“Vətən fədailəri” abidəsi

Mingəçevir sakinləri "Vətən fədailəri"ni yaşatmaq üçün görün ediblər

172
(Yenilənib 15:16 30.08.2021)
"Vətən fədailəri" abidəsinin ucaldılması üçün 170 nəfər pul toplayıb, 50-dən çoxu usta, fəhlə isə təmənnasız olaraq öz əlləri ilə o abidəni ucaldıb.

BAKI, 30 avqust — Sputnik. 44 günlük Vətən müharibəsində qazanılan qələbə hər kəsdə ruh yüksəkliyi yaradıb. İnsanlar möhtəşəm qalibiyyətin yaddaşlarda qalması üçün qələbənin memarları olan şəhidlərin xatirəsinə abidələr, bulaq kompleksləri, divar lövhələri hazırlayıblar. Qazanılan möhtəşəm zəfərdə pay sahibi olanların xatirəsini əbədiləşdirmək üçün ölkədə ilk dəfə olaraq Mingəçevirdə "Vətən fədailəri abidəsi" ucaldılıb.

Abidə keçmiş Mingəçevir kəndi ərazisində elə yerli sakinlərin vəsaiti hesabına inşa edilib. Kənd sakini Etibar Əhmədov Sputnik Azərbaycan-a bildirib ki, abidə təxminən səksən günə ərsəyə gəlib:

"Ötən il noyabr ayının 10-da Müzəffər Ali Baş Komandanımız İlham Əliyevin rəhbərliyi altında, Azərbaycan ordusu, işğalçı Ermənistan silahlı qüvvələri üzərində əzəmətli, möhtəşəm, şanlı bir qələbə qazandı. Bizim bu zəfəri bizə yaşadan oğlanlara borcumuz vardı. O borcun kiçik bir hissəsini ödəmək üçün Mingəçevir kəndinin sakinləri onların şərəfinə abidə ucaltmaq qərarına gəliblər. "Vətən fədailəri" abidəsi bu səbəbdən yaranıb.

© Sputnik / Rahim Mammadov
“Vətən fədailəri” abidəsi

Abidənin ərsəyə gəlməsində 200-dən artıq sakin iştirak edib. Onların 170-dən çoxu maddi dəstək verib, 50-dən artığı isə usta, fəhlə olaraq öz üzərinə düşən işin öhdəsidən gəlib".

Azərbaycan, Türkiyə bayraqları, səkkizgüşəli ulduz, aypara və içərisində alov. Mingəçevir kəndində inşa edilən abidə hər kəsin marağına səbəb olur.

"Vətən fədailəri" abidəsinin işıqlandırlması üçün günəş batereyaları ilə işləyən işıqlar quraşdırılıb.

Qeyd edək ki, Mingəçevir kəndinin vətənpərvər oğulları Qarabağ savaşında canla-başla iştirak edib. Mingəçevir kəndindən Birinci və İkinci Qarabağ müharibəsində 281 nəfər iştirak edib. Onlardan 17 nəfəri şəhidlik zirvəsinə ucalıb.

172
Fransanın xarici işlər naziri  Jan İv Lö Drian, arxiv şəkli

Fransa ilə ABŞ arasında ciddi böhran var - XİN rəhbəri etiraf etdi

3
Fransa XİN rəhbəri Avstraliyanın müqavilədən çıxmaq barədə qərarını "arxadan vurulan zərbə" adlandıraraq qeyd edib ki, artıq etibar məhv edilib.

BAKI, 18 sentyabr - Sputnik. Fransa Xarici işlər naziri Jan-İv Lö Drian ABŞ-la münasibətlərində ciddi böhran olduğunu etiraf edib.

Sputnik Azərbaycan RİA Novosti-yə istinadən bildirir ki, nazir: "Tarixdə ilk dəfə olaraq Fransa səfirinin ABŞ-dan geri çağırılması ciddi siyasi akt, böhranın dərinliyinin göstəricisidir", - deyib.

Qeyd edək ki, Fransanın ABŞ və Avstraliyadakı səfirlərini geri çağırmasına Avstraliyanın sentyabrın 15-də Böyük Britaniya və ABŞ-la müdafiə və təhlükəsizlik barədə əməkdaşlıq haqda (AUKUS) müqavilə imzalaması səbəb olub. Çünki Avstraliya eyni zamanda Fransanın Naval Group sualtı qayıq şirkəti ilə razılaşmadan çıxdığını bəyan edib. "Əsrin müqaviləsi" adlandırılan, 90 milyard Avstraliya dolları (56 milyard avro) dəyərindəki razılaşma "Barracuda" sinfindən olan 12 zərbə sualtı qayığının tikintisini nəzərdə tuturdu.

Fransa XİN rəhbəri Avstraliyanın müqavilədən çıxmaq barədə qərarını "arxadan vurulan zərbə" adlandıraraq qeyd edib ki, artıq etibar məhv edilib. Onun sözlərinə görə, "müqavilənin dayandırılmasından çox hiddətlənib". Fransa həm Avstraliya, həm də ABŞ-dan izahat gözləyir.

Ağ Evin Milli Təhlükəsizlik Şurasının nümayəndəsi Emili Horn isə Parisin mövqeyini anladıqlarını bildirib.

"Biz fransız həmkarlarımızla onların səfirlərini məsləhətləşmələr üçün Parisə çağırmaq barədə qərarına görə sıx təmasdayıq... Onların mövqelərini anlayır və fikir ayrılıqlarını yoluna qoymaq üçün qarşılıqlı fəaliyyətdə olacağıq, biz uzunmüddətli müttəfiqliyimiz ərzində başqa məqamlarda da eyni cür davranmışıq", - Hornun yazılı açıqlamasında deyilir.

Hornun sözlərinə görə, ABŞ Fransanı özünün "köhnə tərəfdaşı və ən güclü partnyorlarından biri" hesab edir.

Avstraliyanın Xarici işlər naziri Maris Peyn də Fransa səfiri Jan-Pyer Tebonun geri çağırılmasından üzüldüyünü söyləyib. O qeyd edib ki, Fransanın Avstraliyanın sualtı qayıqların alınmasına dair müqavilədən imtinasına görə məyusluğunu anlayır, ancaq onun hökuməti milli təhlükəsizliyin təminatı məqsədilə sözügedən qərarı verib. Xanım Peyn əlavə edib ki, Kanberra Parislə münasibətlərinə dəyər verir və gələcəkdə qarşılıqlı fəaliyyətə hazırdır.

3
Həkim, arxiv şəkli

Bekarsınız? Psixoloq bunun gözlənilməz faydalarını açıqladı

4
(Yenilənib 22:36 18.09.2021)
Cəmiyyətdə belə bir anlayış var ki, insan istirahət etmək və heç nə etməmək imkanını qazanmalıdır. Nəticədə bu, stressin səviyyəsinin artmasına səbəb olur.

 

BAKI, 18 sentyabr — Sputnik. Çoxları istirahət etməyi və bekar olmağın faydalı ola biləcəyini unudub. Bu barədə Sputnik Radio-ya açıqlamasında Rusiyanın "Psixodemiya" Təhsil Mərkəzinin konsultativ psixologiya və psixoterapiya laboratoriyasının müdiri Nataliya Kiselnikova deyib.

Onun sözlərinə görə, məhsuldarlığa can atmaq insan həyatının daimi bir hissəsi olmamalıdır.

"Bekar olmaq, çətin ki, özü-özlüyündə nəticə hesab oluna, lakin o, dəyər ola bilər. Cəmiyyətdə belə bir anlayış var ki, insan istirahət etmək və heç nə etməmək imkanını qazanmalıdır. Nəticədə bu, stressin səviyyəsinin artmasına səbəb olur", - deyə Kiselnikova bildirib.

O vurğulayıb ki, əksəriyyət bekar olarkən özünü günahkar hiss edir ki, bu da insanın nə istirahətdən, nə də işdən həzz almaması ilə nəticələnir.

Psixoterapevtin sözlərinə görə, çoxlarının istirahət hesab etdiyi şey heç istirahət də deyil. Bura xəbərlərin oxunması və digər məlumat yüklənmələri daxildir. Kiselnikova insanlara hər gün ən az 15 dəqiqə tamamilə sakitlikdə qalmağı tövsiyə edir. Mütəxəssis vurğulayıb ki, bu heç də asan məsələ deyil.

Eləcə də oxuyun:

4