Müharibədə fədakarlıq göstərmiş FHN əməkdaşlarının mükafatlandırma mərasimi

Müharibədə fədakarlıq göstərmiş FHN əməkdaşları mükafatlandırılıb

242
(Yenilənib 15:43 03.07.2021)
Fövqəladə Hallar Nazirliyinin Qarabağ Regional Mərkəzinin 120 nəfər şəxsi heyət üzvü fəxri diplom və hədiyyələr təqdim olunub.

BAKI, 2 iyul — Sputnik. “Vətən müharibəsində ön cəbhədə olmasaq da müharibədən zərər çəkən mülki vətəndaşların, cəbhəboyu ərazilərdən təxliyə edilmiş şəxslərin 44 gün boyunca geyim, yemək, yataq dəstləri ilə təminatında bilavasitə iştirak etdik. Çox şadıq ki, bu gün əməyimiz qiymətləndirilir və bu yöndə səlahiyyətli olan qurumlar bizi yaddan çıxarmırlar".

Bu fikirləri bu gün Ağdamda Vətən Müharibəsi Əlillərinə Kömək İctimai Birliyi tərəfindən mükafatlandırılan FHN-in Qarabağ Regional Mərkəzinin ərazi orqanları ilə iş şöbəsinin rəisi, daxili xidmət polkovnik leytenantı Bəxtiyar Əsədov Sputnik Azərbaycan-a müsahibəsində deyib. O bildirib ki, bu cür mükafatların təqdim olunması onları sevindirir və səxsi heyətdə ruh yüksəkliyi yaradır.

© Sputnik / Emin Alisahib
FHN-nin Qarabağ Regional Mərkəzinin ərazi orqanları ilə iş şöbəsinin rəisi daxili xidmət polkovnik-leytnantı Bəxtiyar Əsədov
“44 günlük Vətən müharibəsində Fövqəladə Hallar Nazirliyinin yerlərə ezam olunan şəxsi heyəti və Qarabağ regional mərkəzinin şəxsi heyəti insanların təxliyəsi, insanların sığınacaqlara yerləşdirilməsi, baş vermiş qəza xilasetmə işlərinin görülməsi, mənzillərdə yaranmış yanğın hadisələrinin qarşısını alınması üçün öz səy və bacarıqlarını əsgirəməmişdir.

Biz regional mərkəzin əməkdaşları olaraq müharibə dövründə bütün şəxsi heyətlə bərabər tam gücləndirilmiş iş rejimində işlədik. 44 günlük müharibə ərəfəsində düşmənin yaşayış məntəqələrimizi atəşə tutması nəticəsində dağıntlar altında qalan yaralı insanların təxliyə edilməsi və xəstəxanalara çatdırılması, sığınacaqlara yerləşdirilən insanların qida və su ehtiyatı ilə təmin edilməsini bizim şəxsi heyətimiz öz üzərinə götürmüşdü. Həmin ərəfədə də heç bir narazılıq olmadı. Həmçinin əhali tərəfimizdən yataq və geyim dəstləri ilə təmin olundu. Bu gün biz 44 günlük Vətən müharibəsində göstərdiyimiz xidmətlərə görə Vətən Müharibəsi Əlillərinə Kömək İctimai Birliyi tərəfindən mükafatlandırıldıq. Biz də öz növbəmizdə bizə göstərilən bu diqqət və qayğıya görə Vətən Müharibəsi Əlillərinə Kömək İctimai Birliyinə təşəkkür edirik”.

Qeyd edək ki, Vətən Müharibəsi Əlillərinə Kömək İctimai Birliyi tərəfindən Fövqəlada Hallar Nazirliyinin Qarabağ regional mərkəzinin 120 nəfər şəxsi heyətinə fəxri diplom və hədiyyələr təqdim edilib.

Mükafatlandırma mərasimi Ağdam rayonunda fəaliyyət göstərən Fövqəladə Hallar Nazirliyinin Qarabağ Regional Mərkəzində olub. Tədbir iştirakçıları öncə ulu öndər Heydər Əliyevin abidəsini ziyarət ediblər. Daha sonra vətən yolunda canından keçən şəhidlər 1 dəqiqəlik sükutla yad edilib. Mərasimdə dövlət rəsmiləri, FHN-nin Qarabağ Regional Mərkəzinin rəhbərliyi, Ağdam rayon İcra Hakimiyyətinin Başçısı Vaqif Həsənov, Vətən Müharibəsi Əlillərinə Kömək İctimai Birliyinin idarə heyəti və ictimaiyyət nümayəndələri iştirak ediblər.

Mərasimdə çıxış edənlər 44 günlük haqq savaşında Ali Baş Komandan İlham Əliyevin rəhbərliyi altında fədakarlıq göstərmiş Müzəffər ordumuzun xalqımızın 30 illik Qarabağ həsrətinə son qoymalarından, qazanılmış tarixi qələbə zəfərindən qürurla danışıblar.

 

© Sputnik / Emin Alisahib
Mükafatlandırma mərasimi

Mükafatlandırma mərasimi ilə bağlı Vətən Müharibəsi Əlillərinə kömək İctimai Birliyinin icraçı direktoru Zamin Zeynal Sputnik Azərbaycan-a açıqlamasında bildirib ki, bu cür mənəvi dəstək ruhlu tədbiri reallaşdırmaqda əsas məqsəd Fövqəladə Hallar Nazirliyinin əməkdaşlarına mənəvi dəstək olmaqla yanaşı, vətəndaş həmrəyliyi nümayiş etdirməkdir:

“Əlbəttə ki, bu gün keçirilən toplantı da, görüş də, mükafatlandırma mərasimi də məhz bu yöndə həyata keçirilən fəaliyyətin bir nümunəsidir. Vətən müharibəsi əlillərinə kömək ictimai birliyi, adından da bəlli olduğu kimi, şəhid ailələrinə, qazilərə diqqət, qayğı yönündə fəaliyyət göstərən ictimai birliklərdən biridir. Biz çalışırıq ki, hər zaman bu istiqamətdə yeni uğurlu layihələr həyata keçirək”.

Zamin Zeynal onu da əlavə edib ki, Ağdamda icrasına başlanılan layihənin bundan sonra da davam etdirilməsi nəzərdə tutulub: “Birlik tərəfindən yaxın gələcəkdə 44 günlük Vətən müharibəsində erməni qəsbkarlarından torpaqlarımızın azad edilməsi ilə bağlı gedən döyüşlərdə fəal iştirak etmiş digər dövlət və özəl qurumların əməkdaşlarına diqqət, həmrəylik yönümündə bu cür mərasimlərin keçirilməsi nəzərdə tutulub”.

  • Müharibədə fədakarlıq göstərmiş FHN əməkdaşlarının mükafatlandırma mərasimi
    © Sputnik / Emin Alisahib
  • Müharibədə fədakarlıq göstərmiş FHN əməkdaşlarının mükafatlandırma mərasimi
    © Sputnik / Emin Alisahib
  • Müharibədə fədakarlıq göstərmiş FHN əməkdaşlarının mükafatlandırma mərasimi
    © Sputnik / Emin Alisahib
  • Müharibədə fədakarlıq göstərmiş FHN əməkdaşlarının mükafatlandırma mərasimi
    © Sputnik / Emin Alisahib
  • Müharibədə fədakarlıq göstərmiş FHN əməkdaşlarının mükafatlandırma mərasimi
    © Sputnik / Emin Alisahib
1 / 5
© Sputnik / Emin Alisahib
Müharibədə fədakarlıq göstərmiş FHN əməkdaşlarının mükafatlandırma mərasimi

FHN-in Qarabağ Regional Mərkəzinin operativ məlumat şöbəsinin rəisi, mayor Elnur Məhərrəmov Sputnik Azərbaycan-a müsahibəsində bildirib ki, 44 günlük Vətən müharibəsi dövründə mərkəzin bütün əməkdaşları fəal iştirak ediblər.

“44 günlük Vətən müharibəsində Fövqəladə Hallar Nazirliyinin Qarabağ regional mərkəzinin əməkdaşları öz üzərinə düşən vəzifələri layiqincə yerinə yetiriblər. Müharibə dövründə cəbhəboyu ərazidən təxliyə edilmiş insanların isti yeməklərlə və yataq dəstləri ilə təmin olunmasında mərkəzin bütün əməkdaşları fəal iştirak ediblər”.

© Sputnik / Emin Alisahib
FHN-nin Qarabağ Regional Mərkəzinin operativ məlumat şöbəsinin rəisi mayor Elnur Məhərrəmov

Müsahibimiz qeyd edib ki, bu gün aldıqları mükafat onların aldığı ilk mükafat deyil. “44 günlük müharibədə fəal iştirak etdiyimizə görə ilk olaraq Fövqəladə Hallar Nazirliyi tərəfindən və bu gün də Vətən Müharibəsi Əlillərinə Kömək İctimai Birliyi tərəfindən mərkəzin bütün şəxsi heyəti mükafatlandırıldı. Buna görə bütün səxsi heyət adından Vətən Müharibəsi Əlillərinə Kömək İctimai Birliyinə çox sağ ol deyirik ki, bizi yaddan çıxarmayıblar”.

İkinci Qarabağ müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq başlamış Azərbaycan Ordusunun əks-hücumu başlayıb.

Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizlənib.

Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

Həmçinin oxuyun:

Qarabağda irimiqyaslı bərpa işləri nə vaxt başlayacaq? - Rəhman Hacıyev danışır

Bərpa və quruculuq işləri Qarabağ bölgəsinin mənzərəsini kökündən dəyişəcək - Spiker

242
Пульт дистанционного управления телевизором

CBC teleradio şirkətində kadr dəyişiklikləri baş verib

30
(Yenilənib 00:09 31.07.2021)
Qarabağ regionunda yayımlanan CBC FM radiosunun baş redaktoru və bir sıra bölmələrə baş redaktorlar təyin edilib.

BAKI, 30 iyun - Sputnik. Dünyanın rus dilli informasiya məkanında teleradio yayımının inkişafı və son bir neçə ildə əldə olunmuş uğurların nəticəsi kimi CBC teleradio şirkətində bir sıra kadr dəyişiklikləri aparılıb.

Teleradio şirkətindən AZƏRTAC-a bildiriblər ki, Məmmədov Orxan Elşən oğlu Qarabağ regionunda yayımlanan CBC FM radiosunun baş redaktoru vəzifəsinə təyin olunub.

Bundan əlavə, Əliyeva Nigar Əli qızı telekanalın “İctimai siyasi verilişlər” bölməsinin baş redaktoru, Musazadə Elmira İlqar qızı “Müəllif verilişləri” bölməsinin baş redaktoru, Rzayev Sənan Məhəmməd oğlu redaktor-baş siyasi icmalçı, Lavrina Anastasiya Vitalyevna beynəlxalq münasibətlər üzrə ekspert – aparıcı, Cəbrayılov Həbib Mikayıl oğlu isə “Xarici dilli yayım” departamentinin baş rejissoru vəzifələrinə təyin ediliblər.

Telekanal barədə

CBC (Caspian Broadcasting Company) - 10 aprel 2013-cü il tarixində ATV International telekanalı əsasında yaradılaraq yayıma başlayan beynəlxalq televiziya kanalıdır.

Yarandığı bir neçə ay ərzində loqosu hər 7 saniyədən sonra "ATV Int." loqosuna çevrilirdi. 9 may 2014-cü il tarixindən etibarən ATV Plus kabel televiziyasında yayımlanır. 2015-ci ildə Futbol üzrə Azərbaycan çempionatı 2015/2016 mövsümünün yayım hüququnu əldə edib.

9 avqust 2015-ci il tarixində "Neftçi - Kəpəz" oyunu ilə yayıma start verib. Yayım Azərbaycan dilində həyata keçirilib. Həmçinin həmin gün "CBC Sport" adlı qardaş kanalı da yayıma başlayıb.

2020-ci ilin dekabrında Milli Televiziya və Radio Şurasının (MTRŞ) video formatda keçirilən iclasında “Caspian İnternational Broadcasting Company” MMC-nin regional televiziya yayımı lisenziyasının alınması üçün Milli Televiziya və Radio Şurasına müraciətinə baxılıb.

Azərbaycan həqiqətlərini müxtəlif dillərdə dünyaya çatdıran bir kanalın işğaldan azad olunmuş ərazilərdə yayımının təşkilinin xüsusi əhəmiyyətini və təxirəsalınmazlığını nəzərə alaraq Şura “Caspian İnternational Broadcasting Company” MMC-yə (CBC televiziya kanalı) Dağlıq Qarabağ və ətraf ərazilərdə yerüstü yayımın həyata keçirilməsi məqsədilə müddətsiz regional televiziya yayımı lisenziyasının verilməsi barədə qərar qəbul edib.

CBC özü haqqında

CBC telekanalı öz tamaşaçılarına hadisələrin obyektiv qiymətləndirməsini, əhatəli proqramlarını təqdim edir. Ən əsası isə, CBC bunu üç dildə - Azərbaycan, rus, və erməni dillərində edir.

Azərbaycanın ilk beynəlxalq televiziyası olan CBC yüksək enerji ilə start götürərək ölkəmizin uğurları, problem və nailiyyətləri haqqında bütün dünyaya məlumat çatdırmaqdadır. Telekanal fasiləsiz olaraq yayımlanır və yayım sahəsi Rusiyanın Avropa hissəsindən tutmuş Hindustan yarımadasına kimi, Balkan yarımadasından Çinin şərq sahillərinədək geniş ərazini əhatə edir.

CBC-nin üç redaksiyasının hər birində yayım dilinin xüsusiyyətlərinə uyğun olaraq xəbərlərin seçimində vahid sistem tətbiq olunur. Redaksiya siyasətimiz - hadisələrə qiymət vermədən, olay tərəflərinin hər birinin fikrini təqdim etməkdən ibarətdir. CBC-nin yaradıcı və texniki potensialı ən müxtəlif janrlarda keyfiyyətli və reytinqli proqramlar hazırlamağa imkan verir. Məqsədimiz – hər bir tamaşaçıya özünün şəxsi fikrini formalaşdıra bilmək üçün materialı cəld və keyfiyyətli surətdə təqdim etməkdir.

30
Türkiyənin Antalya əyalətində meşə yanğınları

Türkiyə alovlar içində: Yanğınlar lokallaşdırılsa da, mübarizə davam edir

1019
(Yenilənib 00:29 31.07.2021)
Türkiyənin kənd və meşə təsərrüfatı naziri Bekir Pakdemirli bildirib ki, hazırda 81 yanğın ocağından 70-i lokallaşdırılıb, Adana, Osmaniyə, Antalya, İzmir, Mersin, Muğlada yanğınlarla mübarizə davam edir.

BAKI, 30 iyul - Sputnik. Türkiyənin yanğınsöndürənləri 85 yanğın ocağından 74-nü lokallaşdıra biliblər. Sputnik Azərbaycan xəbər verir ki, bu barədə Türkiyənin kənd və meşə təsərrüfatı naziri Bekir Pakdemirli özünün "Twitter" səhifəsində yazıb.

O qeyd edib ki, hazırda 85 yanğın ocağından 74-ü lokallaşdırılıb, Adana, Osmaniyə, Antalya, İzmir, Mersin, Muğlada yanğınlarla mübarizə davam edir.

Nazirin sözlərinə görə, 11 yerdə yanğın davam edir. Yanğınla mübarizəyə 6 təyyarə, 9 pilotsuz uçuş aparatı (PUA), bir pilotsuz helikopter, 45 yanğınsöndürmə helikopteri, bir yanğınsöndürmə tankeri, 1 080 suçiləyici və 55 inşaat maşını, 4 mindən çox heyət cəlb edilib.

Meşələrin qəhrəmanlarının havadan və yerdən böyük sədaqətlə yanğınlarla mübarizə apardığını ifadə edən nazir dəstək göstərən hər kəsə minnətdarlığını bildirib.

Azərbaycanın yanğınsöndürənləri də Türkiyəyə köməyə gediblər

Azərbaycan Prezidentinin tapşırığına əsasən Fövqəladə Hallar Nazirliyinin yanğınsöndürmə qüvvələrinin əməkdaşları Türkiyəyə yola düşüb. Heyət AZAL-ın təyyarələri ilə Türkiyə Respublikasına yola salınıb.

Fövqəladə hallar nazirinin müavini Etibar Mirzəyev jurnalistlərə açıqlamasında bildirib ki, Azərbaycan Prezidentinin tapşırığına əsasən, nazirliyin 500 nəfərdən ibarət şəxsi heyəti, helikopterlər və digər lazımi avadanlıq və ləvazimatlar qısa zamanda qardaş Türkiyəyə çatdırılacaq.

E.Mirzəyevin sözlərinə görə, hazırda Azərbaycan Fövqəladə Hallar Nazirliyinin Dövlət Yanğından Mühafizə Xidmətinin 100 nəfər əməkdaşı Türkiyəyə yola düşür:

"Bildiyimiz kimi, bu gün Türkiyədə güclü yanğınlar müşahidə olunur. Azərbaycan Respublikasının Birinci vitse-prezidenti Mehriban xanım Əliyeva Türkiyədə baş verən yanğınlarda həlak olan şəxslərin yaxınlarına başsağlığı verib".

"Türkiyənin kədəri Azərbaycanın kədəridir", - deyən nazir müavini əlavə edib ki, Azərbaycandan iki helikopter və 500 nəfərdən artıq canlı qüvvə və 50-dən artıq texnika hazır vəziyyətdədir.

Türkiyədə yanğınlar 

Türkiyədə, Antalyanın Manavgat rayonunda Yeniköy məhəlləsinin yaxınlığındakı meşədə yanğın olub. İyulun 28-dən başlayan yanğın nəticəsində Manavqat rayonun mərkəzinə qədər yayılıb, bəzi yaşayış məntəqələri və iş yerləri yanaraq yararsız hala düşüb.

Ümumilikdə Türkiyənin Antalya əyalətində başlayan meşə yanğınları nəticəsində 3 nəfər həlak olub, 62 nəfər isə xəsarət alıb.

Yanğının söndürülməsinə 100-dən çox texnika, o cümlədən 2 təyyarə və 15 helikopter cəlb edilib.

Antalyadan başqa Türkiyənin Kayseri, Bodrum, Osmaniyə, Milas, Adana, Kütahya, Mersin, Dıdım, Kuşadası, Kocaeli bölgələrində də kütləvi surətdə meşa yanğınları baş verməkdədir. Türkiyə rəsmiləri hadisənini terror aktı olduğunu istisna etmirlər. 

Həmçinin oxuyun:

Azərbaycan yanğınsöndürənləri qardaş ölkənin harayına getdilər

* İlham Əliyev Rəcəb Tayyib Ərdoğana başsağlığı verib

* Mehriban Əliyevadan Türkiyəyə dəstək

* Çavuşoğlu Türkiyədəki yanğınlar barədə: "Saxlanılan şübhəlilər var"

1019