Gəlin, arxiv şəkli

İki yüzdən artıq şəxs toyda qapı arxasında qaldı

1611
(Yenilənib 11:37 09.08.2021)
Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə 2 nəfər barəsində Cinayət Məcəlləsinin 139-1.1-ci maddəsi ilə cinayət işi başlanılıb.

BAKI, 9 avqust — Sputnik.  Daxili İşlər Nazirliyinin, Qida Təhlükəsizliyi Agentliyinin və İqtisadiyyat Nazirliyi yanında Dövlət Vergi Xidmətinin nümayəndələri avqustun 7-8-də Bakı şəhərində və respublika ərazisində 653 toy şənliyinin monitorinqini həyata keçirib.

DİN-in mətbuat xidmətindən Sputnik Azərbaycan-a verilən məlumata görə, monitorinq 495 şadlıq sarayında, 158 şəxsi həyətyanı sahədə keçirilən şənlikləri əhatə edib.

Monitorinqlər nəticəsində toy şənliklərinin keçirilməsində xüsusi karantin rejimi qaydalarını pozduqlarına görə 2 nəfər barəsində Cinayət Məcəlləsinin 139-1.1-ci (Epidemiya əleyhinə rejimin, sanitariya-gigiyena və ya karantin rejimlərinin pozulması) maddəsi ilə cinayət işi başlanılıb. 203 nəfər İnzibati Xətalar Məcəlləsinin 211-ci (Epidemiya əleyhinə rejimin, sanitariya-gigiyena və karantin rejimlərinin pozulması) maddəsinə əsasən cərimə olunub, 5395 nəfər "COVID-19" pasportu olmadığına görə şənliyə buraxılmayıb.

Toy qadağasının götürülməsi

Xatırladaq ki, 2021-ci il iyulun 1-dən Azərbaycanda toy və nişan mərasimlərinə qoyulan qadağa aradan qaldırılıb. "Xüsusi karantin rejiminin müddətinin uzadılması və bəzi məhdudiyyətlərin aradan qaldırılması ilə bağlı tədbirlər barədə" Nazirlər Kabinetinin qərarında edilən dəyişikliyə görə, mərasimlərdə qonaqların sayı 150 nəfərdən çox ola bilməz, üstəlik, toy gecə yarısından əvvəl bitməlidir.

Qonaqların sayı 50 nəfərədək olduqda onların maska taxması (yemədikləri zaman) vacib olsa da, toya COVID-19 pasportu olmayanlar da gələ bilərlər. Ancaq toya 50 nəfər və daha artıq şəxs gəlibsə, onlardan COVID pasportu tələb olunacaq. Restoran və şadlıq evlərinin personalının 80%-nin koronavirus immuniteti barədə sertifikatı olmalı, onlar mütləq maska taxmalıdırlar (musiqiçilər istisna olmaqla).

Şənlik mərasimlərinin təşkili ilə əlaqədar əsas qaydalar

- 50 nəfərə qədər şəxslərin iştirakı ilə təşkil olunan şənlik mərasimlərinin "İctimai iaşə müəssisələrində koronavirus infeksiyasının (COVID-19) profilaktikasına dair metodiki göstərişlər"də müəyyən olunmuş tələblərə uyğun olaraq təşkil edilməsinə icazə verilir. Bu tədbirlərdə tənəffüs yollarını qoruyan fərdi vasitələrdən istifadə vacibdir. Lakin həmin şənlik mərasimlərində iştirak üçün COVID-19 pasportunun təqdim olunması tələb edilmir.

- 50 nəfərdən 150 nəfərə qədər şəxslərin iştirakı ilə təşkil olunan şənlik mərasimlərində isə yaşı 18-dən yuxarı olan bütün şəxslərin iştirakına yalnız COVID-19-a qarşı tam peyvənd olunması və ya COVID-19-dan sağalaraq immunitetə malik olması barədə təsdiqedici sənəd (COVID-19 pasportu) olduğu halda icazə verilir. Bu şənlik mərasimlərində iştirak edən qonaqlar üçün tənəffüs yollarını qoruyan fərdi vasitələrdən məcburi istifadə tələbi yoxdur.

- Nazirlər Kabinetinin 2021-ci il 26 may tarixli 151 nömrəli Qərarına əsasən, 2021-ci il iyulun 1-dən etibarən COVID-19 pasport tələbi tətbiq olunan məkanlarda çalışan işçi heyətin (müvəqqəti işə cəlb edilmiş işçilər daxil olmaqla) azı 80 faizinin COVID-19 pasportuna malik olması mütləqdir (1 avqustadək birinci doza qeyd olunmuş vaksinasiya sertifikatı qəbul edilir). Şənlik mərasimində xidmət göstərən heyətin (musiqiçilər istisna olmaqla) tibbi maskalardan, əlcəklərdən və digər fərdi qoruyucu vasitələrdən istifadəsi məcburidir.

- Şənlik mərasimi keçirilən məkanın və ya müəssisənin sahibi tərəfindən həmin obyekt daxilində fəaliyyət göstərən tədbir zalları, onların tutumu və çalışan işçi heyət (müvəqqəti işə cəlb edilmiş işçilər daxil olmaqla) barədə məlumat müvafiq portala (icaze.e-gov.az) daxil edilməldir.

Keçiriləcək tədbirin tarixinə ən azı 5 gün qalmış tədbirin keçirilmə tarixi, başlama və bitmə vaxtı, qonaq sayı barədə məlumatlar portala daxil edilməlidir. Şənlik mərasimlərinin təşkili və keçirilməsi zamanı karantin rejiminin qaydalarına əməl edilməsi ilə bağlı şənlik və məkan sahibi birlikdə məsuliyyət və cavabdehlik daşıyırlar. 150 nəfərdən artıq iştirakçısı olan şənlik mərasimlərinin keçirilməsi növbəti yumşalma barədə qərar qəbul olunanadək qadağandır.

- İnzibati Xətalar Məcəlləsinə əsasən epidemiya əleyhinə rejimin, sanitariya-gigiyena və karantin rejimlərinin pozulmasına görə fiziki şəxslər iki yüz manatdan dörd yüz manatadək, vəzifəli şəxslər dörd min manatdan beş min manatadək, hüquqi şəxslər beş min manatdan on bir min manatadək məbləğdə cərimə edilir.

Həmçinin oxuyun:

1611
Teqlər:
toy, Karantin rejimi, karantin, pandemiya, COVID-19, Koronavirus
Bakı şəhərinə mənzərə, arxiv şəkli

Sorğuda iştirak etmiş xarici şirkətlər: Azərbaycanda əlverişli biznes mühiti formalaşıb

2
(Yenilənib 17:41 23.09.2021)
Mikayıl Cabbarov pandemiyanın ölkəmizdə iqtisadiyyata təsirinin müəyyənləşdirilməsi, təhlil edilməsində, həmçinin mənfi təsirlərin minimuma endirilməsi istiqamətində həyata keçirilən islahatların qiymətləndirilməsində faydalı platforma olduğunu deyib.

BAKI, 23 sentyabr — Sputnik. Sentyabrın 23-də Alman-Azərbaycan Xarici Ticarət Palatasının təşkilatçılığı ilə cari iqtisadi vəziyyət və biznesin inkişaf perspektivləri, ölkədə investisiya mühiti və həyat keçirilən iqtisadi islahatların səmərəliliyi haqqında "Azərbaycanda xarici biznes: Biznes mühiti sorğusu 2021" hesabatının təqdimatı keçirilib.

Sputnik Azərbaycan xəbər verir ki, iqtisadiyyat naziri Mikayıl Cabbarov pandemiyanın ölkəmizdə iqtisadiyyata təsirinin müəyyənləşdirilməsi, təhlil edilməsində, həmçinin mənfi təsirlərin minimuma endirilməsi istiqamətində həyata keçirilən islahatların qiymətləndirilməsində faydalı platforma olduğunu deyib.

Nazir ölkədə biznes mühitinin yaxşılaşdırılması, işğaldan azad edilmiş ərazilərimizdə yeni investisiya imkanları, qeyri-neft sektorunun, regionların və sahibkarlığın inkişafı ilə bağlı görülmüş işlər barədə məlumat verib.

Nazir bildirib ki, "Azərbaycanda Xarici Biznes: Biznes Mühiti sorğusu 2021" hesabatının sorğusunda iştirak etmiş xarici şirkətlərin 68 faizi Azərbaycan iqtisadiyyatının mövcud vəziyyətinin sabit olduğuna inanır, 60 faizi ölkəmizdə əlverişli biznes mühitinin formalaşdığını qeyd edir.

Nazir qeyd edib ki, şirkətlərin 57 faizi fəaliyyətini genişləndirmək və ya yeni investisiya qoymaq niyyətində olduqlarını, 43 faizi məşğul olduqları sahələrdən asılı olaraq işğaldan azad edilmiş ərazilərin bərpasında iştirak edə biləcəklərini, 22 faizi bu layihələrdə iştirakının mümkünlüyünü, 17 faizi isə yüksək maraq göstərdiklərini bildiriblər.

O qeyd edib ki, son 15 ayda 5 mindən çox KOB (Kiçik və Orta Biznes) 1 milyard manat məbləğində kredit üçün müraciət edib. Kommersiya banklarının əsasında onların bir çoxuna 123 milyon manatlıq kreditlər verilib.

Həmçinin oxuyun:

* Qarabağda ofşor və onşor layihələr icra ediləcək - Mikayıl Cabbarov

 

2
Tərtər rayonun Qapanlı kənd orta məktəbin binası

Məktəb pəncərələri daha atəş səsindən cingildəmir

6
(Yenilənib 17:40 23.09.2021)
Güllədən dəlik-deşik olan məktəb binası, məktəb həyətinə düşən mərmilərin açdığı iri çalalar, idman zalının mərmidən sonra parça-parça olaraq ətrafa yayılan döşəməsi Ermənistan silahlı qüvvələrinin təhsil ocağını hədəfə aldığının təkzibolunmaz dəlilidir.

BAKI, 23 sentyabr — Sputnik. Otuzildən sonra ilk dəfə idi ki, “düşmənə qarşı Stalinqrad” adlandırılan Tərtərdə məktəblilər dərsə heç bir təhlükə olmadan getdilər. Sputnik Azərbaycan Tərtərin keçmiş cəbhə xəttinə ən yaxın kəndlərində yeni tədris ilindən hazırladığı reportajı təqdim edir...

Müharibə bitsə də, izləri hələ qalıb...

Atəş səsləri sussa da, göydən mərmi daha yağış kimi yağmasa da, Tərtər rayonun Qapanlı kənd orta məktəbində 44 günlük müharibənin izləri qalmaqdadır. Güllədən dəlik-deşik olan məktəb binası, məktəb həyətinə düşən mərmilərin açdığı iri çalalar, pəncərələrin qırıq şüşələri, idman zalının mərmidən sonra parça-parça olaraq ətrafa yayılan döşəməsi Ermənistan silahlı qüvvələrinin təhsil ocağını hədəfə aldığının təkzibolunmaz dəlilidir. Müharibə dövründə məktəb erməni silahlılarının ağır artilleriyadan açdığı atəş nəticəsində yararsız vəziyyətə düşsə də, tədris ilinə qədər qismən də olsa, təmir edilib.

© Sputnik / Zulfiyya Guluyeva
Qapanlı kənd tam orta məktəbi
"Məktəbdən bir az uzaqlaşmışdım ki, gördüm mərmi məktəbimizə düşdü".

Bizi qapıda qarşılayan məktəbin direktoru Fitat Əliyeva Sputnik Azərbaycan-a bildirib ki, təhsil müəssisəsinin həyətinə 8-ə yaxın mərmi düşüb. Daha bir mərmi isə məktəbin idman zalına təsadüf edib. Nəticədə məktəbin binası ciddi zədə alıb. Məktəb direktoru o günü belə xatırlayır:

“Mən əmək kitabçalarını, sənədləri yığışdırıb getdikdən sonra iki əmək kitabçasının əksik olduğunu gördüm. Bildim ki, əmək kitabçalarını, sənədləri tələsik yığışdırarkən məktəbdə düşürmüşəm. Ona görə də oktyabrın 5-də əmək kitabçalarını tapmaq üçün məktəbə gəldim. Həmin vaxt qızğın döyüş getdiyi üçün biz kəndin içinə girə bilmirdik. Hamı kimi mən də kəndə yaxın, Qarağacıayrıcı adlandırılan yerdə atəşin dayanmasını gözləyirdim. Atəş dayanandan sonra kəndə gəldik. Elə biz kəndə çatana yaxın yenidən atəş səsləri eşidilməyə başladı. Kənddə qalan sakinlər mənə dedilər ki, erməni silahlıları yenidən atmağa başlayıb. Buna baxmayaraq, mən həmin sənədləri tapmaq üçün məktəbə gəldim. Xoşbəxtlikdən əmək kitabçalarını tez tapdım. Məktəbdən bir az uzaqlaşmışdım ki, gördüm bir mərmi əkin sahəsinə düşdü. Ondan sonra atılan mərmi məktəbimizə düşdü. Məktəbi toz-duman bürümüşdü. Sonra gələndə gördüm ki, atılan mərmilərin 8-i məktəbin həyətinə və yaxınlığına, ikisi məktəbin binasına düşüb. Bir mərmi məktəbin çardağından idman zalına düşmüşdü. Zərbədən sinif otaqlarının salamat pəncərəsi qalmamışdı. Məktəbin divarları isə dəlik-deşik idi...”.
  • Tərtər rayonun Qapanlı kənd orta məktəbi
    © Sputnik / Zulfiyya Guluyeva
  • Tərtər rayonun Qapanlı kənd orta məktəbin binası
    © Sputnik / Zulfiyya Guluyeva
  • Tərtər rayonun Qapanlı kənd orta məktəbində dərs prosesi
    © Sputnik / Zulfiyya Guluyeva
1 / 3
© Sputnik / Zulfiyya Guluyeva
Tərtər rayonun Qapanlı kənd orta məktəbi

30 ildə ilk dəfədir ki...

Direktor yeni tədris ilində məktəbin bir hissəsinin təmir edildiyini, şagirdlərə oxumaq üçün şərait yaradıldığını söylədi. Onun sözlərinə görə, köhnə məktəb atılan mərmilərdən sonra tam yararsız vəziyyətə düşdüyündən, bir neçə il öncə yeni məktəb inşa olunub. Amma Ermənistan Silahlı Qüvvələri bu məktəbə də müharibə zamanı zərər vurub. F.Əliyeva deyir ki, 30 ildən sonra ilk dəfədir ki, Qapanlı sakinləri uşaqlarını heç narahatlıq keçirmədən məktəbə yola salır:

“İlk dəfədir ki, bu tədris ili üzümüz gülür. Atəşkəs dövründə də həmişə dərsi narahatlıq içində keçmişik. Gözümüz pəncərədə, qulağımız səsdə olub. Tənəffüsdə belə narahatlıq keçirirdik. Qorxurduq ki, ermənilərin açdığı atəş həyətdə oynayan uşaqlara dəyər... Şükür ki, başda Ali Baş Komandanımız olmaqla müzəffər ordumuz bu narahatlığımıza son qoydu. Torpaqlarımız işğaldan azad olundu. Artıq Tərtərin Qapanlı kəndi cəbhə xəttində yerləşən ərazi hesab olunmur. Artıq erməni silahlılarının gülləsi bizə tuşlanmayıb. Bunun necə böyük xoşbəxtlik olduğunu isə sözlə ifadə etmək mümkün deyil”.

"Artıq uşaqlarımızın taleyindən narahat deyilik"

Məktəbdə həmsöhbət olduğumuz valideynlər də 44 günlük müharibədə Zəfər qazandıqdan sonra övladları ilə bağlı narahatlığın aradan qalxdığını söyləyirlər. Gülüstan Məmmədova adlı valideyn deyir ki, atəşkəs dövründə erməni silahlıları atəşkəsi tez-tez pozduğundan, övladlarını məktəbə əsas yolla yox, kənd içi, ara yollarla gətirib aparırmışlar:

“Uşaq məktəbə gedib-gələnə qədər narahat qalırdıq. İndi şükür ki, uşaqlarımızın taleyindən narahat deyilik. 44 günlük müharibə bu narahatlığımıza birdəfəlik son qoydu”.
© Sputnik / Zulfiyya Guluyeva
Tərtər rayonun Qapanlı kənd orta məktəbində dərs prosesi

"Sinif otaqlarında rahat əyləşib dərs keçməkdən böyük xoşbəxtlik ola bilməz!"

Məktəbin sinif otaqlarını gəzərkən bu il məktəbə ilk qədəmlərini basan birincilərlə də görüşdük. Sinif müəlliməsi Nailə müəllimə bildirdi ki, heç vaxt bu gün olduğu kimi bu sinif otağında sakit dərs keçməyib:

“Atəşkəs pozulduqca, iriçaplı silahlardan atılan atəş sinif otaqlarımızın pəncərələrini cingildədirdi. Yaxınlığa düşən mərminin təsirindən məktəb silkələnirdi. Biz bu vahimə içində dərs keçmişik. Bununla belə, heç bir valideyn uşağını məktəbdən saxlamayıb. Artıq uşaqlar da açılan atəş səslərinə öyrəşmişdilər. Biz müəllim olaraq narahatlıq keçirsək də, uşaqlar qorxmurdular. Artıq o narahatlığımız geridə qalıb. Bizim üçün bu sinif otaqlarında rahat əyləşib dərs keçməkdən böyük xoşbəxtlik ola bilməz. Buna görə bütün şəhidlərimizə, prezidentimizə, ordumuza minnətdarıq!”.

Xoşbəxt birincilər...

Birincilər isə məktəbdə keçən ilk günlərinin sevincini yaşayırdılar. Olub bitənlərdən xəbərsiz.. Bilmirdilər ki, bir də bu məktəbin sinif otaqlarının pəncərələri atəş səsindən cingildəməyəcək. Mərmi, raket məktəb binasının məhvərini yerindən oynatmayacaq... Bəlkə də onlar bu məktəbin son 30 ildə təhsil alan ən xoşbəxt şagirdləri olacaqlar. Tam təhlükəsiz, sülh şəraitində təhsil alan şagirdləri... 

Həmçinin oxuyun:

Güllələr də susarmış... Artıq Tərtər məktəblərinin pəncərələrini atəş səsləri silkələmir

6
Teqlər:
məktəb, məktəbli, Tərtər