Neft buruqları

İlin ikinci yarısında neftə tələbat artacaq: Bakı nefti bu fonda ucuzlaşıb

82
(Yenilənib 13:48 16.07.2021)
"Azeri Light" markalı neftin bir barelinin qiyməti 1,82 dollar ucuzlaşaraq 75,04 dollar təşkil edib.

BAKI, 16 iyul — Sputnik. Azərbaycan neftinin qiyməti ucuzlaşıb.
Sputnik Azərbaycan xəbər verir ki, "Azeri Light" markalı neftin bir barelinin qiyməti 1,82 dollar ucuzlaşaraq 75,04 dollar təşkil edib.

Dünya birjalarında neft ucuzlaşır

London birjasında "Brent" markalı neftin bir barelinin qiyməti 0,45 dollar geriləyərək 73,02 dollar, Nyu-York birjasında "Light" markalı neftin bir barelinin qiyməti isə 0,41 dollar ucuzlaşaraq 71,24 dollar olub.
Qeyd edək ki, ötən ilin ikinci rübündən vüsət alan pandemiyanın təsiri nəticəsində neft qiymətləri minimum göstəricilərə enmişdi. Lakin qlobal miqyasda vaksinasiya prosesi və effektiv karantin tədbirləri nəticəsində neft tələbatı bərpa olunub, qiymətlər artmağa başlayıb.

"Azeri Light" neftinin bir barelinin qiyməti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

İlin ikinci yarısında qlobal neft tələbatı artacaq

Beynəlxalq Enerji Agentliyinin (IEA) neft bazarına dair aylıq hesabatında deyilir ki, ilin ikinci yarısında qlobal neft tələbatının gündəlik 4,6 milyon barel artacağı gözlənilir.
IEA-ya görə, qlobal iqtisadiyyatda güclü böyümə, yeni növ koronavirus epidemiyasına qarşı peyvənd səylərinin sürətləndirilməsi və məhdudiyyətlərin yumşaldılması neft tələbatında canlanmanın hərəkətverici qüvvəsi olacaq. Qlobal iqtisadiyyatda müsbət proqnozun bu ilin qalan hissəsində və 2022-ci ildə də davam edəcəyi gözlənilir. Xüsusən Avropada epidemiya ilə bağlı məhdudiyyətlərin yumşaldılmasının təsiri ilə qlobal neft tələbatının ilin ikinci yarısında birinci yarımillə müqayisədə gündəlik 4,6 milyon barel artacağı planlaşdırılır.

Bununla birlikdə, bəzi ölkələrdə COVID-19-a yoluxma hallarının artması qlobal neft tələbatı üçün mənfi risk yaratmaqda davam edəcək.

25.06.2021

"Qara qızıl"dan qara xəbər

İyun ayında Azərbaycan neftinin qiymətinin ucuzlaşması tendensiyası müşahidə olunub. Ayın 25-nə olan məlumata görə, "Azeri Light" markalı neftin bir barelinin qiyməti 1,21 dollar ucuzlaşaraq 75,56 dollar təşkil edib.
"Brent" markalı neftin bir barelinin qiyməti 0,30 dollar geriləyərək 74,38 dollar, "Light" markalı neftin bir barelinin qiyməti isə 0,23 dollar ucuzlaşaraq 72,68 dollar olub.

Qeyd edək ki, "Azeri Light" nefti keçən il aprelin 21-də minimuma enərək 15,81 dollar, 2008-ci ilin iyulunda isə maksimuma yüksələrək 149,66 dollar olub.

Ötən ilin ikinci rübündən vüsət alan pandemiyanın təsiri nəticəsində neft qiymətləri minimum göstəricilərə enmişdi. Lakin qlobal miqyasda vaksinasiya prosesi və effektiv karantin tədbirləri nəticəsində neft tələbatı bərpa olunub, qiymətlər artmağa başlayıb.

Neft 100 dollaradək yüksələ bilər

"Bank of America" beynəlxalq investisiya bankının proqnozuna görə, səyahətlərlə bağlı tələbatın artması ilə neft qiymətləri gələn il 100 dollaradək yüksələ bilər.

Banka görə, qlobal neft istehlakı iqtisadi canlanma ilə birlikdə istehsaldan daha çox olacaq və ətraf mühitlə əlaqədar olaraq yeni hasilat investisiyaları azalacaq.

Xam neft qiymətləri yenidən üçrəqəmli olarsa, bu, 2014-cü ildən bəri ilk olacaq. 2014-cü ildəki qlobal maliyyə böhranına qədər bir bareli 100 dollar civarında olan xam neft ABŞ-da şist neft istehsalının artmasından sonra yenidən bu səviyyələrə çata bilməmişdi.

"Brent" markalı neftin qiyməti ilin əvvəlindən indiyədək isə 42 faiz artıb. "Brent" neftinin bir barelinin qiyməti sonuncu dəfə 2018-ci ilin oktyabrında 80 dollara yüksəlmişdi.

82

Londonun su batmış küçələri

5
(Yenilənib 22:21 26.07.2021)
Böyük Britaniyanın paytaxtı son onillikdə ən güclü daşqınlardan biri ilə qarşılaşıb. Sputnik Azərbaycan-ın fotolentində Londonun təbii fəlakətlə necə mübarizə apardığını görə bilərsiniz.

Londonda bazar günü günortadan sonra güclü yağış yağıb.

Su basması ilə əlaqədar yol-nəqliyyat polisi tunellərin və yol qovşaqlarının bağlanması barədə məlumat yayıb.

Şəhər yanğın xidməti bazar günü daşqınla əlaqədar insidentlərlə bağlı 600-dən artıq zəng qəbul edib.

Londonda bir neçə saat ərzində aylıq yağıntı miqdarı düşüb, sel metro stansiyalarına doğru axaraq turniketlərin yanında burulğanlar yaradıb. Daşqın nəticəsində bazar ertəsi nəqliyyatın hərəkətində ciddi ləngimələr olub. 

Britaniyalılara uzunboğaz çəkmələrini şkaflardan çıxarmağı məsləhət görüblər. Sinoptiklərin proqnozlrına görə, yay ən azı üç həftəlik olmayacaq.

 

5
  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

İl-76 təyyarəsi, arxiv şəkli

Rusiyada nüvə müharibəsi ehtimalı üçün "Məhşər günü təyyarəsi" yaradılacaq

14
Bu təyyarələr yerüstü və peyk infrastrukturunun düşmən tərəfindən sıradan çıxarıldığı təqdirdə ölkənin ali rəhbərliyinin təxliyəsi və qoşunların havadan idarə olunması üçün lazımdır

 

BAKI, 26 iyul — Sputnik. Voronejdə geniş gövdəli İl-96-400M təyyarəsi əsasında nüvə müharibəsi olduğu təqdirdə qoşunların idarə olunması üçün yeni uçuş aparatının yaradılmasına başlanıb.

Sputnik Azərbaycan Rusiya mediasına istinadən xəbər verir ki, bu cür "Məhşər günü təyyarələri" vaxtilə İl-86 sərnişin təyyarələrinin əsasında hazırlanmış və hazırda istifadədə olan İl-80 təyyarələrini əvəz edəcək.

İl-96-400M laynerlərinin uçuş məsafəsi əvvəlki versiya ilə müqayisədə iki dəfə artırılacaq. Ümumilikdə Rusiya ordusunun sərəncamına "Zveno-3S" layihəsi çərçivəsində iki ədəd bu cür hava komanda məntəqəsi təhvil veriləcək.

Təyyarədə istifadə olunacaq radiorabitə kompleksi altı min kilometr radiusda əmrləri yerüstü və sualtı raket atəşi qurğularına ötürməyə imkan verəcək.

Bu təyyarələr yerüstü və peyk infrastrukturunun düşmən tərəfindən sıradan çıxarıldığı təqdirdə ölkənin ali rəhbərliyinin təxliyəsi və qoşunların havadan idarə olunması üçün lazımdır.

14