Qaz sayğaclarının yoxlanılması

Yeni şəffaf qaz sayğacı qutuları ödənişlidirmi?

55
(Yenilənib 20:47 19.08.2021)
Şəffaf qutuları istehsal edən şirkət yerli müəssisədir. Birliyin elan etdiyi tenderdə Gəncə Cihazqayırma Zavodu qalib olub.

 

BAKI, 19 avqust — Sputnik. ”Azəriqaz” İstehsalat Birliyi müdaxilələri minimuma endirəcək yeni şəffaf sayğac qutularının quraşdırılmasına başlayıb. Bu yeniliklə abonent əvvəlcədən ödənişli sayğacın göstəricisini qutunun üzərindən asanlıqla oxuya biləcək. Sonradan ödənişli sayğaclarda isə qutunun üzərindəki kiçik pəncərə açılmaqla kart vasitəsilə balansı artırmaq mümkün olacaq.

Maraqlıdır, bu sayğaclar harada istehsal olunur və ödənişlidirmi, quraşdırılması necə, istehlakçının istəyinə bağlıdırmı?

"Azəriqaz" İstehsalat Birliyinin mətbuat katibi Eldəniz Vəliyev Sputnik Azərbaycan-a açıqlamasında bu və digər detallara aydınlıq gətirib. O bildirib ki, bu şəffaf qutular "Azəriqaz" İB-nin sifarişi əsasında hazırlanır. Məqsəd, əvvəlcədən ödənişli və sonradan ödənişli qaz sayğaclarının kənar müdaxilədən, eyni zamanda yağışdan, qardan, günəşdən qorunmasını təmin etməkdir.

E.Vəliyev bildirir ki, hər bir sayğacın istismar müddəti 5 il civarında olsa da, bəzən sadalanan səbəblərlə əlaqədar olaraq sayğaclar daha tez istismara yararsız olur.

E.Vəliyev istehsalla bağlı da danışıb:

"Şəffaf qutuları istehsal edən şirkət yerli müəssisədir. Birliyin elan etdiyi tenderdə Gəncə Cihazqayırma Zavodu qalib olub. 2021-ci il üçün şirkətin öhdəliyi 100 min şəffaf qutudur ki, bunu da zavod hissə-hissə olmaq şərti ilə təmin edir. Quraşdırılan şəffaf qutular üçün abonentdən heç bir ödəniş tələb olunmur. Qutuların quraşdırılması vacibdir. Çünki bu yalnız və yalnız vətəndaşın xeyrinədir".

"Azəriqaz" İB yanında ictimai şuranın üzvi olan Eyyub Hüseynov şəffaflığın təminatında bu qutuların müstəsna rola malik olmasından danışır:

"Hər zaman demişəm ki, "Çarli Çaplin”in filmlərinə baxın. O gündüzlər pəncərə salır, gecələr isə onları sındırırdı. Yəni, sayğacın plombunu da sındırmaq kimə sərf edirsə, o sındırır. İstehlakçı dəli olub ki, plombu sındırsın, sonra da cərimə ödəsin?! Bu problemin həlli üçün "Azəriqaz" İB şəffaflığı təmin etmək üçün ən düzgün addımı atıb. Sahə müvəkkilləri, bələdiyyələr daim bu qutuların salamat olmasına nəzarət etməlidirlər".

O, bu qutuların ödənişsiz olduğunu və vətəndaşın istəyindən asılı olmayaraq quraşdırıldığını vurğulayıb.

Həmçinin oxuyun:

55

Hərbi təyyarəçilərimiz “Texnofest-2021”də ilk uçuşlarını uğurla icra ediblər

13
(Yenilənib 20:14 21.09.2021)
Festivalda çətin pilotaj manevrlərlə nümunəvi uçuş keçirən hərbi pilotumuz izləyənlər tərəfindən rəğbətlə qarşılanıb.

BAKI, 21 sentyabr - Sputnik. Azərbaycan Hərbi Hava Qüvvələrinə məxsus MİQ-29 döyüş təyyarəsi Atatürk Beynəlxalq Hava Limanında keçirilən “Texnofest-2021” festivalındakı aviaşouda ilk uçuşunu edib.

Müdafiə Nazirliyindən (MN) Sputnik Azərbaycan-a verilən xəbərə görə, festivalda çətin pilotaj manevrlərlə nümunəvi uçuş keçirən hərbi pilotumuz izləyənlər tərəfindən rəğbətlə qarşılanıb.

Qeyd edək ki, sentyabrın 26-dək davam edən festivalda Azərbaycan HHQ-nin 2 ədəd MİQ-29 qırıcı təyyarələri müxtəlif vaxtlarda nümunəvi uçuşlar edəcəklər.

18.09.2021- 18:08

Azərbaycan şahinləri Türkiyə səmasında

Azərbaycan Hərbi Hava Qüvvələrinin (HHQ) bir qrup heyəti və aviasiya vasitələri “Texnofest-2021” festivalında iştirak edəcəklər.

Sputnik Azərbaycan bildirir ki, bu barədə Müdafiə Nazirliyindən bildirilib.
Qeyd olunur ki, sentyabrın 21-də Türkiyə Respublikasının İstanbul şəhərində başlayacaq festivalda Azərbaycan tərəfindən HHQ-nin 2 ədəd MiQ-29 qırıcı təyyarəsinin nümunəvi uçuşları planlaşdırılır.
Festival sentyabrın 26-dək davam edəcək.

Azərbaycan Respublikası ilə Türkiyə Respublikası arasında illik hərbi əməkdaşlıq planına əsasən keçirilən “TurAz Şahini - 2021” birgə taktiki-uçuş təlimində iştirak edən Azərbaycan Hərbi Hava Qüvvələrinin bir qrup heyəti və aviasiya vasitələri isə artıq Vətənə qayıdıb.
Sentyabrın 1-dən 17-dək Türkiyə Respublikasının Konya şəhərində keçirilən birgə taktiki-uçuş təlimində qarşıya qoyulan bütün döyüş tapşırıqları hər iki ölkənin hərbi pilotları tərəfindən uğurla icra olunub.

Eləcə də oxuyun:

13
Teqlər:
təyyarə, qırıcı, Azərbaycan, HHQ, Türkiyə, uçuş
İnternet şəbəkəsi, arxiv şəkli

İki provayder internet tariflərini dəyişdirdi

2
(Yenilənib 19:24 21.09.2021)
Yeni tariflərə əsasən, internet xidmətlərinə qoşulan istifadəçilər üçün sürətlər artırılıb, bunun müqabilində aylıq ödəniş haqqı endirilib.

 

BAKI, 21 sentyabr — Sputnik. İnformasiya texnologiyalarının tətbiqinin genişləndirilməsi, telekommunikasiya xidmətlərinə tələbatın müasir dövrün tələblərinə uyğun şəkildə təmin edilməsi məqsədilə Nəqliyyat, Rabitə və Yüksək Texnologiyalar Nazirliyinin tabeliyində fəaliyyət göstərən "Aztelekom" MMC və "Bakı Telefon Rabitəsi" MMC (Baktelecom) internet tariflərinə dəyişiklik edib.

Nazirlikdən Sputnik Azərbaycan-a verilən məlumata görə, yeni tariflərə əsasən, internet xidmətlərinə qoşulan istifadəçilər üçün sürətlər artırılıb, bunun müqabilində aylıq ödəniş haqqı endirilib.

Beləliklə, internet şəbəkəsi üzərindən məlumatların yüksək trafiklə ötürülməsi təmin edilib. Bu da onlayn qoşulma, ağır həcmli yükləmələr və digər əməliyyatların sürətli icrasına imkan yaradıb.

Dəyişikliklərə əsasən, ADSL texnologiyası vasitəsilə xidmət alan bütün abunəçilər üçün aylıq istifadə haqqı minimum 35%-dək endirilib.

O cümlədən, GPON (Gigabit Passive Optical Network) texnologiyası üzərindən göstərilən xidmətlərin tariflərinə də dəyişiklik olunub.

Qeyd edək ki, "Baktelecom.az" saytı üzərindən "onlayn qoşulma" funksiyası da fəaliyyət göstərir. Optik internet xidmətinə qoşulmanı seçilən tarif əsasında məsafə qət etmədən və növbələrdə vaxt itirmədən onlayn sifariş etmək mümkündür.

Yeni tariflər barədə ətraflı məlumatı hər iki şirkətin rəsmi veb-səhifəsi üzərindən əldə etmək mümkündür.

Eləcə də oxuyun: 

2
Teqlər:
internet, provayder, qiymət, azalma