Ölü balıqlar, arxiv şəkli

Xəzərdə balıqların qırılaraq sahilə çıxmasının səbəbi bəlli oldu

4536
(Yenilənib 14:18 25.06.2021)
Xəzərdə qızılı kefal və sivriburun kefallar yaşayır. Onlar məhz isti havada suda oksigen çatışmazlığı üzündən tələf olublar.

Hövsanda Qumadası ərazisində balıqların ölmə səbəbi məlum olub. Su Hövzələrinin Bioloji Resurslarının Artırılması və Mühafizəsi Departamentinin direktor əvəzi Mehman Axundov Sputnik Azərbaycan-a açıqlamasında bildirib ki, balıqların ölmə səbəbi dəniz suyunun temperaturunun artması nəticəsində oksigen çatışmazlığının yaranmasıdır:

"İqlim dəyişiklikləri gedir. İstiləşmə daha intensivləşib. Bu proses əvvəl iyul-avqust aylarında baş verirdisə, bu il anomal istilər iyun ayından başlayıb. Bu gün sahilə çıxan ölü balıqlar əsasən kefal balıqlarıdır. Maydan-iyul aylarında onlar sahilə kürü tökməyə gəlir. Havanın temperaturunun yüksəlməsi nəticəsində suda oksigen çaltışmazlığı yaranıb. Hava küləkli olanda hava su ilə qarışır, bol oksigen yaranır. İsti havalara görə dəniz suyu durğundur. Nəticədə oksigen çatışmazlığı yaranır ki, bu da balıqların məhvi ilə sonuclanır", - deyə M.Axundov bildirib.

M.Axundov onu da deyib ki, bu proses dənizin müxtəlif yerlərdə də baş verə bilər. Onun sözlərinə görə, Bakı körfəzi kimi digər yerlərdə də balıqların ölməsi müşahidə oluna bilər.

AMEA-nın Zoologiya İnstitutunun aparıcı elmi işçisi, dosent, ixtioloq Süleyman Süleymanov Sputnik Azərbaycan-a açıqlamasında hazırda hadisə baş verən ərazidə olduğunu söyləyib. O, bildirib ki, araşdırma zamanı balıqların oksigen çatışmazlığından öldüyü üzə çıxıb:

"Son üç-dörd gündür dənizdə temperatur qalxdı. Dənizdə külək olanda oksigen yaranır. Bu gün sahildəki ölü balıqların 99 faizi kefal balıqlarıdır. Xəzərdə qızılı kefal və sivriburun kefallar yaşayır. Balıqlar məhz isti havada suda oksigen çatışmazlığı üzündən tələf olublar".

İxtioloq bu prosesin Xəzərin Qumadası hissəsində qeydə alınmasını isə belə əsaslandırıb: "Kənarda məhv olanları da külək gətirib sahilə çıxardıb. Bu hadisə Xəzərin digər ərazilərində də baş verir. Əvvəlki illərin iyul-avqust aylarında da bu cür hallar qeydə alınıb".

Qeyd edək ki, Hövsanda Qumadası ərazisində sahil ölü balıqlarla dolub. Bu barədə Facebook sosial şəbəkə istifadəçiləri video görüntülər paylaşıb. Paylaşımda bildirilir ki, ölü balıqların qoxusundan dənizə yaxın durmaq olmur:

"Burada hər gün onlarla balıqçılar yığışıb balıq tuturlar. Bu gün isə birdən-birə belə bir mənzərə yaranıb. Bunun səbəbi qısa zamanda araşdırılmalıdır. Böyük ehtimal gecəynən suya tok verilib, iri balıqlar yığılıb, qalanları qalıb. Ya da suya nəsə töküblər. Ekologiya və Təbii Sərvətlər Nazirliyi ən qısa zamanda sizdən açıqlama gözləyirik", - deyə sosial şəbəkə istifadəçiləri bildirib.

12:02

Hövsanda Qumadası ərazisində sahil ölü balıqlarla dolub. Bu barədə Facebook sosial şəbəkə istifadəçiləri video görüntülər paylaşıb. Paylaşımda bildirilir ki, ölü balıqların qoxusundan dənizə yaxın durmaq olmur:

"Burada hər gün onlarla balıqçılar yığışıb balıq tuturlar. Bu gün isə birdən-birə belə bir mənzərə yaranıb. Bunun səbəbi qısa zamanda araşdırılmalıdır. Böyük ehtimal gecəynən suya tok verilib, iri balıqlar yığılıb, qalanları qalıb. Ya da suya nəsə töküblər. Ekologiya və Təbii Sərvətlər Nazirliyi ən qısa zamanda sizdən açıqlama gözləyirik", - deyə sosial şəbəkə istifadəçiləri bildirib.

Sputnik Azərbaycan sahilə ölü balıqların çıxmasının səbəbini araşdırmaq məqsədilə Su Hövzələrinin Bioloji Resurslarının Artırılması və Mühafizəsi Departamentinin direktor əvəzi Mehman Axundovla əlaqə saxlayıb. M.Axundov sahilə ölü balıqların çıxmasından xəbərdar olduğunu, hazırda araşdırma aparmaq üçün həmin əraziyə getdiklərini bildirib. M.Axundov deyib ki, buna istilərin səbəb olduğu, yaxud oksigen çatışmazlığı üzündən baş verdiyi barədə indidən qəti fikir söyləmək olmaz:

"Biz indi həmin əraziyə gedirik. Orada balıqların ölməsinin səbəbini araşdıracağıq. Məsələ barədə mətbuata geniş açıqlama veriləcək".

Sputnik Azərbaycan-a açıqlama verən ekoloq Telman Zeynalov isə bildirib ki, belə hallar müxtəlif səbəbdən baş verə bilər:

"Birinci səbəb o ola bilər ki, suda oksigen qıtlığı yaransın. Suda oksigen qıtlığı isə elə-belə yaranmır. Atmosferlə suyun arasında əlaqə pozulur. Bildiyimiz kimi, hava isti olduqca suda buxarlanma gedir. Neftlə çirklənmiş suda isə buxarlanma prosesi getmir. Bu zaman hava ilə su arasında əlaqə pozulur. Amma bu tərəfdən də SOCAR iddia edir ki, dənizə neft axıdılmır".

T.Zeynalov onu da ehtimal edir ki, brakonyerlər balıq tutarkən suya elektrik veriblər. Yaxud da balıqlar hansısa zəhərli maddədən ölüb.

Ekoloq hesab edir ki, məsələni araşdırmadan dəqiq fikir söyləmək olmaz.

Xatırladaq ki, buna bənzər hadisə bir dəfə də baş verib. 2019-cu ilin iyul ayının 1-də Xəzərin Novxanı, Pirşağı, Bilgəh və sair ərazilərində sahilə xırda ölü balıqların çıxması müşahidə olunmuşdu. Çimərlik ərazisinə gedən paytaxt sakinləri ölü balıqların sahilə çıxmasını əks etdirən görüntüləri sosial şəbəkələrdə paylaşmışdılar.

4536
İvan Tixonov

On nəfərə bir qələbə: Azərbaycanlı idmançıların Tokioda ilk günü

12
Tokio Olimpiadasında ilk yarış gününün nəticələrinə görə, medal sıralamasında üç qızıl və bir bürünc medal qazanan Çin birincidir.

BAKI, 24 iyul - Sputnik. Tokio Yay Olimpiya Oyunlarının ilk yarış günü azərbaycanlı idmançılar üçün uğursuz keçdi. Sputnik Azərbaycan bildirir ki, onlardan yalnız biri uğurlu start götürə bilib.

Cüdo

İlk məyusedici xəbərlər cüdodan gəldi. Kəramət Hüseynov (60 kq) və Aişə Qurbanlı (48 kq) ilk pillələrdən yarışdan ayrıldılar. Hüseynov öncə britaniyalı Eşli Makkenzini udub, gürcü Luxumi Çxvmianiyə uduzdusa, Qurbanova elə ilk görüşündəcə Katarina Koştaya (Portuqaliya) məğlub oldu.

Veloyürüş

Vaxtından əvvəl yarışı dayandıranlardan biri də velosipedçi Elçin Əsədov oldu. 234 km-lik şosse yürüşünün, demək olar ki, yarısını keçəndən sonra yıxıldı. 

Güllə atıcılığı

Snayperimizi Ruslan Lunyov da uğursuzluğa düçar oldu. 10 metrlik məsafəyə pnevmatik tapançadan atəşdə 20-ci yerə düşərək finala çıxa bilmədi. Ancaq birinci gün çıxış edən idmançılarımızın çoxundan fərqli olaraq, Lunyov hələ Oyunlarda iştirakını yekunlaşdırmayıb - 25 m-lik məsafəyə xırda kaliberli tapançadan atəş yarışında da qüvvısini sınayacaq. 

Üzgüçülük

 

Üzgüçülərimiz Maksim Şemberev və Məryəm Şeyxəlizadəxangah Tokiodakı Olimpiadada uğursuz çıxış ediblər.

400 m məsafədə kompleks üzgüçülükdə çıxış edən Şemberev 4:19.40 dəqiqə nəticə ilə çıxışını yekunlaşdırıb. O, öz yarımqrupunda sonuncu - səkkizinci yer tutub. Ümumi sıralamada isə 29 iştirakçı arasında 26-cı ola bilib. Yarımfinala çıxa bilməyən Şemberev Olimpiadadakı işini yekunlaşdırıb.

Şemberev üçün bu, ikinci Olimpiadadır. 2012-ci ildə Londonda o, Ukrayna bayrağı altında çıxış edirdi.

100 m məsafədə batterflyay üsulu ilə yarışda Məryəm Şeyxəlizadəxangah finişə 1:01,37 dəqiqə nəticə ilə çataraq, üç nəfərdən ibarət yarımqrupda birinci olub. Yekun hesabda isə 33 yarışçı arasında 30-cu olub və o da Tokiodakı çıxışını bitirib.

 

Məryəmdən kimsə nəticə gözləmirdi, o, Beynəlxalq Federasiyanın kvotası ilə Olimpiadaya gəlib, Şemberev isə lisenziya normativini yerinə yetirmişdi və ən azı, onun yarımfinala çıxacağına ümid edirdik.

Boks

İdman həvəskarlarına ən böyük məyusluğu isə boks yarışları yaşatdı. Titullu idmançı, Riodakı 2016-cı il Olimpiadasının gümüş mükafatçısı Lorenso Sotomayordan (69 kq), heç olmasa, medallar uğrunda mübarizə gözlənilirdi, birinci dövrədən kənarda qalmaq yox. O isə 1/16 finalda Gürcüstan təmsilçisi Əsgərxan Madiyevə uduzdu. Görüşü üçüncü raundda Sotomayorun zədəsi səbəbindən (qanaxma) saxladılar, ancaq Azərbaycan yığmasının kubalı legioneri üçün qələbə ümidi heç yox idi də: ilk iki raundu o uduzmuşdu.

57 kq çəki dərəcəsində çıxış edən boksçumuz - Tayfur Əliyev növbəti mərhələyə adlamağa layiq idi. Çünki 1/16 mərhələdə Vyetnam təmsilçisi Duaonq Van Nquenə qarşı yaxşı döyüşürdü. Ancaq hakimlər mübahisəli qərar verərək qələbəni vyetnamlının adına yazdılar (2:3).

 

Boksçumuz Məhəmməd Abdullayev (91 kq çəki dərəcəsi) isə Azərbaycan təmsilçiləri arasında Tokiodakı Olimpiadada qələbə qazanan yeganə idmançı oldu. 1/16 finalda o, Bəhreyn təmsilçisi Denis Latipovla görüşündən 3:1 hesabı ilə qalib ayrıldı. Düzdür, püşkatmada onun heç bəxti gətirməyib: növbəti mərhələdə o, dünya çempionu, Özbəkistan təmsilçisi Bahodir Calolovla görüşəcək. Bu görüş iyulun 29-da olacaq.

İdman gimnastikası 

Təmsilçilərimizdən Tokiodakı ilk yarış günündə sonuncu çıxış edən isə idman gimnastı İvan Tixonov oldu. O, təsnifatda 45-ci yer tutaraq, adını finala yazdıran 24 nəfərin arasına düşə bilmədi.

Medal hesabı

Tokio Olimpiadasında ilk yarış gününün nəticələrinə görə, medal sıralamasında üç qızıl və bir bürünc medal qazanan Çin birincidir. İkinci yerdə Yaponiya ilə İtaliya qərarlaşıblar: hərəyə bir qızıl və bir gümüş medal. İlk onluğa həmçinin 4. Koreya (1, 0, 2), 5. Macarıstan, Kosovo, Tailand, Ekvador, İran (1, 0, 0), 10. Serbiya, Rusiya (0, 1, 1) daxildir.

12
Teqlər:
atıcılıq, gimnastika, cüdo, şosse velosipedi, üzgüçülük, boks, idmançılar, azərbaycanlı, Tokio Yay Olimpiya Oyunları

Təhsil naziri müəllimlərin imtahanı ilə bağlı söz verdi

10
Təhsil naziri əmin edib ki, araşdırmaların nəticəsinə əsasən növbəti 3 gün ərzində müvafiq qərarlar qəbul ediləcək və ictimaiyyətə açıqlanacaq.

BAKI, 24 - iyul - Sputnik. Azərbaycanın Təhsil naziri Emin Əmrullayev müəllimlərin işə qəbulu ilə əlaqədar keçirilmiş imtahanlardan narazılıqlara dair açıqlama verib.

"2021-2022-ci tədris ili üzrə müəllimlərin işə qəbulu imtahanlarında namizədlərə təqdim olunmuş test tapşırıqları haqqında sosial mediada yayılmış narazılıqlardan məlumatlıyıq. Bunları nəzərə alaraq, ekspert komissiyası tərəfindən test tapşırıqlarının müxtəlif seanslar üzrə müqayisəli elmi-statistik təhlili aparılacaq", - deyə nazir sosial şəbəkə hesabında qeyd edib.

O əmin edib ki, araşdırmaların nəticəsinə əsasən növbəti 3 gün ərzində müvafiq qərarlar qəbul ediləcək və ictimaiyyətə açıqlanacaq.

 

Qeyd edək ki, imtahanda iştirak edən müəllimlər sosial şəbəkələrdə xüsusilə ədəbiyyatdan verilən sualların məzmunundan, ümumilikdə isə suallar üçün az vaxt ayrılmasından şikayət ediblər.

Eləcə də oxuyun:

10
Teqlər:
imtahan, işə qəbul, müəllim, Emin Əmrullayev, təhsil naziri, təhsil