Giliz körfəzindən götürülən İkinci Dünya müharibəsindən qalmış hərbi sursatlar

Giliz körfəzində İkinci Dünya müharibəsindən qalmış 243 hərbi sursat tapılıb

11
(Yenilənib 15:50 10.06.2021)
Vaxtaşırı dalğalar təhlükəli hərbi sursatları vurub sahilə atır. Odur ki bu bölgə potensial təhlükəli ərazi hesab olunur və dənizin dibində daim axtarış prosesi aparılır.

Sevastopol xilasediciləri Giliz körfəzindəki Fiolent burnu yaxınlığında dənizdə İkinci Dünya müharibəsindən qalmış 243 partlayıcı mərmi tapıblar. Bu barədə Rusiya Fövqəladə Hallar Nazirliyinin Sevastopol Baş İdarəsinin mətbuat xidməti çərşənbə günü məlumat yayıb.

"Giliz körfəzində potensial təhlükəli bir obyektin monitorinqi zamanı tapılan partlayıcı maddələrin dənizdən çıxarılması və daşınması həyata keçirildi", – deyə Rusiya Fövqəladə Hallar Nazirliyinin Sevastopol Baş İdarəsinin ixtisaslaşmış dəstəsinin rəis müavini Arsen Smailov qeyd edib.

Çərşənbə axşamı top mərmiləri, partladıcılar və minaatan minalarından ibarət bütün təhlükəli tapıntılar körfəzdən çıxarılıb, idarə olunan partlayışla zərərsizləşdirilərək xüsusi poliqona daşınıb.

Qeyd edək ki, yerli sakinlər körfəzin adını burada müharibə vaxtından qalma çoxlu sayda hərbi sursatın olması səbəbindən Giliz körfəzi qoyublar. Vaxtaşırı dalğalar təhlükəli hərbi sursatları vurub sahilə atır. Odur ki bu bölgə potensial təhlükəli ərazi hesab olunur və dənizin dibində daim axtarış prosesi aparılır.

"İşə mayın 21-dən başlamışıq. Ərazidə araşdırma apardıq, çəkilmiş kadrlara baxdıq və oradan müxtəlif məlumatlar əldə etdik, bunları birbaşa xəritələrə köçürdük və hesabata təhlükəli nöqtələri əlavə etdik. Hazırda uzaqdan idarə olunan vasitə ilə yalnız üç obyekti araşdıra bilmişik", – deyə Rusiya Fövqəladə Hallar Nazirliyinin "Sentrospas" dəstəsinin axtarış-xilasetmə vahidinin rəhbəri İqor Petrov vəziyyəti şərh edib.

Körfəzin dibini araşdırmaq üçün "Sentrospas" dəstəsinin və Fövqəladə Hallar Nazirliyinin personalından 20 mütəxəssis cəlb olunub.

"Hidra" hidrolokatorunun və "Falkon" uzaqdan idarə olunan sualtı vasitəsinin köməyi ilə bir hektardan çox dəniz qruntunu öyrənmək mümkün olub.

11
Vladimir Putin

Bunlar dünya üçün təhdiddir Putin siyahını açıqladı

9
(Yenilənib 11:49 23.06.2021)
Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

BAKI, 23 iyun — Sputnik. Rusiya Prezidenti Vladimir Putin dünyada təhlükəsizlik üçün təhdidləri açıqlayıb. Sputnik Azərbaycan "RİA Novosti"-yə istinadən xəbər verir ki, Putin kütləvi qırğın silahlarının yayılması risklərini, beynəlxalq kriminal, kibercinayətkarlıq və terrorizmi dünyaya təhdid adlandırıb.

"Regionda silahlı münaqişələr, kütləvi qırğın silahlarının yayılması riskləri, transsərhəd kriminal qruplaşmaların, narkobiznes və kibercinayətkarlığın aktivliyi ciddi narahatlıq doğurur. Beynəlxalq terrorizm hələ də əsas təhdid olaraq qalır." - deyə Putin IX Moskva Beynəlxalq Təhlükəsizlik Konfransı iştirakçılarına müraciətində bildirib.

O, həmçinin bildirib ki, Rusiya öz xalqı üçün sülh və sabitliyi təmin etmək məqsədilə hər şeyi edəcək, öz Silahlı Qüvvələrini təkmilləşdirəcək, diplomatiyanın imkanlarından istifadə edəcək və bütün maraqlı tərəfdaşlarla dialoq aparacaq.

Moskva Beynəlxalq Təhlükəsizlik Konfransı beynəlxalq təhlükəsizliyin əsas suallarına cavab tapmaq üçün müdafiə idarələri, beynəlxalq təşkilatlar və qeyri-hökumət mütəxəssislərini bir araya gətirən illik forumdur.

Konfransdakı müzakirələr nəinki müxtəlif ölkələrin mövqelərini daha yaxşı anlamağa, həm də beynəlxalq hərbi əməkdaşlığın perspektivli sahələrini müəyyənləşdirməyə imkan verir.

İlk dəfə beynəlxalq konfrans 2012-ci il 3-4 may tarixlərində keçirilib və "Yeni təhlükəsizlik məkanının formalaşmasında raket əleyhinə müdafiə amili" mövzusuna həsr edilib.

9
Enerji içki, arxiv şəkli

Nazirlik enerji içkiləri ilə bağlı qaldırıb

41
İstehlakçılarda həmin məhsulların enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib.

BAKI, 23 iyun — Sputnik. İqtisadiyyat Nazirliyi yanında Antiinhisar və İstehlak Bazarına Nəzarət Dövlət Xidməti enerji içkiləri bazarında haqsız rəqabət hallarının qarşısının alınması məqsədi ilə araşdırmaları davam etdirir. Bu barədə Sputnik Azərbaycan-a qurumdan bildirilib.

Araşdırmaların ilkin nəticələrinə görə, "Avrora" MMC-nin istehsal etdiyi "BİZON energy" markalı spirtsiz içkilərin üzərində "ENERGY" və "CHARGE YOUR POWER" sözlərindən istifadə olunması ilə istehlakçılarda həmin məhsulun enerji içkisi olması təəssüratının yaradılması, xassələri və keyfiyyəti barədə düzgün olmayan məlumatların verilməsi əlamətləri müəyyən edilib. Dövlət Xidməti şirkət barədə antiinhisar qanunvericiliyinin pozulması əlamətləri üzrə iş qaldırıb.

"Enerji içkilərinə dair müvəqqəti sanitariya normaları və qaydaları"na əsasən, alkoqolsuz içkilərin tərkibində insan orqanizminin mərkəzi sinir sistemini stimullaşdırmaq xüsusiyyətinə və antisedativ təsirə malik olan kofein, taurin, qlükoronolakton, amin turşuları, B qrupu vitaminlər və s. kimi maddələrdən və ya bitki ekstraktlarından ən azı ikisi mövcud olduğu təqdirdə, yaxud həmin maddələrdən yalnız kofein olduqda və miqdarı 15 mq/100 ml-dan artıq olarsa, həmin alkoqolsuz içkilər enerji içkisi hesab edilir.

İstehlak bazarında haqsız rəqabət hallarının və istehlakçıların mənafeyinə mənfi təsir göstərə biləcək hərəkətlərin qarşısının alınması istiqamətində tədbirlər davam etdirilir.

Qeyd edək ki, 2020-ci ilin yanvar ayının 1-dən Azərbaycanda "Enerji içkilərinə dair müvəqqəti sanitariya normalari və qaydaları" qüvvəyə minib.

Həmin qaydalara görə, enerji içkilərinin etiketlərində mütləq "enerji içkisi", "tərkibində GMO yoxdur", "Alkoqol ilə qarışdırılaraq və ya birlikdə istifadə edilməməlidir", "18 yaşdan aşağı şəxslərə satışı qadağandır", "Yaşlılara, hamilə və süd verən qadınlara, diabetdən, ürək fəaliyyətinin pozuntusundan, böyrək çatışmazlığından, hipertonik xəstəliklərdən, sinir oyanıqlığından, yuxusuzluqdan əziyyət çəkən şəxslərə, metabolizm problemi olan insanlara istifadəsi tövsiyə olunmur", "Gündəlik olaraq 500 ml-dən çox istifadə olunması tövsiyə edilmir" yazıları qeyd edilməlidir.

41