Rusiyada epdimioloji vəziyyət

Koronavirus pandemiyasının çox təhlükəli mərhələsinə çatmışıq - ÜST rəhbəri

7
(Yenilənib 00:43 07.07.2021)
Ümumdünya Səhiyyə Təşkilatının (ÜST) baş direktoru Tedros Adanom Qebreyesus deyib ki, effektli vasitələrə əli çatmayan ölkələr daha çox kütləvi xəstəxanaya yerləşdirilmə və ölüm halları ilə qarşılaşırlar.

BAKI, 7 iyul — Sputnik. Ümumdünya Səhiyyə Təşkilatının (ÜST) baş direktoru Tedros Adanom Qebreyesus koronavirus pandemiyasının çox təhlükəli mərhələsinin çatdığını bildirib.

RİA Novosti-nin xəbərinə görə, baş direktor Qebreyesus hazırda virusla mübarizə üçün köməkçi vasitələrə, ilk növbədə peyvəndlərə sahib olan dövlətlərin məhdudiyyətləri yumşaltdığını deyib.

“Bununla yanaşı, effektli vasitələrə əli çatmayan ölkələr daha çox kütləvi xəstəxanaya yerləşdirilmə və ölüm halları ilə qarşılaşırlar. Bu, virusun yeni ştammları ilə daha da kəskinləşir”, - deyə ÜST rəhbəri əlavə edib.

Onun fikrincə, belə bir vəziyyətdən yeganə çıxış yolu ölkələr arasında testlərin, peyvəndlərin, dərmanların və qoruyucu vasitələrin ədalətli paylanmasıdır: “Bu, raket istehsalı və ya xeyriyyəçilik deyil. Bu, bütün maraqlara cavab verən məntiqli ictimai səhiyyə xidmətidir”.

Təşkilat rəhbəri qeyd edib ki, hər şeyin yaxşıya doğru dəyişiləcəyinə ümid var, COVAX peyvənd paylanılması proqramı buna misaldır. Qebreyesus ölkələri bu istiqamətdə öz səylərini artırmağa çağırıb.

ÜST-dən tövsiyələr: "Delta" ştammına yoluxarkən nə etməli

Koronavirusa qarşı vaksinlərin əsas vəzifəsi xəstəliyin ağır keçməsindən müdafiə etməkdir. Ümumdünya Səhiyyə Təşkilatı (ÜST) tərəfindən təsdiqlənmiş preparatlar 100 faiz yoluxmanın qarşısını almasa da, 90 faizdən çox COVID-19-un ağır formasından qoruyur. Bu barədə ÜST-ün baş elmi işçisi Sumya Svaminatan bildirib. 

"Bu peyvəndlərin əsas məqsədi ciddi xəstəliyin qarşısını almaqdır. Biz yoluxmuş insanların ağır xəstələnmələrini deyil, sağalmalarını istəyirik", - deyə Sumya Svaminatan söyləyib.

O, peyvəndlərin koronavirusa yoluxmaya qarşı fərqli qorunma dərəcəsinin olduğunu xatırladıb. Keçirilən sınaqların nəticələrinə görə, səviyyə "70 faiz ilə 90 faiz arasında dəyişə bilər" və "hazırda heç bir peyvənd 100 faiz qorumur", - deyə ekspert bildirib. "Lakin ciddi xəstəliyin qarşısının alınması və xəstəxanaya yerləşdirilməsi baxımından onlar hamısı çox yaxşıdır: effektivlik 90 faizdən çoxdur", - deyə o qeyd edib və əlavə edib ki, vaksinasiya olunduqda "ciddi xəstəlik ehtimalı çox azdır". Sumya Svaminatanın vurğuladığı kimi, peyvənd zəruridir, çünki ciddi formada xəstəlikdən qoruyur və eyni zamanda, infeksiyanın ötürülməsi riskini azaldır.

Koronavirusun xüsusilə yüksək dərəcədə yoluxucu olan "delta" ştamından danışarkən, ekspert bundan qorunmaq üçün qanda "yüksək səviyyədə anticisim"lərin tələb olunduğunu bildirib. "Təcili istifadə olunmaq üçün tövsiyə olunan bütün ÜST peyvəndləri, "delta" variantının səbəb olduğu ağır xəstəliklərdən, xəstəxanaya yerləşdirilməsi və ölümdən qoruyur", - deyə o qeyd edib.

Sumya Svaminatan "delta" variantının çox yayıldığı ölkələrdə aparılan araşdırmalara istinad edib, həmin araşdırmalara görə peyvənd olunan insanların xəstəxanaya yerləşdirilmə ehtimalı peyvənd edilməmiş insanlara nisbətən "çox aşağı"dır. "Delta" variantından qorunmaq üçün tam peyvənd kursunu keçmək lazımdır", - deyə ÜST-nin baş elmi əməkdaşı yekunlaşdırıb.

Bu günə qədər ÜST təcili istifadə üçün yeddi preparat tövsiyə edib: bunlar Sinopharm və Sinovac Çin şirkətlərinin vaksinləri, ABŞ-ın Pfizer və Almaniyanın BioNTech kompaniyalarının birgə hazırladığı Comirnaty vaksini, Amerikanın Johnson & Johnson kompaniyasının bölməsi olan Janssen şirkətinin vaksini, Amerikanın Moderna şirkətinin vaksini, eləcə də AstraZeneca İngilis-İsveç şirkəti və Oksford Universitetinin birgə hazırladığı vaksinin iki variantı.

Həmçinin oxuyun:

* "Delta" ştammına yoluxarkən nə etməli: ÜST təcili istifadə üçün preparatlar tövsiyə etdi

7
 Azərbaycan Respublikasının Baş Prokurorluğu

Prokurorluq atılan yenidoğulmuşla bağlı araşdırma apardı - Nəticələr var

3
Ana ilə profilaktik söhbətlər aparılıb, ana yeni doğulmuş uşağı ilə birlikdə Bərdə rayon Mərkəzi Xəstəxanasına yerləşdirilib

BAKI, 29 iyul — Sputnik. Ağcabədi rayonunda tapılmış yeni doğulmuş körpə ilə bağlı prokurorluq tərəfindən zəruri tədbirlər görülüb. Bu barədə Baş Prokurorluqdan Sputnik Azərbaycan-a verilən məlumatda bildirilib.  

Ağcabədi rayon prokurorluğu və rayon polis şöbəsinin əməkdaşlarının əlaqəli fəaliyyəti nəticəsində körpənin anası - Bərdə rayon sakini müəyyən edilib, onunla profilaktik söhbətlər aparılıb, ana yeni doğulmuş uşağı ilə birlikdə Bərdə rayon Mərkəzi Xəstəxanasına yerləşdirilib.

Eyni zamanda, Baş Prokurorluğun Cinayət təqibindən kənar icraatlar idarəsi tərəfindən ana və övladı nəzarətdə saxlanılaraq, sosial təhlükə vəziyyətinin aydınlaşdırılması, valideynlik hüquqlarının məhdudlaşdırılması üçün əsasların olub-olmamasının müəyyən edilməsi məqsədilə ananın yaşadığı yer üzrə Bərdə rayon İcra Hakimiyyəti yanında Qəyyumluq və Himayəçilik Komissiyasına müraciət edilib.

Qeyd edək ki, bir neçə gün öncə kütləvi informasiya vasitələrində və sosial media səhifələrində 22 iyul 2021-ci il tarixdə Ağcabədi rayonu, Hindarx qəsəbəsinin ərazisində yerləşən “Şəhidlər Xiyabanı”nın qarşısında sellofan torbada yeni doğulmuş körpənin tapılması ilə bağlı məlumat paylaşılmışdı.

Xatırladaq ki, bu ay ərzində bir neçə belə hal aşkarlanıb. Belə ki, bundan öncə Sumqayıtda və Ucarda da yenidoğulmuş körpələr küçəyə atılmış vəziyyətdə aşkarlanıblar.

Həmçinin oxuyun:

Yeni doğulmuş körpəni Şəhidlər xiyabanına atdılar

Yeni doğulan körpələrinizi mütləq eşitmə testindən keçirin, sonra gec ola bilər

Rusiyada yeni doğulanların sayı 25% azalıb

3
Manat, arxiv şəkli

Prezident İlham Əliyev Səhiyyə Nazirliyinə 600 min manat ayırıb

3
(Yenilənib 18:46 29.07.2021)
Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti bu Sərəncamdan irəli gələn məsələləri həll etməlidir.

BAKI, 29 iyul — Sputnik. Prezident İlham Əliyev Milli Hematologiya və Transfuziologiya Mərkəzində əsaslı təmir və yenidənqurma işlərinin aparılması ilə bağlı tədbirlər haqqında Sərəncam imzalayıb.

Sputnik Azərbaycan xəbər verir ki, Sərəncama əsasən talassemiyalı və hemofiliyalı xəstələri günün tələbləri səviyyəsində tibbi xidmətlə təmin etmək məqsədilə Milli Hematologiya və Transfuziologiya Mərkəzində əsaslı təmir və yenidənqurma işlərinin aparılması üçün Azərbaycan Respublikasının 2021-ci il dövlət büdcəsində nəzərdə tutulmuş Azərbaycan Respublikası Prezidentinin ehtiyat fondundan Azərbaycan Respublikasının Səhiyyə Nazirliyinə 600 000 (altı yüz min) manat ayrılıb.

Maliyyə Nazirliyi bu Sərəncamın 1-ci hissəsində göstərilən məbləğdə maliyyələşməni təmin etməli, Nazirlər Kabineti bu Sərəncamdan irəli gələn məsələləri həll etməlidir.

Həmçinin oxuyun:

Prezident Gəncəyə pul ayırdı: Məktəb, teatr binası, “Asan xidmət”, idman sarayı tikiləcək

Qəzet və xəbər saytlarına pul vəsaiti ayrıldı - Siyahı

3