Futbol üzrə Azərbaycan millisinin baş məşqçisi Canni De Byazi

De Byazi Lüksemburq millisi ilə məğlubiyyətlə bitən oyunda heyət seçimini izah edib

18
(Yenilənib 14:19 02.09.2021)
Azərbaycan milli futbol komandasının baş məşqçisi 2022-ci il dünya çempionatının seçmə mərhələsində Lüksemburqa qarşı keçirilən oyun barədə fikirlərini bölüşüb.

BAKI, 2 sentyabr — Sputnik. Birinci hissədə Azərbaycan yığması öz imkanlarından zəif oyun göstərdilər və komandanın oyunu uğursuz oldu. Sputnik Azərbaycan-ın məlumatına görə, bu barədə oyun sonrası mətbuat konfransında milli yığmanın məşqçisi Canni De Byazi açıqlama verib.

Futbol üzrə Azərbaycan yığması dünya çempionatının seçmə mərhələsində Lüksemburq komandasına 1:2 hesabla uduzaraq üçüncü məğlubiyyətini yaşayıb.

Oyun sonrası mətbuat konfransında milli komandanın məşqçisi De Byazi ilk hissədə komandasının uğur qazana bilməməsindən şikayətlənib.

"Birinci hissədə bizdə heçnə alınmadı, öz imkanlarından zəif oyun göstərdilər. Nəticədə iki qol buraxdıq, həmçinin kəskinlik və oynamaq istəyi ilə rəqibdən geri qaldıq. İkinci hissənin üç əvəzetməsindən sonra oyun dəyişildi və bizdə yaxşı məqamlar yarandı", - deyə De Byazi bildirib.

Eyni zamanda, italyan məşqçi məğlubiyyətə səbəbin onun Azərbaycan yığmasının start heyətinin seçimi olduğunu hesab etmir.

"Bütün işin start heyətdə olduğunu düşünmürəm. Biz oyuna cəld giriş etməliyik. Birinci hissədə müdafiədən çıxarkən böyük çətinliklər yaşadıq. Biz bu günlərdə çox çalışdıq, ancaq meydanda planlaşdırdığımızı göstərə bilmədik. Start heyətinə gəldikdə, biz avqustun 25-dən məşq edirik, ancaq digər oyunçular isə bizə ayın 28-dən qoşulublar. Başa düşürəm ki, çoxlarını bu heyət təəcübləndirib. Daha çox məşq olunanların oyuna buraxılmasına qərar verilmişdi", - De Byazi qeyd edib.

Azərbaycan yığmasının 2022-cil ilin dünya çempionatının seçmə mərhələsinin növbəti oyunu bu dəfə şənbə günü, sentyabrın 4-ü İrlandiya yığmasına qarşı keçiriləcək.

Həmçinin oxuyun:

Lüksemburq-Azərbaycan oyunundan maraqlı kadrlar

18
Teqlər:
futbol

İyul - Azərbaycanda ən çox nikahın bağlandığı ay

2
COVID-19 pandemiyası səbəbindən Azərbaycanda toy mərasimlərinin keçirilməsinə qoyulan qadağa bu il iyulun 1-dən götürülüb.

BAKI, 25 sentyabr — Sputnik. Azərbaycanda ən çox nikahın qeydə alındığı ay açıqlanıb. 2021-ci il başlayandan ölkə üzrə ən çox nikah iyul ayında bağlanıb. Bu barədə Ədliyyə Nazirliyindən Sputnik Azərbaycan-a bildirilib.

Məlumata görə, yanvar-iyul aylarında qeydiyyat orqanları tərəfindən ümumilikdə 30.290 nikah dövlət qeydiyyatına alınıb. Nikahların 7058-i iyul ayının payına düşüb.

Qeyd edək ki, COVID-19 pandemiyası səbəbindən Azərbaycanda toy mərasimlərinin keçirilməsinə qoyulan qadağa bu il iyulun 1-dən götürülüb.

Həmçinin oxuyun:

Erkən nikah problemini necə həll edək – ekspert şərh edir

2
Teqlər:
iyul, nikah
Ceyhun Bayramov, arxiv şəkli

Ceyhun Bayramov Amerika Yəhudi Komitəsinin nümayəndələri ilə görüşüb

4
(Yenilənib 17:08 25.09.2021)
Komitə nümayəndələri Azərbaycanda yaşayan yəhudilərə göstərilən xoş münasibət, diqqət və qayğıdan məmnunluq və bu xüsusda Azərbaycan hökuməti tərəfindən ölkənin yəhudi icmasına göstərilmiş dəstək və qayğıya görə təşəkkürünü ifadə edib.

BAKI, 25 sentyabr - Sputnik. Sentyabrın 24-də Azərbaycanın xarici işlər naziri Ceyhun Bayramov BMT Baş Assambleyasının 76-cı sessiyasında iştirakı çərçivəsində Amerika Yəhudi Komitəsi (AJC) və Amerika yəhudi təşkilatlarının koalisiyasının nümayəndələri ilə görüşüb. Bu barədəd Xarici İşlər nazirliyinin məlumatında deyilir.

Görüş zamanı Azərbaycan hökuməti ilə yəhudi icmaları arasında əməkdaşlığın inkişafından razılıq ifadə olundu, gələcək perspektivlər ətrafında fikir mübadiləsi aparılıb.

Azərbaycanda mövcud olan dinlərarası harmoniya, tolerantlıq və multikulturalizm ənənələri haqda ətraflı məlumat verən Ceyhun Bayramov əhalisinin əksəriyyəti müsəlman olan ölkəmizdə İslam dini ilə yanaşı, xristian, yəhudi və digər dinlərə mənsub insanların qarşılıqlı anlaşma, mehriban qonşuluq və əmin-amanlıq şəraitində yaşadıqlarını diqqətə çatdırıb. Azərbaycanın bütün dünyadakı yəhudi icmaları ilə sıx əlaqələrin qurulmasına önəm verdiyini bildirdi və ölkəmizdə çox sayda sinaqoq, məktəb, mədəniyyət mərkəzinin mövcud olduğunu vurğulayıb.

Görüşdə, həmçinin Cənubi Qafqaz regionundakı son vəziyyət, Azərbaycanın Vətən Müharibəsi və bu müharibənin nəticələri ətrafında geniş fikir mübadiləsi aparılıb. Ceyhun Bayramov həmsöhbətinə Azərbaycan tərəfindən Ermənistanın işğalından azad edilmiş ərazilərdə aparılan geniş miqyaslı bərpa və quruculuq işləri barədə məlumat verərək, işğal dövründə Azərbaycan ərazilərinin Ermənistan tərəfindən məqsədyönlü şəkildə dağıdılması, mədəni irsin talan edilməsi barədə danışıb.

Komitə nümayəndələri Azərbaycanda yaşayan yəhudilərə göstərilən xoş münasibət, diqqət və qayğıdan məmnunluq və bu xüsusda Azərbaycan hökuməti tərəfindən ölkənin yəhudi icmasına göstərilmiş dəstək və qayğıya görə təşəkkürünü ifadə ediblər. Ölkəmizdə uzun əsrlər boyu sülh və əmin-amanlıq içərisində yaşayan yəhudi icmasının mövcudluğunun Azərbaycan və İsrail arasındakı güclü tərəfdaşlıq əlaqələrinin inkişafına əlavə güc verdiyi bildirilib.  

Görüşdə, həmçinin Azərbaycanın Amerika Birləşmiş Ştatları ilə əlaqələrinin inkişaf perspektivlərinə dair fikir mübadiləsi aparılıb.

Həmçinin oxuyun:

Ceyhun Bayramov Ermənistan XİN rəhbəri ilə görüşüb

4
Teqlər:
XİN