Cenevrədə Villa La Grange iqamətgahı

Dünyanın gözlədiyi görüşün yeri açıqlandı

4269
(Yenilənib 16:32 10.06.2021)
Yer kürəsinin iki nəhəng dövlətinin başçılarının görüşəcəyi məkan haqqında daha dəqiq informasiya ortaya çıxıb.

BAKI, 10 iyun — Sputnik. Rusiya Prezidenti Vladimir Putin və ABŞ lideri Co Baydenin görüş yeri məlum olub. Sputnik Azərbaycan xəbər verir ki, bu barədə məlumat İsveçrə Xarici İşlər Nazirliyinin rəsmi "Twitter" hesabında yerləşdirilib.

Məlumatda bildirilir ki, dünya liderləri İsveçrənin Cenevrə şəhərində "Villa La Grange" adlı iqamətgahda görüşəcək.

"İsveçrə Cenevrə seçimi ilə göstərilən inama görə hər iki tərəfə təşəkkür edir", - deyə məlumatda bildirilir.

Rusiya və ABŞ liderləri Vladimir Putin və Co Baydenin strateji sabitlik, pandemiya ilə mübarizə, beynəlxalq gündəlik və regional münaqişələri müzakirə edəcəyi gözlənilir.

Rusiya-ABŞ münasibətlərində nə baş verir?

Rusiya Xarici İşlər Nazirlinin müavini Sergey Ryabkov daha əvvəl RBK-ya müsahibəsində bəyan edib ki, Rusiya tərəfi sabitlik və proqnozlaşdırıla bilmək məsələsində ABŞ-dan az maraqlı deyil. 

"Mövcud suallar toplusunu belə acınacaqlı vəziyyətə gətirən Rusiya deyildi. Əksinə, çox uzun müddətdir, faktiki olaraq Barak Obama administrasiyası dövründən bəri Rusiya tərəfi səbir və təmkin nümayiş etdirib", - deyə o, bildirib. 

"Vaşinqtona vəziyyəti gərginləşdirmək üçün deyil, vəziyyəti düzəltməyə başlamaq üçün fürsət verməyə çalışdıq. Təəssüf ki, bu nəticə vermədi və biz bu gün əlimizdə olanlarla kifayətlənmək məcburiyyətində qaldıq", - Ryabkov deyib.
XİN təmsilçisinin sözlərinə görə, Rusiya tərəfi öz mövqeyinə qətiyyətlə əməl edir: "ABŞ-la keyfiyyətli dialoq yalnız qarşılıqlı hörmət və maraqlarımız nəzərə alınmaq şərti ilə mümkündür. Lakin Vaşinqton ağlabatan əsasda bir razılığa gəlmək istəmir".

Niyə Cenevrə?

Kremlin mətbat xidməti bildirib ki, Rusiya və ABŞ prezidentləri Vladimir Putinlə Co Baydenin görüşü tərəflərin razılaşmasına əsasən iyunun 16-da Cenevrədə keçiriləcək.
Sammitin üçüncü ölkənin ərazisində keçirilməsi təklifini Rusiya liderinə prezident Baydenin özü edib. İki lideri görüşünün ABŞ liderinin vəzifəyə keçdikdən sonra ilk beynəlxalq turnesinin yekunu olacağı gözlənilir.

Şəhərlər arasında yekundə seçilən Cenevrə oldu. Daha əvvəl Politico mümkün variantlar arasında Reykyavik, Lyublyana, Praqa və Bakının adlarını çəkirdi.

Xatırladaq ki, məhz Cenevrədə 1985-ci ilin noyabrında Sov.İKP baş katibi Mixail Qorbaçovla ABŞ prezidenti Ronald Reyqanın nüvə silhsızlaşdırılmasına dair ilk görüşü olub. Cenevrə görüşü "soyuq müharibə"nin bitməsi yolunda həlledici addım sayılır. İki ölkə lideri o zaman şəxsi təmas qura bildilər. 

Putinlə Baydeni La Qranj villası qəbul edəcək

Rusiya və ABŞ liderləri Vladmir Putinlə Co Baydenin danışıqları İsveçrənin La Qranj villasında baş tutacaq.

Kremldən məlumatı təsdiqləyərək əlavə ediblər ki, Putin sammitə məhz Baydenlə görüş günü gələcək.
Həmçinin oxuyun:

Kreml təsdiqlədi: Görüş yeri Cenevrə

Ağ Ev Baydenlə Putinin müzakirə edəcəyi mövzuları açıqladı

Putinlə Baydenin görüşünə xələl gətirəcək qərar

4269
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

26
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

26
Namiq Qaraçuxurlu, arxiv şəkli

Tanınmış meyxanaçı da bəladan qurtula bilmədi

164
Bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

BAKI, 14 iyun — Sputnik. Meyxanaçı Namiq Qaraçuxurlu koronavirusa yoluxub. Sputnik Azərbaycan xəbər verir ki, bu barədə o, özünün "Instagram" hesabında məlumat yayıb:

"Əzizlərim narahat olmasın deyə koronavirusa yoluxmağımı gizli saxlamaq istədim. Təəssüf ki, kiminsə ağzının boş olması buna imkan vermədi. Bu həyəcanı sevənlərimə verdiyim üçün üzr istəyirəm. Bildirmək istəyirəm ki, xəstəliyi çox yüngül keçirirəm, saytların bildirdiyi kimi xəstəxanada deyiləm və tezliklə sağalıb, Vətənə geri dönəcəyəm"

Xatırladaq ki, bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

Qeyd edək ki, Namiq Qaraçuxurlu Azərbaycanda meyxana sənətinə bir çox yeniliklər gətirib. Uzun illər meyxana sənəti ilə məşğul olan sənətçi "Rəvayət" adlı meyxansı ilə tamaşaçıların qəlbinə yol tapıb. Həmin meyxanadan sonra gündəmdən düşməyən meyxanaçı səhnəmizin bir çox müğənniləri ilə duet ortağı olub.

164