Şenol Günəş, arxiv şəkli

Türkiyə millisinin baş məşqçisi növbəti oyundan əvvəl futbolçulara xəbərdarlıq edib

21
(Yenilənib 16:46 14.06.2021)
Şenol Günəş yetirmələrini rahatlamamağa çağırıb və komandasının Türkiyə və qardaş Azərbaycanı sevindirəcəyinə ümidvar olduğunu deyib.

BAKI, 14 iyun — Sputnik. AVRO-2020 çərçivəsində Bakıda İsveçrə və Uels yığmaları arasında keçirilmiş oyun türk futbolçularının əhvalını yüksəldib. Sputnik Azərbaycan "Milliyyet" qəzetinə istinadən xəbər verir ki, bunu Türkiyənin futbol üzrə yığma komandasının baş məşqçisi Şenol Günəş deyib.

Ötən şənbə günü, iyunun 12-də Bakı Olimpiya Stadionunda, "A" qrupunda İsveçrə və Uels komandaları arasında keçirilən oyun 1:1 hesabı ilə başa çatıb. Bundan bir gün əvvəl isə Türkiyə millisi Romada İtaliya yığmasına 0:3 hesabı ilə məğlub olub.

Şenol Günəşin fikrincə, İsveçrə və Uels komandalarının oyundan sülhlə ayrılması onun komandasının qrup mərhələsini adlaması üçün yaxşı şans yaradıb.

"Amma mən yetirmələrimi xəbərdar etmək istəyirəm ki, qrupda yaranmış vəziyyət onları o qədər də rahatlatmasın. Vəziyyət dəyişib, ola bilər ki, qrup mərhələsini keçmək üçün bizə 4 xal bəs etsin. Lakin biz qarşıdakı iki oyunda qələbə qazanmalıyıq. Biz bütün Türkiyəni və qardaş Azərbaycanı sevindirməliyik. İnanıram ki, komandamız son iki oyunda uğur qazanacaq", - deyə Günəş bildirib.

Yeri gəlmişkən, Türkiyə millisinin dünən, iyunun 13-də "Bakcell Arena"da keçirilmiş ilk məşqinə Ağdamın "Qarabağ" klubunun baş məşqçisi Qurban Qurbanov baş çəkib. Şenol Günəş Qurbanova Türkiyə millisinin futbol köynəyini hədiyyə edib.

© Photo : TFF
ürkiyə millisinin dünən, iyunun 13-də "Bakcell Arena"da keçirilmiş ilk məşqinə Ağdamın "Qarabağ" klubunun baş məşqçisi Qurban Qurbanov baş çəkib

Türkiyə millisi AVRO-2020-də növbəti oyununu Bakı Olimpiya Stadionunda, iyunun 16-da Uels yığmasına qarşı keçirəcək. Elə həmin gün "A" qrupunun hazırkı lideri İtaliya millisi Romada İsveçrə yığmasını qəbul edəcək.

AVRO-2020 Bakı oyunları

Bakı Olimpiya Stadionunda ümumilikdə dörd oyunun keçirilməsi nəzərdə tutulub. "A" qrupunda İsveçrə-Uels oyunu artıq keçirilib. Bundan başqa daha üç oyun - Türkiyə-Uels (16 iyun), İsveçrə-Türkiyə (20 iyun) oyunlarının, iyulun 3-də isə AVRO-2020 ¼ final oyunlarından birinin keçirilməsi də nəzərdə tutulub.

21
Koronavirusa qarşı peyvənd vurulmasında dair sertifikat, arxiv şəkli

Azərbaycanda "Əks-göstəriş sertifikat"ı veriləcək

5
(Yenilənib 10:42 02.08.2021)
Vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi qaydalara riayət olunmalıdır.

 

BAKI, 2 avqust — Sputnik. "Azərbaycan Respublikasında "COVID-19 xəstəliyi əleyhinə 2021-2022-ci illər üçün Vaksinasiya Strategiyası"na uyğun olaraq ölkə üzrə peyvəndlənmə prosesi davam edir. Avqust ayının 9-dan etibarən ölkədə istifadəsinə icazə verilən vaksinlərə qarşı əks-göstərişləri olan şəxslərə "Əks-göstəriş sertifikat"ının verilməsinə başlanılır.

Sputnik Azərbaycan-ın xəbərinə görə, bu barədə Azərbaycan Respublikasının Səhiyyə Nazirliyi, İcbari Tibbi Sığorta üzrə Dövlət Agentliyi və Tibbi Ərazi Bölmələrini İdarəetmə Birliyinin birgə məlumatında belə deyilir.

Məlumatda qeyd olunur ki, "Əks-göstəriş sertifikat"ı almaq üçün ərazi üzrə poliklinikalara müraciət edilməlidir. Poliklinika həmin şəxslərin məlumatlarını Səhiyyə Nazirliyi tərəfindən yaradılmış xüsusi komissiyaya təqdim edəcək. Komissiyanın rəyi əsasında vətəndaşa "Əks-göstəriş sertifikat"ı veriləcək.

"Əks-göstərişləri olmayan vətəndaşların nəzərinə çatdırmaq istəyirik ki, dünyada və ölkəmizdə aparılan tədqiqatlardan əldə olunmuş nəticələrin təhlili bir daha göstərir ki, virusun yeni və sürətlə yayılan təhlükəli növlərindən qorunmağın ən effektiv yolu vaksinasiyadır.

Vaksinasiya ilə yanaşı, fiziki məsafənin saxlanılması, maskalardan istifadə və əl təmizliyi kimi qaydalara riayət olunmalıdır", - deəy məlumatda qeyd olunur.

Eləcə də oxuyun:

5
Teqlər:
vaksin, vaksinasiya, COVID-19 pasportu, sertifikat
Mövzu:
Azərbaycanda COVID-19 əleyhinə vaksinasiya
 Eldəniz Səlimov

Bu gün Milli Məclis Eldəniz Səlimovun işinə baxacaq

7
(Yenilənib 10:32 02.08.2021)
Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb.

BAKI, 2 avqust — Sputnik. Milli Məclisin İntizam Komissiyasının bu gün keçiriləcək iclasında deputat Eldəniz Səlimovun toxunulmazlığına xitam verilməsi məsələsinə baxılacaq.

Bu barədə Sputnik Azərbaycan-a Milli Məclisdən məlumat verilib. Məlumata görə, bu barədə Milli Məclisə təqdimat baş prokuror Kamran Əliyev tərəfindən daxil olub.

Rəsmi məlumata əsasən, iyulun 29-da saat 01 radələrində Xaçmaz şəhərində yerləşən "Starıy Dvor" restoranında Milli Məclisin deputatı Eldəniz Səlimov xidməti vəzifəsini yerinə yetirən polis əməkdaşına zor tətbiq edib. Daxili İşlər Nazirliyindən daxil olan material Baş Prokurorluqda araşdırılıb. Toplanan material üzrə Cinayət Məcəlləsinin 309.2-ci (vəzifə səlahiyyətlərini aşma) maddəsi ilə cinayət işi başlanıb və istintaqın aparılması Baş Prokurorluğun İstintaq İdarəsinə tapşırılıb. Milli Məclis sədri Sahibə Qafarova 53 deputatının tələbi ilə parlamentin növbədənkənar sessiyasının çağırılması haqqında sərəncam imzalayıb. Növbədənkənar sessiyanın gündəliyinə Azərbaycan Respublikası Milli Məclisinin deputatı Eldəniz Səlimovun toxunulmazlığına xitam verilməsi haqqında məsələ daxil edilib.

Qeyd edək ki, hazırda iş üzrə intensiv istintaq hərəkətləri aparılır.

Eləcə də oxuyun:

7
Teqlər:
deputat, Milli Məclis, komissiya, iclas, toxunulmazlıq