Şimal axını - 2 nişanı, arxiv şəkli

"Uzun sürən oyun": ABŞ senatorlarının "Şimal axını-2" ilə bağlı ultimatumları

49
On iki respublikaçı senator Ağ Evi təhdid edərək "Şimal axını-2" layihəsinə qarşı yeni sanksiyaların tətbiq olunmasını tələb ediblər.

BAKI, 29 iyul — Sputnik. ABŞ-ın respublikaçı senatorlarının bir qrupu "Şimal axını-2" ilə əlaqədar olaraq Maliyyə Nazirliyinə yeni təyinatlara mane olacaqlarını bildiriblər. Müasir Dövlət İnkişafı İnstitutunun direktoru, politoloq Dmitri Solonnikov Sputnik radiosuna müsahibəsində vəziyyətə münasibət bildirib.

12 nəfər respublikaçı senatordan ibarət qrup ABŞ Maliyyə Nazirliyini və Ağ Evi təhdid edərək "Şimal axını-2" layihəsinə qarşı yeni sanksiyaların tətbiq olunmasını tələb ediblər.

“Bloomberg” agentliyi həmin məktubdan çıxarışları dərc edib:

"Şimal axını-2" qaz kəməri Birləşmiş Ştatların, eləcə də bizim müttəfiq və tərəfdaşlarımızın milli təhlükəsizliyinə birbaşa zərər vurur. Bu layihə başa çatacağı təqdirdə Vladimir Putinin Avropaya zərərli təsiri artacaq, Ukraynadakı kövrək sabitliyin pozulmasına gətirəcək və Rusiyanın təcavüzünün davam etməsinə şərait yaradacaq", – deyə məktubda deyilir.

Respublikaçı senatorlar, Ağ Ev administrasiyasının "qaz kəməri ilə bağlı mövqeyini dəyişməyəcəyi və layihəyə qarşı sanksiyalar tətbiq etməyəcəyi təqdirdə" Maliyyə Nazirliyinə iki nəfərin təyinatına mane olacaqlarını bildiriblər.

Bundan bir gün əvvəl “Nord Stream2 AG”-nin operatoru bildirib ki, qaz kəməri artıq 99% hazırdır.

Müasir Dövlət İnkişafı İnstitutunun direktoru, politoloq Dmitri Solonnikov Sputnik radiosunun efirində belə bir fikir səsləndirib ki, Rusiyanın qaz kəmərinə qarşı fəaliyyət ABŞ-da daxili siyasi mübarizə alətinə çevrilib.

"Bu, uzun sürən oyundur. Biz hazırda demokratlarla respublikaçıların yerlərini necə dəyişdiyini görürük: indi demokratlar öz mövqeyini müdafiə etməli, "Kremlin agentləri" olmadıqlarını sübut etməlidirlər. Halbuki özləri əvvəllər respublikaçıları bunda ittiham edirdilər. Belə çıxır ki, indi onlar özləri "agent"lərə çevriliblər.

Birləşmiş Ştatların daxilində müxtəlif mövqelərin olmasına, ölkənin gələcəyini təkcə prezidentin müəyyən etmədiyinə gəldikdə isə, bu məlumdur. Belə mövqe nümayiş etdirənlər müxtəlif təzyiq tədbirlərinə əl atacaqlar və bu, "Şimal axını-2" tamamilə inşa edilib işə salınana qədər davam edəcək. Layihə isə tezliklə işə salınacaq – oyun da elə bunun üstündədir. Odur ki Maliyyə Nazirliyinə təyinatların vaxtı uzanacaq. Bu, Birləşmiş Ştatlarda nüfuz uğrunda mübarizədir", - deyə Solonnikov bildirib.

49
Yeniyetməyə koronavirusa qarşı peyvənd vurulur, arxiv şəkli

Dünyada uşaqlar COVID-19 əleyhinə necə vaksin olunurlar

2
(Yenilənib 19:24 18.09.2021)
ABŞ, Fransa, İtaliya, İspaniya, Almaniya, İrlandiya, İsveçrə kimi ölkələrdə uşaqların COVID-19 əleyhinə vaksin yaşı 12-dən başlayır.

BAKI, 18 sentyabr — Sputnik. Hələlik Azərbaycanda uşaqların COVID-19 əleyhinə vaksinləşməsi ilə bağlı bir qərar yoxdur. Nazirlər Kabinetinin qərarı ilə ölkədə yaşı 18-dən yuxarı olan şəxslərin vaksinasiyası aparılır. Azərbaycandan fərqli olaraq qonşu Türkiyədə isə artıq bu istiqamətdə addımlar atılıb və yaşı 12-15 olan uşaqlar vaksin olunurlar. Maraqlıdır, dünyada uşaqların vaksin yaşı neçədir?

Sputnik Azərbaycan bunu araşdırmağa çalışıb.

Bir çox dünya ölkələrində, xüsusən də inkişaf etmiş ölkələrdə COVID-19 əleyhinə uşaqların peyvənd yaşı 12 olaraq müəyyənləşib. Bəzi ölkələrdə bu yaş 12-15 yaş aralığında dəyişir.

Məsələn, ABŞ, Fransa, İtaliya, İspaniya, Almaniya, İrlandiya, İsveçrə kimi ölkələrdə uşaqların COVID-19 əleyhinə vaksin yaşı 12-dən başlayır.

Bəs bu ölkələrdə uşaqların neçə faizi vaksin olunub, buna nəzər yetirək:

- Fransada 68 %

- İtalyada 62%

- İspaniyada 79%

- Almaniyada 39%

- İrlandiyada 90%

- İsveçrədə 55%

Qonşu Türkiyədə vəziyyət necədir?

Türkiyə Səhiyyə Nazirliyinin məlumatına görə, son günlər COVID-19 virusu ilə əlaqədar olaraq reanimasiyadakı uşaqların sayında artım olub: "Bu səbəbdən də əlimizdə əsas silahımız vaksindir. Ailələr övladlarını vaksin etdirməkdən qorxmasınlar. Nəinki Türkiyədə, dünyanın bir çox ölkələrində bu virus əleyhinə uşaqlar vaksin olunurlar. Məsələn, Kubada uşaqlar 2 yaşından vaksin olunurlar. Çin və Birləşmiş Ərəb ölkələrində 3 yaşdan vaksinləşmə başlayır".

Qeyd olunub ki, uşaqlar üçün vaksinin fərqli dozada tətbiqi ilə bağlı hələlik nəsə demək mümkün deyil: "Yaşı 12-dən yuxarı olanlara tam doza vaksin vurulur, yaşı 12-dən aşağı olanlara isə daha az dozada vaksinin vurulması üçün müəyyən işlər getsə də, hələlik bir nəticə, qərar yoxdur".

Eləcə də oxuyun:

2
Teqlər:
COVID-19, epidemiya, Koronavirus, vaksinasiya, dünya, uşaqlar
Mövzu:
Yeni tip koronavirus pandemiyası

Bakıda Azərbaycan Rusiya hərbi dənizçilərinin görüşü keçirilib

786
Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi attaşesinin nümayəndələri iştirak ediblər.

BAKI, 18 sentyabr — Sputnik. Dostluq səfəri ilə ölkəmizdə olan Rusiya Federasiyası Xəzər Donanmasının hərbi nümayəndə heyətinin rəhbəri ilə Azərbaycan Hərbi Dəniz Qüvvələrinin (HDQ) komandanlığı arasında işçi görüşü keçirilib.
Sputnik Azərbaycan xəbər verir ki, bu barədə Azərbaycan Müdafiə Nazirliyi məlumat yayıb.

Azərbaycan HDQ-nin komandanı kontr-admiral Sübhan Bəkirov Rusiya HDD-sı Xəzər flotiliyasının gəmilərin dəstə komandiri 2-ci dərəcəli kapitan Vladimir Zaytsevin rəhbərlik etdiyi nümayəndə heyətini qəbul edib.
Görüşdə Azərbaycan HDQ ilə Rusiya Federasiyası Xəzər Flotilyası arasında dostluq münasibətləri və qarşılıqlı maraq doğuran digər məsələlər müzakirə olunub.

 

---------

12:06

Rusiya Hərbi Dəniz Qüvvələrinin nümayəndə heyəti Azərbaycana səfərə gəlib.

Sputnik Azərbaycan xəbər verir ki, nümayəndə heyəti Rusiya Hərbi Dəniz Qüvvələrinə məxsus "Astraxan" və "Anatoli Qujvin" hərbi gəmiləri ilə Bakı Dəniz Limanında hərbi orkestrin müşayiəti ilə qarşılanıb.

Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi attaşesinin nümayəndələri iştirak ediblər.

Rusiya Xəzər donanmasının komandanının müavini kontr-admiral Sergey Yakimovun sözlərinə görə, birgə təlimlərdə Rusiya HDD-nin, İran, Qazaxıstan və Azərbaycan HDQ-nin hərbi gəmiləri iştirak edəcəklər: "Bir neçə gün ərzində biz burada, Xəzər dənizində birgə fəaliyyətləri məşq edəcəyik".Xatırladaq ki, avqustda Rusiya, Azərbaycan, İran və Qazaxıstan gəmilərinin sentyabrda Xəzər dənizində birgə hərbi-dəniz təlimləri keçəcəkləri barədə məlumat yayılmışdı.

Eləcə də oxuyun:

786
  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Корабль "Астрахань" Военно-морского флота Российской Федерации в бакинской бухте.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Qarşılama mərasimində Azərbaycan Hərbi Dəniz Qüvvələrinin rəsmiləri, Rusiyanın Azərbaycandakı səfirliyinin və hərbi attaşesinin nümayəndələri iştirak ediblər.

  • © Sputnik / Murad Orujov

    Военные Военно-морского флота Азербайджана на территории Бакинского морского порта.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Rusiyanın hərbi gəmiləri Bakıya gəlib.

  • © Sputnik / Murad Orujov

    Rusiyanın hərbi gəmiləri Bakıya gəlib.

Teqlər:
gəmi, Bakı, Rusiya, Xəzər dənizi
Mövzu:
Bakının son xəbərləri