Türkiyə Prezidenti Rəcəb Tayyib Ərdoğan Bakıda paradda, arxiv şəkli

Ərdoğanın səfəri ilə bağlı Milli Məclisin xüsusi iclasının keçirilməsi gözlənilir

801
(Yenilənib 13:19 14.06.2021)
Türkiyə prezidenti Rəcəb Tayyib Ərdoğanın Azərbaycan parlamentinə gəlib-gəlməyəcəyi Şuşaya səfərindən sonra məlum olacaq, amma deputatlar hər ehtimala qarşı testdən keçiriləcəklər.

BAKI, 14 iyun — Sputnik. Türkiyə Prezidenti Rəcəb Tayyib Ərdoğanın Azərbaycana səfəri çərçivəsində Milli Məclisdə çıxış etməsi mümkündür. Çünki Ərdoğan adətən Azərbaycana səfərə gələndə parlamentdə çıxış edir. Amma bu, hələ dəqiqləşməyib. Bunu Sputnik Azərbaycan-a açıqlamasında millət vəkili Fazil Mustafa deyib.

Deputat bildirib ki, Rəcəb Tayyib Ərdoğanın səfəri ilə bağlı Milli Məclisin xüsusi iclasının keçirilməsi gözlənilir. Ərdoğanın parlamentə gəlməsi mümkündür, lakin bu, hələlik bilinmir. Bu məsələ Ərdoğanın Şuşaya səfərindən sonra bəlli olacaq.

"Ərdoğanın Azərbaycan parlamentinin iclasında iştirakı ilə əlaqədar deputatların koronavirus testindən keçəcəyi barədə məlumat var. Bu nə dərəcədə doğrudur?" sualına isə deputat belə cavab verib: "Milli Məclisin deputatları vaxtaşırı testdən keçirlər. İstənilən tədbirlə bağlı əvvəlcədən test veririk".

Qeyd edək ki, Milli Məclisdəki mənbələr iyunun 15-də deputatların koronavirusla əlaqədar tibbi test yoxlanışından keçəcəyini bildiriblər.

Ərdoğanın gözlənilən Şuşa səfəri

Türkiyə Prezidenti Rəcəb Tayyib Ərdoğan iyunun 15-16-da Azərbaycana səfər edəcək. Səfər zamanı o, azərbaycanlı həmkarı İlham Əliyevlə görüşəcək, Şuşaya səfər edəcək və AVRO 2020 çərçivəsində Türkiyə - Uels oyununa baxacaq.

Türkiyə Prezidenti Rəcəb Tayyib Ərdoğan Ədalət və İnkişaf Partiyasının (AKP) qrup iclasında çıxışı zamanı deyib ki, Brüssel səfərindən sonra Bakıya gedərək İlham Əliyevin qonağı olacaq. Oradan Şuşaya gedəcək.

"İşğaldan azad edilən ərazilərdən biri olan Şuşaya ailəvi gedərək, həm rəsmi görüşlər, həm də müxtəlif ziyarətlər gercəkləşdirəcəyik. Dost və qardaş Azərbaycanın işğal altında olan torpaqlarının ölkəmizin dəstəyi ilə azad edilməsi Ermənistan başda olmaqla bölgədəki bütün tərəflərə yeni dönəmin qapılarını açma şansı verib. İstəyimiz bu şansın əldən verilməməsi, regional sabitlik və sülh üçün ən yaxşı şəkildə dəyərləndirilməsidir. İyunun 16-da Bakıda hərbçilərimizlə görüşəcəyik. Axşam saatlarında isə AVRO 2020 çərçivəsində Türkiyə - Uels oyununa baxacağam", - deyə Türkiyə lideri qeyd edib.

Həmçinin oxuyun: 

* Ərdoğan Şuşaya gəlir - VİDEO

* Ərdoğanın səfəri zamanı Şuşada məktəbin təməli qoyulacaq

Türkiyə naziri: "Ərdoğan qarşıdakı həftələrdə Azərbaycana səfər edəcək"

Ərdoğan Şuşaya gəlir: Bakının səfər gözləntiləri

801
Mövzu:
Ərdoğanın Azərbaycana, Şuşaya səfəri (18)
Şəhriyar Məmmədyarov

Şəhriyar Məmmədyarov Levon Aronyan yenidən eyni turnirdə oynayacaqlar

3
Yüz min ABŞ dolları mükafat fondu olan “Chessable Masters” turniri iyulun 31-də start götürəcək.

BAKI, 29 iyul — Sputnik. Azərbaycanın aparıcı şahmatçısı planetin ən gənc qrossmeysterinin də yarışacağı, mükafat fondu yüz min dollar olan onlayn turnirdə iştirak edəcək.

Azərbaycanlı qrossmeyster Şəhriyar Məmmədyarov yenidən Ermənistan şahmatçısı Levon Aronyanla bir lövhə arxasına əyləşəcək. Sputnik Azərbaycan xəbər verir ki, adı çəkilən şahmatçılar hazırkı dünya çempionu Maqnus Karlsenin təşəbbüsü ilə təşkil olunmuş "Champions Chess Tour"-un növbəti turniri çərçivəsində qarşılaşacaqlar.

Yüz min dollar mükafat fondu olan “Chessable Masters” turniri iyulun 31-də başlayacaq.

Son dəfə Azərbaycan və Ermənistanlı şahmatçılar Zaqrebdə (Xorvatiya) Grand Chess Tour yarışmasında klassik şahmat üzrə əyani turnir çərçivəsində qarşılaşıblar. Həmin turnirdə Məmmədyarov nəinki Aronyanı məbluğ edib, həmçinin turnirin qalibi olub.

“Chessable Masters”-in iştirakçıları

Məmmədyarov və Aronyandan başqa, turnirin digər iştirakçıları arasında Xikaru Nakamura və Uesli So, rusiyalı Vladislava Artyomyeva, tarixin ən gənc qrossmeysteri 12 yaşlı Abximanyu Mişra (ondan əvvəl dünyanın ən gənc qrossmeyster adını rusiyalı Sergey Karyakin daşıyırdı), qadınlar arasında dünya çempionu Yuy Venyun və planetin digər ən güclü şahmatçılarını da qeyd etmək olar. Ümumilikdə turnirdə 16 şahmatçı iştirak edəcək.

Azərbaycan şahmatçıları çempionlar turunda

Çempionlar turunda Şəhriyar Məmmədyarov 21 xalla 11-ci yerdədir. Öz növbəsində “Chessable Masters”-də oynamayan digər azərbaycanlı qrossmeyster Teymur Rəcəbli 133 xal toplayaraq üçüncü yeri qazanıb və seriyanın final turnirinə vəsiqə alıb.

291 xalla dünya çempionu Maqnus Karlsen liderdir, ikinci yeri isə 207 xal toplayan Uesli So tutur.

3
 Azərbaycan Respublikasının Baş Prokurorluğu

Prokurorluq atılan yenidoğulmuşla bağlı araşdırma apardı - Nəticələr var

7
Ana ilə profilaktik söhbətlər aparılıb, ana yeni doğulmuş uşağı ilə birlikdə Bərdə rayon Mərkəzi Xəstəxanasına yerləşdirilib

BAKI, 29 iyul — Sputnik. Ağcabədi rayonunda tapılmış yeni doğulmuş körpə ilə bağlı prokurorluq tərəfindən zəruri tədbirlər görülüb. Bu barədə Baş Prokurorluqdan Sputnik Azərbaycan-a verilən məlumatda bildirilib.  

Ağcabədi rayon prokurorluğu və rayon polis şöbəsinin əməkdaşlarının əlaqəli fəaliyyəti nəticəsində körpənin anası - Bərdə rayon sakini müəyyən edilib, onunla profilaktik söhbətlər aparılıb, ana yeni doğulmuş uşağı ilə birlikdə Bərdə rayon Mərkəzi Xəstəxanasına yerləşdirilib.

Eyni zamanda, Baş Prokurorluğun Cinayət təqibindən kənar icraatlar idarəsi tərəfindən ana və övladı nəzarətdə saxlanılaraq, sosial təhlükə vəziyyətinin aydınlaşdırılması, valideynlik hüquqlarının məhdudlaşdırılması üçün əsasların olub-olmamasının müəyyən edilməsi məqsədilə ananın yaşadığı yer üzrə Bərdə rayon İcra Hakimiyyəti yanında Qəyyumluq və Himayəçilik Komissiyasına müraciət edilib.

Qeyd edək ki, bir neçə gün öncə kütləvi informasiya vasitələrində və sosial media səhifələrində 22 iyul 2021-ci il tarixdə Ağcabədi rayonu, Hindarx qəsəbəsinin ərazisində yerləşən “Şəhidlər Xiyabanı”nın qarşısında sellofan torbada yeni doğulmuş körpənin tapılması ilə bağlı məlumat paylaşılmışdı.

Xatırladaq ki, bu ay ərzində bir neçə belə hal aşkarlanıb. Belə ki, bundan öncə Sumqayıtda və Ucarda da yenidoğulmuş körpələr küçəyə atılmış vəziyyətdə aşkarlanıblar.

Həmçinin oxuyun:

Yeni doğulmuş körpəni Şəhidlər xiyabanına atdılar

Yeni doğulan körpələrinizi mütləq eşitmə testindən keçirin, sonra gec ola bilər

Rusiyada yeni doğulanların sayı 25% azalıb

7