Yerevan mənzərəsi, arxiv şəkli

Ermənistandakı Azərbaycan irsinin tədqiqatına başlanılıb

24
(Yenilənib 16:40 08.07.2021)
Nazir bildirib ki, indiki Ermənistan dövlətinin ərazisində yerləşən Azərbaycan mədəni irsinə aid abidələrin tədqiqatına başlanılıb. Onun sözlərinə görə, bunun üçün arxiv sənədlərlə tanışlıq tələb olunur.

BAKI, 8 iyul — Sputnik. "Azərbaycanın Vətən müharibəsində əldə etdiyi qələbədən sonra yeni dönəm başlayıb. Zəfər qazanmışıq, lakin beynəlxalq aləmdə təbliğat mübarizəsi davam edir". Sputnik Azərbaycan xəbər verir ki, bunu Azərbaycanın mədəniyyət naziri Anar Kərimov Tbilisidə azərbaycanlı ictimai və mədəniyyət xadimləri ilə görüşdə deyib. Onun sözlərinə görə, qalib xalqın mədəniyyətinin tanıdılması prosesində dünyanın müxtəlif ölkələrində yaşayan hər bir azərbaycanlı rol oynamalı, öz töhfəsini verməlidir.

Nazir deyib ki, Gürcüstandakı soydaşlarımız Azərbaycan mədəniyyəti və incəsənətinin yaşadılması, gələcək nəsillərə ötürülməsi istiqamətində fəallıq göstərirlər və bu, çox mühüm missiyadır, qürurvericidir.

Görüş iştirakçıları azərbaycanlı icmanı mədəniyyət sahəsində qayğılandıran məsələləri qaldırıblar, Borçalı xalçaçılığı, milli rəqslər, muğam sənətinin yaşadılması və digər sahələr üzrə təkliflər səsləndiriblər.

Bundan başqa, nazir bildirib ki, indiki Ermənistan dövlətinin ərazisində yerləşən Azərbaycan mədəni irsinə aid abidələrin tədqiqatına başlanılıb. Onun sözlərinə görə, bunun üçün arxiv sənədlərlə tanışlıq tələb olunur: "Bu istiqamətdə Türkiyə, Gürcüstan və Rusiya arxivlərində işlərin aparılması planlaşdırılır".

Nazir qeyd edib ki, araşdırma nəticəsində Ermənistandakı Azərbaycana məxsus irs nümunələrinin hazırkı vəziyyəti üzə çıxacaq: "Tədqiqatın yekunları beynəlxalq ictimaiyyətə də təqdim olunacaq. Araşdırma ilə bağlı Gürcüstan tərəfi ilə əməkdaşlığa hazırıq".

Mədəniyyət naziri Anar Kərimov Tbilisidə azərbaycanlı icmanın üzvləri ilə görüşdə soydaşlarımızın ana dilində bədii kitabların çatışmazlığı ilə bağlı fikirlərinə münasibət bildirib: "Hər il Azərbaycanda dövlət sifarişi əsasında nəşr olunan kitabların bir qisminin Gürcüstana göndərilməsi məsələsi nəzərdən keçiriləcək. Bunun üçün bu ölkədəki kitabxanalarla bağlı təhlil aparılmalıdır".

Nazir deyib ki, soydaşlarımız gürcü dilini öyrənməli və Gürcüstanın vətəndaş cəmiyyətinə inteqrasiya etməlidirlər, lakin ana dilini unutmamalıdırlar: "Azərbaycan dilinin ölkə hüdudlarından kənarda da öyrənilməsi və inkişaf etdirilməsi dövlətimizin strateji istiqamətlərindən biridir. Ana dili assimilyasiyadan qoruyan amildir".

O, həmçinin qeyd edib ki, Gürcüstanda azərbaycanlıların yığcam yaşadıqları bölgədə Azərbaycan Kitab Evinin yaradılması imkanları araşdırıla bilər: "Bu, icma üzvlərinə azərbaycandilli kitabları yerində əldə etmək imkanı verəcək".

A.Kərimov gələcəkdə Gürcüstanda Azərbaycan incəsənəti məktəbinin yaradılmasının mümkün olduğunu da qeyd edib: "Azərbaycan rəqsləri, xalçaçılıq, muğam dərslərinin tədris olunacağı təhsil ocağı Gürcüstan hökuməti ilə birgə əməkdaşlıqla təsis oluna bilər".

Nazir Gürcüstanın azərbaycanlı rəssamlarının Bakıda sərgisinin təşkili təklifinə də münasibət açıqlayıb: "Rəssamlara ən gözəl dəstək onların sərgisinin keçirilməsidir. Sərginin Bakıda sərgi salonlarından birində təşkilinə dəstək verməyə hazırıq".

Görüşdə Azərbaycanın Gürcüstandakı səfiri Faiq Quliyev, "SOCAR Energy Georgia" şirkətinin Baş direktoru Mahir Məmmədov də iştirak edib.

A.Kərimov Gürcüstana rəsmi səfəri çərçivəsində Mirzə Fətəli Axundzadə adına Azərbaycan Mədəniyyəti Muzeyinə baş çəkib, ekspozisiya ilə tanış olub. Nazir həmçinin mədəniyyət ocağının qarşısında ucaldılan Azərbaycan professional vokal məktəbinin banisi Bülbülün büstünü ziyarət edərək önünə gül dəstələri düzüb.

24
 Eldəniz Səlimov

Bu gün Milli Məclis Eldəniz Səlimovun işinə baxacaq

5
(Yenilənib 10:32 02.08.2021)
Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb.

BAKI, 2 avqust — Sputnik. Milli Məclisin İntizam Komissiyasının bu gün keçiriləcək iclasında deputat Eldəniz Səlimovun toxunulmazlığına xitam verilməsi məsələsinə baxılacaq.

Bu barədə Sputnik Azərbaycan-a Milli Məclisdən məlumat verilib. Məlumata görə, bu barədə Milli Məclisə təqdimat baş prokuror Kamran Əliyev tərəfindən daxil olub.

Rəsmi məlumata əsasən, iyulun 29-da saat 01 radələrində Xaçmaz şəhərində yerləşən "Starıy Dvor" restoranında Milli Məclisin deputatı Eldəniz Səlimov xidməti vəzifəsini yerinə yetirən polis əməkdaşına zor tətbiq edib. Daxili İşlər Nazirliyindən daxil olan material Baş Prokurorluqda araşdırılıb. Toplanan material üzrə Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb. Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb. Növbədənkənar sessiyanın gündəliyinə Azərbaycan Respublikası Milli Məclisinin deputatı Eldəniz Səlimovun toxunulmazlığına xitam verilməsi haqqında məsələ daxil edilib.

Qeyd edək ki, hazırda iş üzrə intensiv istintaq hərəkətləri aparılır.

Eləcə də oxuyun:

5
Teqlər:
deputat, Milli Məclis, komissiya, iclas, toxunulmazlıq
Azərbaycan hərbçiləri, arxiv şəkli

Ermənistan yenə Naxçıvanı atəşə tutub, cavab atəşi ilə susdurulub

3529
(Yenilənib 10:16 02.08.2021)
Müdafiə Nazirliyinin bildirdiyinə görə, Azərbaycan Ordusunun şəxsi heyəti arasında itki yoxdur, hazırda bu istiqamətdə vəziyyət sabitdir.

BAKI, 2 avqust — Sputnik. Avqustun 2-si saat 03:27-də Ermənistan silahlı qüvvələrinin bölmələri Vedi rayonunun Arazdəyən kəndi yaxınlığında yerləşən mövqelərindən Naxçıvan Muxtar Respublikası Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini atıcı silahlardan atəşə tutub.

Sputnik Azərbaycan bildirir ki, məlumatı Azərbaycan Müdafiə Nazirliyi yayıb. 

Bildirilir ki, Azərbaycan Ordusunun şəxsi heyəti arasında itki yoxdur.
Cavab atəşi ilə qarşı tərəf  susdurulub.
Hazırda bu istiqamətdə vəziyyət sabitdir, əməliyyat şəraiti bölmələrimizin nəzarəti altındadır.

--------------

01.08.2021

09:26

Avqustun 1-i saat 03.45 radələrində Ermənistan silahlı qüvvələrinin bölmələri Vedi rayonunun Arazdəyən kəndi yaxınlığında yerləşən mövqelərindən Naxçıvan Muxtar Respublikası Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini atıcı silahlardan atəşə tutub.

Müdafiə Nazirliyindən Sputnik Azərbaycan-a verilən məlumata görə, Azərbaycan Ordusunun şəxsi heyəti arasında itki yoxdur.

Cavab atəşi ilə qarşı tərəf susdurulub.

Hazırda bu istiqamətdə vəziyyət sabitdir, əməliyyat şəraiti bölmələrimizin nəzarəti altındadır.

Naxçıvan daha əvvəl də atəşə tutulub

Naxçıvan istiqamətində mövqelərimiz iyulun 19-da da atəşə tutulub, bir hərbi qulluqçumuz yaralanıb.

Müdafiə Nazirliyinin yaydığı məlumata görə, iyulun 19-u saat 23:40 radələrində Ermənistan silahlı qüvvələrinin bölmələri Vedi rayonunun Arazdəyən kəndi yaxınlığında yerləşən mövqelərindən Naxçıvan Muxtar Respublikası Sədərək rayonunun Heydərabad yaşayış məntəqəsi istiqamətində yerləşən Azərbaycan Ordusunun mövqelərini müxtəlif çaplı silahlardan atəşə tutub.

Nəticədə Azərbaycan Ordusunun hərbi qulluqçusu baş leytenant Bədəlli Ramal Bəhlul oğlu ayağından yaralanıb. Yaralıya ilkin tibbi yardım göstərilib və o, tibb müəssisəsinə təxliyə olunub.

Həmin gün Sədərək istiqamətində yerləşən döyüş mövqelərimiz də atəşə tutulub. Naxçıvan Muxtar Respublikasının Sədərək rayonu istiqamətində yerləşən Azərbaycan Ordusunun mövqeləri Ermənistan ərazisindən müxtəlif çaplı silahlardan yenidən atəşə tutulub.
Qarşı tərəfin susdurulması məqsədilə cavab atəşi açılıb.

Həmçinin oxuyun:

Ermənistan Naxçıvandakı mövqelərimizi atəşə tutub, hərbçimiz yaralanıb - MN

* MN: Azərbaycan Ordusunun atəşkəsi pozması barədə məlumat yalandır

* MN: Azərbaycana məxsus 2 ədəd PUA-nın vurulması ilə bağlı yayılan məlumat yalandır

 

3529