Zəfər Yolunun asfaltlanması işlərinə başlanılıb

Zəfər yolunun sentyabrdan tam istifadəyə verilməsi nəzərdə tutulur

384
(Yenilənib 17:32 30.07.2021)
Azərbaycan Avtomobil Yolları Dövlət Agentliyinin mütəxəssisi Fərid Yusubovun sözlərinə görə, ümumi uzunluğu 101 metr olan "Zəfər yolu" Füzuli ilə Şuşa arasında nəqliyyat əlaqəsi yaradacaq.

BAKI, 30 iyul — Sputnik. "Zəfər yolu" Füzuli ilə Şuşa arasında nəqliyyat əlaqəsi yaradacaq. Yolun ümumi uzunluğu 101 km təşkil edir.

Sputnik Azərbaycan-ın APA-ya istinadən məlumatına görə, bunu Azərbaycan Avtomobil Yolları Dövlət Agentliyinin mütəxəssisi Fərid Yusubov bildirib. Onun sözlərinə görə, yol, 2-ci texniki dərəcəyə uyğun olaraq tikilir:

"Burada hərəkət hissəsi 2 zolaqdan ibarət olaraq 7 metr, torpaq yatağının eni isə 11-12 m arası dəyişir. Yol üzərində 168 ədəd ümumi uzunluğu 3864 m təşkil edən müxtəlif diametrli suötürücü borular quraşdırmışıq. Bundan əlavə, yeraltı keçidlər də quraşdırılıb. Eyni zamanda, 4 ədəd körpünün tikintisi aparılır və yekunlaşmaq üzrədir. Bunların da ümumi uzunluğu 351 m təşkil edir. Yol boyu dağlıq ərazidən keçən hissələrdə 11 yerdə 1423 m uzunluğunda istinad divarları tikilir ki, bu da gələcəkdə yolda təhlükəsizliyi təmin edəcək".

F.Yusubov deyib ki, yolda torpaq yatağı demək olar ki, tamamilə başa çatıb: "Hazırda yolun əvvəlindən 0-20-ci km hissəsində asfalt beton döşənilib. Burada dayandığımız yer 40-cı km-dir. Artıq 40-45-ci km hissədə də asfalt beton döşənib. Yolun sentyabrdan tam istifadəyə verilməsi nəzərdə tutulur".

384
Rusiya Dövlət Dumasına seçkilər (2021)

Rusiyada keçirilən seçkilərdə kim irəlidədir - Exit-poll nəticələri

11
(Yenilənib 00:13 20.09.2021)
Sorğunun nəticələrinə görə, 5%-lik həddi dörd siyasi təşkilat keçə bilib, onların arasında “Yedinaya Rossiya” liderdir.

BAKI, 19 sentyabr - Sputnik. Rusiyada Dövlət Dumasına keçirilən seçkilərdə “Yedinaya Rossiya” partiyası hamıdan çox səs toplayıb (45,2%). Belə bir nəticə Sosial marketinq institutunun (İNSOMAR) keçirdiyi exit-poll-dan sonra hasil olub.

Kommunist partiyası səslrin 21%-ni, RLDP - 8,7%-ni, “eserlər” isə - 7,9%-ni toplayıblar.

Sorğunun nəticələrinə görə, seçkilərə qatılmış digər siyasi təşkilatlar 5%-lik səs həddini keçə bilməyiblər.

Respondentlərə belə bir sualla müraciət olunub: “Dövlət Dumasına seçkilərdə hansı partiyaya səs vermisiniz?”.

Sorğu planşetlər vasitəsilə, elektron anketlərin köməyi ilə keçirilib. Məlumatlar real vaxt rejimində işlənib. Ümumilikdə sentyabrın 17-dən 19-a qədər sorğuda 438218 seçici iştirak edib.

Exit-poll üçün 825 yaşayış mntəqəsində 1455 seçki məntəqəsi seçilib.

Qeyd edək ki, yerli vaxtla saat 20.00-da Moskva və ölkənin mərkəzi regionlarında səsvermə məntəqələri bağlanıb. Yerli vaxtla saat 18.00-a olan məlumata görə, seçkilərdə seçicilərin 45,15%-i iştirak ediblər.

Bütün ölkə üzrə seçicilərin ən çox fəallığı Çeçenistan, Kabardin-Balkar və Tuva vilayətlərində qeydə alınıb. Ən az fəallığı isə “şimal paytaxtı”nın sakinləri göstəriblər.

11
Teqlər:
'exit-poll', Rusiya
Minsk şəhərinə mənzərə, arxiv şəkli

Azərbaycan ilə Belarus arasında ticarət dövriyyəsi 200 milyon dolları ötüb

7
(Yenilənib 22:18 19.09.2021)
Azərbaycan Respublikasından Belarusa ixracın dəyəri 130 milyon dollar, bu ölkədən idxalın dəyəri isə 79,5 milyon dollar təşkil edib.

BAKI, 19 sentyabr - Sputnik. Cari ilin yanvar-avqust aylarında Azərbaycan ilə Belarus arasında ticarət dövriyyəsi 209,5 milyon ABŞ dolları təşkil edib.

Bu barədə AZƏRTAC-a Belarus Dövlət Statistika Komitəsindən məlumat verilib.

Səkkiz ayda Azərbaycandan Belarusa ixracın dəyəri 130 milyon dollar, bu ölkədən ölkəmizə idxalın dəyəri isə 79,5 milyon dollar təşkil edib.

Həmçinin oxuyun:

Azərbaycan Prezidenti Belarusla müdafiə sahəsində müqaviləni təsdiqlədi

7
Teqlər:
Belarus, ixrac, idxal