Ülviyyə Cabbarova

Azərbaycanlı xanım Finlandiyada vəzifəyə gətirildi

48
(Yenilənib 14:47 14.06.2021)
Finlandiya Sosial Demokrat Partiyasının üzvü olan Ülviyyə Cabbarovanın namizədliyi Uusimaa bölgəsinin Kirkkonummi icmasının bələdiyyə seçkilərində qeydə alınıb.

BAKI, 14 iyun — Sputnik. Finlandiyada yaşayan həmyerlimiz Ülviyyə Cabbarova bələdiyyə sədrinin müavini seçilib. Bu barədə o, özünün "Facebook" səhifəsində məlumat paylaşıb:

"Bələdiyyə seçkilərində Finlandiyanın Kirkkonummi şəhərinin bələdiyyə sədrinin müavini seçildim. Səs verən və dəstək olan hər kəsə çox təşəkkür edirəm. Səmimi qürur hissi keçirirəm və minnətdaram", - deyə o öz hesabında yazıb.

Qeyd edək ki, Ülviyyə Cabbarova 16 ildən çoxdur ki, ailəsi ilə birgə Finlandiyanın paytaxtı Helsinki şəhərində yaşayır. İxtisasca musiqiçi olan soydaşımız yerli məktəblərin birində müəllim kimi fəaliyyət göstərib, eyni zamanda, Azərbaycan musiqisini geniş təbliğ edib. Musiqi fəaliyyəti ilə yanaşı, Ülviyyə Cabbarova Finlandiyada Azər-Türk Gənclər Birliyinin rəhbəri kimi aktiv diaspor işi ilə də məşğul olur. 2019-cu ilin noyabrında yaradılmış Skandinaviya Azərbaycanlıları Koordinasiya Şurasının Finlandiya üzrə əlaqələndiricisi kimi fəaliyyət göstərir.

Ülviyyə Cabbarovanın namizədliyi Uusimaa bölgəsinin Kirkkonummi icmasının bələdiyyə seçkilərində qeydə alınıb. Seçkilərin 18 aprel tarixində keçirilməsi planlaşdırılsa da, koronavirus pandemiyası səbəbindən təxirə salınıb və 13 iyun tarixində baş tutub.

Həmyerlimiz yuxarıda sadalanan fəaliyyətlərlə yanaşı, həm də Finlandiya Sosial Demokrat Partiyasının üzvüdür. Bu ölkədə yaşadığı müddətdə o, Azərbaycan həqiqətlərinin, mədəniyyətinin və incəsənətinin təbliğinə yönəlmiş xüsusi fəaliyyəti ilə seçilib. Cabbarovanın bu fəaliyyəti ötən il ona Azərbaycan Respublikasının "Diaspor Fəaliyyətində Xidmətə görə" medalını qazandırıb.

48

Londonun su batmış küçələri

5
(Yenilənib 22:21 26.07.2021)
Böyük Britaniyanın paytaxtı son onillikdə ən güclü daşqınlardan biri ilə qarşılaşıb. Sputnik Azərbaycan-ın fotolentində Londonun təbii fəlakətlə necə mübarizə apardığını görə bilərsiniz.

Londonda bazar günü günortadan sonra güclü yağış yağıb.

Su basması ilə əlaqədar yol-nəqliyyat polisi tunellərin və yol qovşaqlarının bağlanması barədə məlumat yayıb.

Şəhər yanğın xidməti bazar günü daşqınla əlaqədar insidentlərlə bağlı 600-dən artıq zəng qəbul edib.

Londonda bir neçə saat ərzində aylıq yağıntı miqdarı düşüb, sel metro stansiyalarına doğru axaraq turniketlərin yanında burulğanlar yaradıb. Daşqın nəticəsində bazar ertəsi nəqliyyatın hərəkətində ciddi ləngimələr olub. 

Britaniyalılara uzunboğaz çəkmələrini şkaflardan çıxarmağı məsləhət görüblər. Sinoptiklərin proqnozlrına görə, yay ən azı üç həftəlik olmayacaq.

 

5
  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

  • © AFP 2021 / JUSTIN TALLIS

    Londonda su basmış küçə.

İl-76 təyyarəsi, arxiv şəkli

Rusiyada nüvə müharibəsi ehtimalı üçün "Məhşər günü təyyarəsi" yaradılacaq

13
Bu təyyarələr yerüstü və peyk infrastrukturunun düşmən tərəfindən sıradan çıxarıldığı təqdirdə ölkənin ali rəhbərliyinin təxliyəsi və qoşunların havadan idarə olunması üçün lazımdır

 

BAKI, 26 iyul — Sputnik. Voronejdə geniş gövdəli İl-96-400M təyyarəsi əsasında nüvə müharibəsi olduğu təqdirdə qoşunların idarə olunması üçün yeni uçuş aparatının yaradılmasına başlanıb.

Sputnik Azərbaycan Rusiya mediasına istinadən xəbər verir ki, bu cür "Məhşər günü təyyarələri" vaxtilə İl-86 sərnişin təyyarələrinin əsasında hazırlanmış və hazırda istifadədə olan İl-80 təyyarələrini əvəz edəcək.

İl-96-400M laynerlərinin uçuş məsafəsi əvvəlki versiya ilə müqayisədə iki dəfə artırılacaq. Ümumilikdə Rusiya ordusunun sərəncamına "Zveno-3S" layihəsi çərçivəsində iki ədəd bu cür hava komanda məntəqəsi təhvil veriləcək.

Təyyarədə istifadə olunacaq radiorabitə kompleksi altı min kilometr radiusda əmrləri yerüstü və sualtı raket atəşi qurğularına ötürməyə imkan verəcək.

Bu təyyarələr yerüstü və peyk infrastrukturunun düşmən tərəfindən sıradan çıxarıldığı təqdirdə ölkənin ali rəhbərliyinin təxliyəsi və qoşunların havadan idarə olunması üçün lazımdır.

13