnik. Azərbaycan Hərbi Hava Qüvvələrinə məxsus MİQ-29 döyüş təyyarəsi Atatürk Beynəlxalq Hava Limanında keçirilən “Texnofest-2021” festivalındakı aviaşouda ilk uçuşunu edib.

Müdafiə Nazirliyindən (MN) Sputnik Azərbaycan-a verilən xəbərə görə, festivalda çətin pilotaj manevrlərlə nümunəvi uçuş keçirən hərbi pilotumuz izləyənlər tərəfindən rəğbətlə qarşılanıb.

Qeyd edək ki, sentyabrın 26-dək davam edən festivalda Azərbaycan HHQ-nin 2 ədəd MİQ-29 qırıcı təyyarələri müxtəlif vaxtlarda nümunəvi uçuşlar edəcəklər.

18.09.2021- 18:08

Azərbaycan şahinləri Türkiyə səmasında

Azərbaycan Hərbi Hava Qüvvələrinin (HHQ) bir qrup heyəti və aviasiya vasitələri “Texnofest-2021” festivalında iştirak edəcəklər.

Sputnik Azərbaycan bildirir ki, bu barədə Müdafiə Nazirliyindən bildirilib.
Qeyd olunur ki, sentyabrın 21-də Türkiyə Respublikasının İstanbul şəhərində başlayacaq festivalda Azərbaycan tərəfindən HHQ-nin 2 ədəd MiQ-29 qırıcı təyyarəsinin nümunəvi uçuşları planlaşdırılır.
Festival sentyabrın 26-dək davam edəcək.

Azərbaycan Respublikası ilə Türkiyə Respublikası arasında illik hərbi əməkdaşlıq planına əsasən keçirilən “TurAz Şahini - 2021” birgə taktiki-uçuş təlimində iştirak edən Azərbaycan Hərbi Hava Qüvvələrinin bir qrup heyəti və aviasiya vasitələri isə artıq Vətənə qayıdıb.
Sentyabrın 1-dən 17-dək Türkiyə Respublikasının Konya şəhərində keçirilən birgə taktiki-uçuş təlimində qarşıya qoyulan bütün döyüş tapşırıqları hər iki ölkənin hərbi pilotları tərəfindən uğurla icra olunub.

Eləcə də oxuyun:

15
Teqlər:
təyyarə, qırıcı, Azərbaycan, HHQ, Türkiyə, uçuş