21 nömrəli məktəbdə Son zəng tədbiri

Paytaxt məktəbləri bu gün: Pandemiya dövrünün ilk "Son zəng"indən reportaj

1607
(Yenilənib 13:46 14.06.2021)
Bu gün Azərbaycanın hər yerində "Son zəng" tədbirləri keçirilib, Təhsil naziri özü isə "Məzun Günü"nü region məktəblərinin birində qeyd edib.

BAKI, 14 iyun — Sputnik. Bu gün Azərbaycanın ümumi təhsil müəssisələrində “Son zəng” tədbirləri keçirilir. Təhsil Nazirliyinin təlimatına görə, “Son zəng” tədbiri ümumi təhsil müəssisələrinin həyətyanı ərazisində sosial məsafə gözlənilməklə açıq hava şəraitində bir saatdan artıq olmamaqla keçirilməlidir. 11-ci sinif şagirdlərinin sayı 100 nəfərdən çox olan ümumi təhsil müəssisələrində iki mərhələdə günün müxtəlif vaxtlarında təşkil edilməlidir. Tədbirin qapalı məkanlarda (akt zalları, idman zalları, sinif otaqları, məktəbin foyesi və s.) təşkil edilməsinə və tədbirdə valideynlərin iştirakına icazə verilmir.

Bu gün Azərbaycanın Təhsil naziri Emil Əmrullayev özü də şəxsən "Son zəng" tədbirində iştirak edib. Ö, bu barədə Facebook səhifəsində paylaşım edib.  

"Bu gün "Son zəng"i Goranboy rayonu Tapqaraqoyunlu kənd tam orta məktəbində qarşılayırıq. 1993-cü ildən Azərbaycanın Milli Qəhrəmanı, məktəbin məzunu, şəhid Niyazi Aslanovun adını daşıyan məktəb hər iki Qarabağ müharibəsi zamanı daim atəşə məruz qalıb. Neçə-neçə uğurlu məzun yetişdirən bu məktəbi daha 21 şagird bitirir. Məzunlarımız “Son zəng”i Qələbə sevinci ilə yola salırlar", - deyə nazir bildirib.

O, təbiət qoynunda keçirilən tədbirdən maraqlı fotolar da paylaşıb. 

Sputnik Azərbaycan-ın əməkdaşı Zülfiyyə Quluyeva isə pandemiya dövrünün ilk "Son zəng"inin necə baş tutduğunu öyrənmək üçün paytaxtdakı məktəblərə üz tutub. Onun hazırladığı reportajı təqdim edirik:

© Sputnik / Zulfiyya Guluyeva
Ən son "Son zəng" tədbiri məktəblərdə 2018-2019-cu tədris ilində keçirilib.

Yolumuzu Bakının Yasamal rayonu 21 saylı məktəbindən salırıq. Bu dəfə valideynlər məktəbdə keçirilən “Son zəng” tədbirini məktəbin həyətinin giriş qapısından izləyirdilər. Məktəbin həyətinin giriş qapısında isə iki polis əməkdaşı növbə çəkirdi. Övladı məzun olan valideynlərin məzunların sevincinə şahidlik etmək üçün tədbiri ayaq üstə, məktəbin həyətinə daxil olmadan kənardan seyr etməsinə isti hava da mane ola bilməmişdi. 21 saylı məktəbin həyətində isə əsl toy-bayram əhval-ruhiyyəsi vardı. Sinif yoldaşının köynəyinə ürək sözlərini yazan kim, müəlliməsini qucaqlayıb ağlayan kim...

Məktəbdə ingilis dilini tədris edən Məlahət Məmmədova da hisslərini cilovlaya bilmirdi. Şagirdlərini bağrına basaraq onlara xeyir-dua verən Məlahət müəllimə hər il bu hissləri yaşadığını söyləyir. 32 ildir məktəbdə müəllimə işləyən M.Məmmədova bildirir ki, 11 a sinif şagirdlərinin hər biri ona öz balası qədər doğmadır: "Mənim üçün onlardan ayrılmaq çox çətindir. Hər il Məzun Günü mən öz balalarım qədər sevdiyim şagirdlərimdən ayrılanda göz yaşlarımı saxlaya bilmirəm".

© Sputnik / Zulfiyya Guluyeva
2020-2021-ci tədris ilində respublikanın ümumtəhsil məktəblərinin XI siniflərini 84069 nəfər şagird bitirir.

Mənsurə Məmmədova isə Məlahət müəlliməsini heç zaman unutmayacağını söyləyir: "Məlahət müəllimə bizə ana qədər doğma olub. Bu gün məktəbi bitirmək mənə öz anamdan ayrılmaq qədər çətindir", - deyə məzun bildirir.

Bakı şəhər 21 nömrəli tam orta məktəbin direktoru Rəna Ağazadə isə bildirdi ki, bu il məktəbi 42 nəfər məzun bitirir.  R.Ağazadənin sözlərinə görə, məktəbdə iki buraxılış sinifi var. Onların içərisində buraxılış imtahanlarında naliyyətləri yüksək olan 7 nəfər şagird 200 baldan yuxarı bal toplayıb. Direktor bildirdi ki, pandemiyaya görə “Son zəng” tədbiri məktəbin həyətində keçirilir. Pandemiya qaydalarına əməl edilməsinə görə nəzarətçilər ayrılıb. Eyni zamanda pandemiya qaydalarının pozulmaması, məktəbin həyətinə valideynlərin, kənar şəxslərin daxil olmaması üçün polislər tərəfindən nəzarət tədbirləri həyata keçirilir.

© Sputnik / Zulfiyya Guluyeva
Bakı şəhər 21 nömrəli tam orta məktəbin direktoru Rəna Ağazadə

21 saylı məktəbin 11 b sinif rəhbəri Fidan Ağasıyeva isə “Son zəng” günü nə qədər özünü ələ almağa çalışsa da, ağladığını söyləyir: "Mənim sinfimdə dəcəl şagirdlər çox idi. Amma bununla belə onlardan ayrılmaq bir müəllim kimi məni kədərləndirir", - deyir F.Ağasıyeva.

Amin Mehralıyev də bu gün məktəbi başa vuraraq yeni həyata atılmasına sevinsə də, məktəbdən ayrılmağına kədərləndiyini gizlətmir. Deyir ki, bu hissi ancaq yaşayanlar bilər.

  • 21 saylı məktəbin 11 b sinif rəhbəri Fidan Ağasıyeva məktəblilərlə
    © Sputnik / Zulfiyya Guluyeva
  • 21 nömrəli məktəbdə "Son zəng" tədbiri
    © Sputnik / Zulfiyya Guluyeva
  • 21 nömrəli məktəbdə "Son zəng" tədbiri
    © Sputnik / Zulfiyya Guluyeva
1 / 3
© Sputnik / Zulfiyya Guluyeva
21 saylı məktəbin 11 b sinif rəhbəri Fidan Ağasıyeva məktəblilərlə

“Son zəng” ənənəsinə uyğun  olaraq sinif yoldaşının köynəyinə ürək sözlərini yazan məzunlar isə pandemiya dövründə bu tədbirin keçirilməsinə icazə verildiyi üçün ürəkdən sevindiklərini söyləyirlər. Aytac adlı məzun deyir ki, “Son zəng” hər bir məzunun həyatında bir dəfə baş verdiyi üçün bu günü qeyd etmək mütləqdir: "Keçən il pandemiyaya görə “Son zəng” tədbirinə icazə vermədilər. Amma bu il sağ olsunlar ki, məzunlara məktəblə vidalaşmağa fürsət yaratdılar. Buna görə cənab nazirimiz Emin Əmrullayevə təşəkkür edirəm. Nazir bununla bizə imtahan ərəfəsi böyük ruh yüksəkliyi bəxş etmiş oldu. İmtahan stresimiz bu tədbirlə xeyli azaldı".

Digər məzunlar da pandemiya dövründə “Son zəng” tədbirinin keçirilməsinə icazə verildiyinə görə sevindiklərini bildirdilər. Onların sözlərinə görə, məktəbdən kənar “Son zəng” tədbiri keçirməyi nəzərdə tutmurlar.

© Sputnik / Zulfiyya Guluyeva
21 nömrəli məktəbdə "Son zəng" tədbiri

“Son zəng” tədbirində 1-ci siniflərin iştirakı nəzərdə tutulmasa da, "Son zəng"i vurmaq üçün bir neçə 1-ci sinif şagirdi tədbirə qatılmışdı.

Qeyd edək ki, 2020-2021-ci tədris ilində respublikanın ümumtəhsil məktəblərinin XI siniflərini 84069 nəfər şagird bitirir. Təhsil Nazirliyindən Sputnik Azərbaycan-a bildirilib ki, onlardan 38461 nəfəri qız, 45608 nəfəri oğlandır. 2020-2021-ci tədris ilində respublika üzrə ümumtəhsil məktəbində fəaliyyət göstərən 6110 məktəbəhazırlıq qrupunu 106580 nəfər uşaq başa vurub. 2021-2022-ci tədris ilində respublika üzrə 158608 uşağın I sinifdə təhsil alacağı proqnozlaşdırılır.

© Sputnik / Zulfiyya Guluyeva
21 nömrəli məktəbdə "Son zəng" tədbiri

Xatırladaq ki, ötən tədris ili orta ümumtəhsil müəssisələrini 84600 şagird bitirib. Ən son "Son zəng" tədbiri məktəblərdə 2018-2019-cu tədris ilində keçirilib. 2020-ci ildə "Son zəng" tədbiri onlayn baş tutub. Onu da qeyd edək ki, pandemiyadan əvvəl məktəblərdə "Son zəng" tədbirləri böyük coşqu ilə keçirilirdi. Bu tədbirlərdə nəinki 1-ci və 11-ci sinfin şagirdlərinin valideynləri, eləcə də qonaqlar, müğənnilər iştirak edirdilər. Bu il isə "Son zəng" tədbiri məktəb rəhbərliyi, sinif rəhbərləri və məzunların iştirakı ilə baş tutdu".

Bu il "Son zəng"də ürəkdə tutulan arzular da təkcə təhsillə bağlı deyildi. Məzunlar bu son zəngin həm də pandemiya üçün çalındığını, koronavirusun həyatımızdan çıxmasını arzu etdiklərini bildirdilər. Onlar yeni həyata məhdudiyyətlərsiz, azad, sərbəst, bütün əyləncələri yaşayaraq atılmaq istədiklərini dilə gətirdilər. Biz isə məzunlara ali məktəbə qəbul və həyat imtahanından uğurla çıxmağı arzulayaraq məktəbi tərk etdik...

1607
Футбольный мяч. Архивное фото

Konfrans Liqası: Azərbaycanın iki klubu mübarizəni dayandırdı, biri isə mərhələni keçdi

14
(Yenilənib 23:03 29.07.2021)
Azərbaycanın "Sumqayıt" və "Keşlə" futbol klubları UEFA Konfrans Liqası ilə vidalaşmalı olublar.

BAKI, 29 iyul - Sputnik. “Qarabağ” (Ağdam) klubu avrokuboklarda növbəti oyununu keçirib.

Apasport.az saytının məlumatına görə, Ağdam klubu Konfrans Liqasında mərhələ adlayan ilk Azərbaycan klubu kimi tarixə düşüb.

II təsnifat mərhələsindən mübarizəyə başlayan Qurban Qurbanovun yetirmələri “Aşdod” səddini adlayıb. Evdə qolsuz heç-heçə edən Premyer Liqanın vitse-çempionu İsraildəki qələbə ilə tur adlayıb.

“Qarabağ” bu qələbəni erkən qol sayəsində qazanıb. Filip Ozobiçin 6-cı dəqiqədəki qolu komandaya mərhələ adlamaq imkanı verib.

"Sumqayıt" və "Keşlə" də UEFA Konfrans Liqasının II təsnifat mərhələsində cavab oyununa çıxıb.

"Report"un məlumatına görə, Sənan Qurbanovun baş məşqçi olduğu paxtaxt təmsilçisi Rusiyanın "Soçi" klubunu qəbul edib.

"ASK Arena"da keçirilmiş qarşılaşmada qonaqlar 4:2 hesabı ilə qələbə qazanıb. 21-ci dəqiqədə rəqibin heyətində Marko Duqandziç hesabı açıb. 35-ci dəqiqədə "Keşlə"nin braziliyalı legioneri Felipe Santos bərabərlik qolunu vurub. Bundan 3 dəqiqə sonra Nikita Burmistrov "Soçi"ni yenidən önə keçirib.

İlk hissə bu hesabla yekunlaşıb. İkinci yarının əvvəlində paytaxt təmsilçisi hesabı bərabərləşdirməyə müvəffəq olub. 52-ci dəqiqədə Rəhman Hacıyev topu rəqib qapısından keçirib. Danila Proxin 70-ci dəqiqədə meydan sahiblərini növbəti dəfə mərkəzə dəvət edib. Duqandziç 82-ci dəqiqədə özünün ikinci, komandasının isə 4-cü qoluna imza atıb. Rusiyadakı matçda rəqibinə 0:3 hesabı ilə uduzan "Keşlə" Konfrans Liqası ilə vidalaşıb.

"Sumqayıt" "Kapital Bank Arena"da Serbiyanın "Çukariçki" komandası ilə üz-üzə gəlib. Görüş "gənclik şəhəri" təmsilçisi üçün yaxşı başlamayıb. 10-cu dəqiqədə Belqrad klubunun heyətində İbrahima Ndiaye hesabı açıb. 6 dəqiqə sonra isə Marko Dotsiç penaltidən fərqlənməklə meydan sahibini növbəti dəfə məyus edib. Oyunda başqa qol vurulmayıb. Serbiyada rəqibi ilə qolsuz heç-heçə edən "Sumqayıt" da Konfrans Liqası ilə vidalaşmalı olub.

14

Olimpiya ümidləri: azərbaycanlı idmançılardan kim Tokioda medal qazana bilər

19
  • Mariya Stadnik
  • Mariya Stadnik
  • Азербайджанский борец вольного стиля Гаджи Алиев
  • Азербайджанский борец вольного стиля Гаджи Алиев
  • Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.
  • Шариф Шарифов, фото из архива
  • Karate üzrə qadınlardan ibarət Azərbaycan milli komandasının üzvü İrina Zaretska, arxiv şəkli
  • Azərbaycanın yunan-roma güləşçisi İslam Abbasov
Azərbaycanlı idman həvəskarları səbirsizliklə güləş və karate üzrə yarışları gözləyir və Olimpiya oyunlarında medal qazanmaq ümidlərini onlarla bağlayırlar

 

Azərbaycan idmançılarının Tokio Olimpiadasında uğursuz çıxışı fonunda idmançılarımızın medal qazanmasına ümidlər də əriyir. Buna baxmayaraq, Azərbaycanın Olimpiya yığmasında hələ də Tokioda mükafat qazanmağa qadir olan atletlər var.

Cüdo idman növündə Olimpiya medalını idmançımız İrina Kindzerskaya qazanmağa qadirdir (78 kq-dan yuxarı çəkidə). İdmançımız uzun müddətdir ki, dünya reytinqində aparıcı yerlərdən birini tutur və mütəmadi olaraq "Böyük dəbilqə" turnirlərində medallar qazanır.

Sözsüz ki, Olimpiya medallarına güləş yarışlarında da ümid etmək olar. Yeri gəlmişkən, müstəqil Azərbaycanın tarixində hələ elə bir Olimpiada olmayıb ki, oradan Azərbaycan güləşçiləri medalsız qayıtsınlar.

İlk növbədə ən çox titulu olan idmançımız Mariya Stadnikin mükafat qazanacağını gözləyirik (50 kq), həm də, sadəcə medal deyil, məhz qızıl medal.

Olimpiya oyunlarının üçqat mükafatçısı, ikiqat dünya çempionu və səkkiz dəfə Avropa çempionu olan Stadnik öz çəki dərəcəsində əsas favoritdir və ona yalnız son iki Olimpiadanın finalında məğlub olduğu yapon güləşçiləri mane ola bilərlər.

Kişilər arasında sərbəst güləş yarışlarında ümidlərimiz üçqat Dünya və Avropa çempionu Hacı Əliyevlə bağlıdır (65 kq). İdmançımız öz çəki dərəcəsində ənənəvi olaraq favoritdir. Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.

Daha bir sərbəst güləş ustamız Şərif Şərifovun da yaxşı şansları var (97 kq). 2012-ci il London Olimpiadasında qalib olan idmançı 2016-cı il Rio Oyunlarında bürünc medallara sahib olub. Əgər ilkin mərhələdə idmançımız dördqat dünya çempionu Abdulrəşid Sadullayevlə (Rusiya) qarşılaşmazsa, o zaman şansı daha yüksək olacaq.

Tokio Olimpiadasında azərbaycanlı karate ustaları da özlərini göstərə bilərlər. Söhbət Rafael Ağayev (75 kq) və İrina Zaretskadan gedir (61 kq-dan yuxarı).

Rafael Ağayev bütün dünyada məşhur karateçidir, beş dəfə dünya birinciliyində, dəfələrlə "Premyer liqa" turnirlərində qalib olub. Ağayevin qarşısında duran əsas problem onun yaşı ola bilər – onun 36 yaşı var. Lakin buna baxmayaraq, idmançı əla formadadır.

İrina Zaretskanın hesabında dünya, Avropa çempionatlarında, habelə "Premyer liqa" turnirlərində qələbələr var və o, dünya reytinqində liderdir.

Bunlardan əlavə, digər idmançılarımızın da Tokio Olimpiadasında özlərini göstərərək medal qazanacaqlarını istisna etmək olmaz.

18 azərbaycanlı atlet evə qayıdır

Artıq 18 idmançımız Tokio Olimpiya oyunlarında heç bir mükafat əldə etmədən çıxışlarını başa vurub. Bunlar – taekvondoçular Fəridə Əzizova (67 kq) və Milad Beiqi Harçeqani (80 kq), qılıncoynadan Anna Başta, cüdoçular Kəramət Hüseynov (60 kq), Orxan Səfərov (66 kq), Rüstəm Orucov (73 kq), Murad Fətiyev (81 kq) və Aişə Qurbanlı (48 kq), boksçular Tayfur Əliyev (57 kq) və Lorenso Sotomayor (69 kq), üzgüçülər Maksim Şemberov və Məryəm Şeyxəlizadəxangah, gimnastlar İvan Tixonov və Marina Nekrasova, velosipedçi Elçin Əsədov, atıcı Emin Cəfərov və çoxnövçü Rostislav Pevtsovdur.

Azərbaycan Tokio-2020-də

Tokioda Yay Olimpiya Oyunları iyulun 23-dən avqustun 8-nə kimi keçirilir.

Tokio Yay Olimpiadasında ölkəmizi 44 idmançı təmsil edir. Onlar 40 lisenziya qazanaraq 14 idman növündə - cüdo, güləş, bədii gimnastika, idman gimnastikası, karate, boks, taekvondo, yüngül atletika, güllə atıcılığı, qılıncoynatma, veloidman, badminton, üzgüçülük və triatlonda - çıxış edirlər.

Azərbaycan üçün bu, 2004-cü ildə Afinada keçirilən Olimpiya Oyunlarından bəri ən az sayda Olimpiya lisenziyasıdır, o vaxt idmançılarımız 38 lisenziya qazanmışdılar.

2008-ci ildə Pekində azərbaycanlı idmançılar 44, 2012-ci ildə Londonda 53, 2016-cı ildə Rio-de Janeyroda 56 lisenziya qazanıblar. 1996-cı ildən bəri olimpiadalarda idmançılarımız 43 medal qazanıblar ki, bunun da 7-si qızıl, 11-i gümüş, 25-i isə bürüncdür.

19
  • Cüdo idman növündə Olimpiya medalını idmançımız İrina Kindzerskaya qazanmağa qadirdir (78 kq-dan yuxarı çəkidə).

  • İdmançımız uzun müddətdir ki, dünya reytinqində aparıcı yerlərdən birini tutur və mütəmadi olaraq "Böyük dəbilqə" turnirlərində medallar qazanır.

  • © Photo : Azerbaijan Wrestling Federation

    Sözsüz ki, Olimpiya medallarına güləş yarışlarında da ümid etmək olar. Yeri gəlmişkən, müstəqil Azərbaycanın tarixində hələ elə bir Olimpiada olmayıb ki, oradan Azərbaycan güləşçiləri medalsız qayıtsınlar.

  • Mariya Stadnik
    © AP Photo / Anvar Ilyasov

    İlk növbədə ən çox titulu olan idmançımız Mariya Stadnikin mükafat qazanacağını gözləyirik (50 kq), həm də, sadəcə medal deyil, məhz qızıl medal.

  • Mariya Stadnik

    Olimpiya oyunlarının üçqat mükafatçısı, ikiqat dünya çempionu və səkkiz dəfə Avropa çempionu olan Stadnik öz çəki dərəcəsində əsas favoritdir və ona yalnız son iki Olimpiadanın finalında məğlub olduğu yapon güləşçiləri mane ola bilərlər.

  • Азербайджанский борец вольного стиля Гаджи Алиев

    Kişilər arasında sərbəst güləş yarışlarında ümidlərimiz üçqat Dünya və Avropa çempionu Hacı Əliyevlə bağlıdır (65 kq).

  • Азербайджанский борец вольного стиля Гаджи Алиев

    İdmançımız öz çəki dərəcəsində ənənəvi olaraq favoritdir.

  • Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.
    © AP Photo / Francois Mori

    Bundan əvvəlki Olimpiadada bürünc medal qazanan güləşçimiz bu dəfə daha yüksək əyarlı medal qazanmağa da qadirdir.

  • Шариф Шарифов, фото из архива
    © AP Photo / Markus Schreiber

    Daha bir sərbəst güləş ustamız Şərif Şərifovun da yaxşı şansları var (97 kq).

  • Şərif Şərifov

  • © AP Photo / Anvar Ilyasov

    2012-ci il London Olimpiadasında qalib olan idmançı 2016-cı il Rio Oyunlarında bürünc medallara sahib olub. Əgər ilkin mərhələdə idmançımız dördqat dünya çempionu Abdulrəşid Sadullayevlə (Rusiya) qarşılaşmazsa, o zaman şansı daha yüksək olacaq.

  • Tokio Olimpiadasında azərbaycanlı karate ustaları da özlərini göstərə bilərlər. Söhbət Rafael Ağayev (75 kq) və İrina Zaretskadan gedir (61 kq-dan yuxarı).

  • Rafael Ağayev bütün dünyada məşhur karateçidir, beş dəfə dünya birinciliyində, dəfələrlə "Premyer liqa" turnirlərində qalib olub. Ağayevin qarşısında duran əsas problem onun yaşı ola bilər – onun 36 yaşı var. Lakin buna baxmayaraq, idmançı əla formadadır.

  • Karate üzrə qadınlardan ibarət Azərbaycan milli komandasının üzvü İrina Zaretska, arxiv şəkli
    © Sputnik / Vladimir Astapkovich

    İrina Zaretskanın hesabında dünya, Avropa çempionatlarında, habelə "Premyer liqa" turnirlərində qələbələr var və o, dünya reytinqində liderdir.

  • Azərbaycanın yunan-roma güləşçisi İslam Abbasov
    © AFP 2021 / MARCO BERTORELLO

    Bunlardan əlavə, digər idmançılarımızın da Tokio Olimpiadasında özlərini göstərərək medal qazanacaqlarını istisna etmək olmaz.