Bakı məktəblərinin birində Son zəng tədbiri, arxiv şəkli

"Son zəng" tədbirləri ilə bağlı təlimat hazırlanır - Təfərrüatlar

371
Sputnik Azərbaycan-ın müxbiri Zülfiyyə Quluyeva məktəblərdə bu il "Son zəng" tədbirlərinin necə keçiriləcəyini araşdırıb.

BAKI, 11 iyun — Sputnik. Bu il "Son zəng" tədbirləri məktəblərdə təşkil olunacaq. Dünən bu məlumatı təhsil naziri Emin Əmrullayev verib. Onun sözlərinə görə, bununla bağlı Nazirlər Kabineti yanında Operativ Qərargaha müraciət edilib və müsbət cavab gəlib: "Yaxın günlərdə şərtlər elan ediləcək. Əslində şərtlər çox sadədir. Açıq havada keçiriləcək və müəyyən say məhdudiyyəti tətbiq olunacaq. Yəqin ki, 100-dən çox məzunu olan məktəblərdə bir neçə hissədən ibarət "Son zəng" tədbirlərinin keçirilməsi planlaşdırılır. Təbii ki, sosial məsafəyə riayət olunması tələb olunacaq".

Sputnik Azərbaycan bu il "Son zəng" tədbirlərinin say məhdudiyyəti ilə hansı formada keçirilməsinin nəzərdə tutulduğunu araşdırıb. Təhsil Nazirliyinin ictimaiyyətlə əlaqələr şöbəsinin müdiri Cəsarət Valehov Sputnik Azərbaycan-a açıqlamasında bildirib ki, hazırda "Son zəng" tədbirləri ilə bağlı təlimat hazırlanır. Həmin təlimat bütün məktəblərə göndəriləcək. C.Valehov bildirib ki, say məhdudiyyəti dedikdə bu, bu il məzun olan şəxslərə aid edilmir: "Təbii ki, məzunların hər biri "Son zəng" tədbirlərində iştirak edəcək.

Amma "Son zəng" tədbirləri məktəblərdə eyni saatda təşkil edilməyəcək. Əgər bir məktəbdə bir neçə sinif məzun olursa, onların "Son zəng" tədbirləri gün ərzində fərqli saatlarda təşkil olunacaq.

"Son zəng" tədbirləri ilə bağlı bütün məqamlar hazırda hazırlanan təlimatda öz əksini tapacaq. Biz həmin təlimatda nələrin yer aldığını hazır olduqdan sonra açıqlayacağıq", - deyə C.Valehov bildirib.

Ekspert nə düşünür?

Təhsil üzrə ekspert Kamran Əsədov Sputnik Azərbaycan-a açıqlamasında "Son zəng" tədbirlərinin məktəblərdə keçirilməsi ilə bağlı qərarın alqışlanan olduğunu söyləyib. O bildirib ki, ötən il "Son zəng" onlayn qaydada keçirilib. Bu il isə dərslər onlayn keçirildiyindən və qarşıda məzunları imtahan gözlədiyindən, motivasiya üçün "Son zəng" tədbirlərinin məktəbdə təşkili müsbət qərardır. Onun sözlərinə görə, bu məzunlara öz sinif yoldaşları və müəllimləri ilə görüşüb sağollaşmaq imkanı verəcək ki, bunun da məzunların psixologiyasına təsiri müsbət olacaq.

K.Əsədov bildirir ki, bu il orta məktəbləri 85 min şagird bitirir:

"Bu ilki məzunlar fərqli "Son zəng" görəcəklər. Əvvəl "Son zəng" tədbirlərində bütün məktəb iştirak edirdisə, bu il bu tədbir belə baş tutmayacaq. Həmçinin "Son zəng" tədbirlərində kənardan qonaq iştirak etməyəcək. Hal-hazırda müzakiə olunan məsələ "Son zəng" tədbirlərində 1-ci siniflərin iştirak edib-etməməsi ilə bağlıdır. Mənim fikrimcə, "Son zəng" tədbirlərində 1-ci və 11-ci sinif şagirdləri, həmçinin də onların müəllimləri iştirak etməlidirlər. "Son zəng" tədbirlərində bədii hissə olmayacaq. 11-ci siniflər "Son zəng" tədbirlərindən sonra məktəbdən sonra gəzinti də təşkil etməyəcəklər. Eləcə də "Son zəng" tədbirlərini kiminsə evində qeyd etmək, maşın karvanı yolverilməzdir. Məzunlar da bunu düzgün qiymətləndirməlidirlər. Pandemiya dövründə "Son zəng" tədbirləri ilə bağlı qaydalara əməl etməlidirlər".

Qeyd edək ki, ötən tədris ili orta ümumtəhsil müəssisələrini 84600 şagird bitirib. Ən son "Son zəng" tədbiri məktəblərdə 2018-2019-cu tədris ilində keçirilib. 2020-ci ildə "Son zəng" tədbiri onlayn baş tutub.

Onu da xatırladaq ki, bu il ali təhsil müəssisələrində "Məzun günü" də keçirilməyəcək. Bu il ölkə üzrə 51 ali təhsil müəssisələrində təhsil alan 182 min tələbədən 67 mini bakalavr pilləsi üzrə məzun olur. Ümumilikdə bakalavr və magistr pilləsi üzrə 46 min şəxs məzun olur.

Onu da qeyd edək ki, pandemiyadan əvvəl məktəblərdə "Son zəng" tədbirləri böyük coşqu ilə keçirilirdi. Bu tədbirlərdə nəinki 1-ci və 11-ci sinfin şagirdlərinin valideynləri, eləcə də qonaqlar, müğənnilər iştirak edirdilər.

Həmçinin oxuyun: 

* Təhsil naziri ilin yekunlarını vurur - "Son zəng"lə bağlı şərtləri açıqladı

371

Bu dünyanı dəyişməliyik

5
(Yenilənib 15:07 18.06.2021)
Krasnodarlı rəssam Vladimir Kandr tullantılardan beşmetrlik "Dalğa" adlı qurğu düzəltdi - Ətraflı videomuzda.

 

Rəssam Vladimir Kandr ətraf mühitin çirklənməsi problemindən o qədər narahat olub ki, bu məsələnin həll yolu onun yuxusuna girib. Belə ki, tullantılardan "Dalğa" adlı qurğu düzəltmək ideyası ona yuxuda gəlib.

Vladimir müsahibəsində bildirib ki, üç tondan çox zibil toplayıb, onları yenidən emal edərək yığılıb-sökülən qurğu düzəldib.

"Bu doqquz hissəyə bölünən dalğadır, nəqliyyatla da daşına bilir. Müasir sivilizasiyamızla ətraf mühiti necə məhv etdiyimizi anlamaq üçün qurğunun ortasında bir oyuq da düzəltdim," – deyə rəssam fikirlərini bölüşür.

Kandrın sözlərinə görə, o, dostları ilə həmişə təbiət qoynunda dincəlməyə gedəndə həm də digər turistlərin zibillədiyi əraziləri təmizləməklə məşğul olublar. Belə gəzintilər zamanı metal çəlləklərdən tutmuş konyak şüşələrinə qədər maraqlı və qeyri-adi əşyalara da rast gəlinir.

"Tullantılar yer dəyişdirir, başqa ölkələrdən bizə qədər gəlib çıxır. Hərdən qeyri-adi tapıntılar da olur. Bəzən bir kvadratmetr ərazidə beş alışqan, çox sayda taykeş ayaqqabılara rast gəlmək olar. Onları geyinmək də mümkündür, amma hər tayı fərqli olacaq", – ekoaktivist zarafatla deyir.

Vladimir Kandr onu da bildirib ki, hazırda "Dalğa"dan da böyük yeni layihə üzərində işləyir. Yeni qurğu da eyni tərzdə, ancaq başqa süjet əsasında hazırlanacaq.

5
İran prezidenti İbrahim Rəisi, arxiv şəkli

İbrahim Rəisinin İranda prezident seçkilərinin favoriti olduğu rəsmən təsdiqləndi

788
Нerli vaxtla saat 02:00-a (Bakı vaxtı ilə saat 01:30) olan məlumata görə, seçkilərdə 28,4 milyon seçici iştirak edib.

İranın məhkəmə hakimiyyətinin rəhbəri İbrahim Rəisi prezident seçkilərində liderlik edir. Sputnik Azərbaycan xəbər verir ki, bunu İranın seçkilərin keçirilməsi üzrə qərargahın rəhbəri Camal Orf bildirib.

"Seçkilərdə 28,6 milyon həmyerlimiz iştirak edib. Səslərin sayılması nəzərə alsaq bu ilkin nəticələrdir. Hazırda İbrahim Rəisi 17,8 milyondan çox seçiciinin səsini toplayıb. Möhsün Rezai 3,3 milyondan çox, Həmmati 2,4 milyondan çox, Qəzizadə Haşimi isə 1 milyon səs toplayıb", - o deyib.

Səsvermə və səslərin hesablanması

İranda prezident seçkilərində səsvermə yerli vaxtla saat 02:00-da (Bakı vaxtı ilə saat 01:30) rəsmən başa çatıb. Bununla belə, bəzi məntəqələrdə hələ seçicilər və məntəqə üzvləri işləməyə davam edirlər.

Sputnik Azərbaycan İRNA-ya istinadla xəbər verir ki, bu barədə İslam Respublikasında seçkilərin keçirilməsi üzrə qərargah şənbə günü bildirib.

“Səsvermənin keçirilməsi sona çatdı. Hazırda səsvermə yalnız seçicilərin olduğu məntəqələrdə davam edir”, - deyə seçkiləri müşahidə edən gənc jurnalistlər klubundan bildirilib.

Səsvermə cümə günü yerli vaxtla saat 07:00-da (Bakı vaxtı ilə saat 06:30) başlanıb və saat 00:00-a (saat 23:30) qədər davam etməli idi, ancaq seçki məntəqələrinin işinin müddəti səsvermənin tam başa çatmamasına görə uzanıb.

Bu halda IRIB teleradioyayım şirkəti bildirib ki, seçki məntəqələrinin əksəriyyətində artıq iş qurtarıb, indi səslərin hesablanmasına başlanılıb.

Prezidentliyə namizəd Abdulnaser Hemmatinin seçki qərargahının nümayəndəsi Cahanbəxş Xancani bildirib ki, yerli vaxtla saat 02:00-a (Bakı vaxtı ilə saat 01:30) olan məlumata görə, seçkilərdə 28,4 milyon seçici iştirak edib. Ölkədə səsvermə hüququ olan vətəndaşların sayı 59,31 milyon nəfərə yaxındır. Beləliklə, seçkilərdə iştirak təxminən 48 % təşkil edib.

Favorit kimdir?

Prezident seçkilərinin favoriti İbrahim Raisi hesab edilir. Altmış yaşlı siyasətçi 2019-cu ildən İran məhkəmə orqanlarının başçısı postunu tutur, o, əvvəllər baş prokuror olub. Raisi seçkiqabağı kampaniyasının gedişatında yoxsulluğa və korrupsiyaya qarşı mübarizə aparmağa söz verib. 2017-ci ildə Raisi prezident olmağa təşəbbüs edib, ancaq Həsən Ruhaniyə uduzub.

Ondan başqa, prezident postu uğrunda Möhsen Rezai də mübarizə aparır. O, 1980-90-cı illərdə İran İslam İnqilabı Keşikçiləri Korpusuna başçılıq edib. İranın prezident vəzifəsinə həmçinin Mərkəzi Bankın sədri Abdulnaser Hemmati və parlament sədrinin müavini Əmir Hüseyn Kazizade Haşimi də namizəddir.

Londonda seçki qərargahına hücum

Ötən gün Londondakı İran konsulluğunun qarşısında toplanan bir qrup şəxs səsverməyə mane olmağa çalışıblar. Onlar binaya girən hər kəsin üzərinə boya töküblər.

İranın Böyük Britaniyadakı müvəqqəti işlər vəkili Mehdi Hüseyni “Twitter” səhifəsində bildirib ki, İran ölkənin Londondakı konsulluğunda yerləşən seçki məntəqəsinə edilən hücumla əlaqədar məhkəməyə müraciət etmək niyyətindədir.

"Əksinqilabçı ünsürlərin İran vətəndaşına qarşı hücumu qanunla mühakimə ediləcək. Keçmişi terror bağlı olan və xarici dairələrlə əlaqəli saxta demokratiya tərəfdarları keçmişi səs vermək istəyən bir qadını vəhşicəsinə döyüblər. Nəticədə qadın ağır kəllə-beyin travması alıb", - Hüseyni yazıb.

 

788