AQTA-nın laboratoriyası, arxiv şəkli

Biotəhlükəsizlikdə Avrasiya modeli: Azərbaycanla Rusiya lokomotiv ola bilərlər

289
(Yenilənib 22:03 09.06.2021)
Ümid Mirzəyev hesab edir ki, Azərbaycan və Rusiya epidemioloji xarakterli fövqəladə halların aşkarlanaraq aradan qaldırılması üzrə birgə sistemin yaradılmasında önəmli rola malik ola bilərlər.

BAKI, 9 iyun — Sputnik. "Eurasia Press" Beynəlxalq Fondu "Avrasiya: ümumi biotəhlükəsizlik məkanı" platformasına start verir. Bu informasiya mübadiləsi meydanında Qafqazda ümumi regional biotəhlükəsizlik məkanının təşkilinin əsas elementləri kimi Rusiya və Azərbaycan arasında münasibətlərin müzakirəsi nəzərdə tutulur.

Azərbaycan və Rusiyanı, habelə digər ölkələri təmsil edən ekspertlərə, alimlərə və siyasətçilərə Qafqazda birgə biotəhlükəsizlik sisteminin yaradılmasının zəruriliyi barədə müzakirənin başlanması təklif olunur.

Bioloji təhlükələrə təklikdə qalib gəlmək mümkün deyil

"Eurasia Press" Beynəlxalq Fondunun prezidenti Ümid Mirzəyev qeyd edib ki, COVID-19 pandemiyasının genişlənməsi bioloji təhlükələrə təklikdə sinə gərməyin mümkün olmadığını bütün bəşəriyyətə əyani şəkildə nümayiş etdirib.

"Onlara sinə gərməyin yeganə yolu səylərin birləşdirilməsidir. Lakin burada realist olmaq və ardıcıl addımlar atmaq vacibdir. Zənnimcə, bu istiqamətdə ilk addım Qafqazda ümumi biotəhlükəsizlik məkanının yaradılması olmalıdır", - deyə o bildirib.

Mirzəyevin fikrincə, digər ölkələrin müqavimətinə baxmayaraq, bu məqsədə nail olunmasında Rusiya və Azərbaycan qərarlıdırlar. Belə ki, bu ölkələr praqmatik, ardıcıl və məsuliyyətli siyasət yürüdürlər.

Sanitar sədd

O həmçinin bildirib ki, məsuliyyətli yanaşma və mürəkkəb, münaqişəli vəziyyətləri effektiv həll etmək qabiliyyətini nümayiş etdirən Azərbaycan və Rusiya fövqəladə epidemioloji vəziyyətlərin aşkar edilməsi və onlara qarşı tədbir görülməsi üçün müştərək sistemin yaradılmasında aparıcı qüvvə ola bilərlər.

"Əminəm ki, yeni bioloji çağırış və təhlükələrdən müdafiə, Rusiyada Vladimir Putinin tapşırığı ilə yaradılan sanitar səddin formalaşdırılması işlərini birgə aparmaq, beləliklə də, birgə səylərlə Avrasiyada əməkdaşlığın yeni modelini yaratmaq lazımdır", - deyə o qeyd edib.

"Avrasiya: ümumi biotəhlükəsizlik məkanı" layihəsi çərçivəsində prioritet mövzular kimi Mirzəyev xüsusilə təhlükəli olan infeksiya ocaqlarının qarşısının alınması, lokallaşdırılması və onların dəf edilməsi üçün birgə iş mexanizmlərini, ümumi regional biotəhlükəsizlik məkanının təşkilinin əsas elementləri kimi Rusiya və Azərbaycan üçün zəruri olan Qafqazda vahid regional epidemioloji, baytarlıq və fitosanitar nəzarət sisteminin yaradılması perspektivlərini vurğulayıb.

Bir müddət əvvəl "Rosselxoznadzor" Rusiya və Azərbaycan arasında ticarət əlaqələrinin ardıcıl inkişaf etdiyini bəyan edib.

"Azərbaycan Rusiyaya pomidor, kartof, xiyar, alma və digər meyvə-tərəvəz məhsulları ixrac edən iri tədarükçülərdən biridir. Bundan əlavə, azərbaycanlılar rusiyalılara dondurulmuş balıq və süd məhsulları da çatdırırlar", - deyə "Rosselxoznadzor"-dan Sputnik Azərbaycan-a bildiriblər.

İdarədən həmçinin iki ölkənin baytarlıq və fitosanitariya sahəsində ixtisaslı mütəxəssisləri arasında konstruktiv işçi əlaqələrin olduğunu da bildiriblər.

Xatırladaq ki, Azərbaycan Rusiyadan kənd təsərrüfatı malları idxal edən ölkələr arasında ilk 10-luqdadır. Azərbaycandan başqa bu onluqda Cənubi Koreya, Misir, Qazaxıstan, Belarus, Ukrayna və Özbəkistan da var.

289
Toyuq əti

Azərbaycana gətirilən 1,2 ton hind quşu dərisi yararsız çıxdı

25
Məhsulda patogen mikroorqanizm olan salmonella aşkar edilib. Aşkar olunmuş faktla bağlı qanunvericiliyin tələbləri çərçivəsində müvafiq qərar qəbul edilib və istehlak üçün yararsız 1.2 ton hind quşu dərisi məhsulunun satış şəbəkəsinə daxil olunmasının qarşısı alınıb.

BAKI, 19 iyun — Sputnik. Azərbaycan Qida Təhlükəsizliyi Agentliyinin (AQTA) həyata keçirdiyi nəzarət tədbirləri zamanı Türkiyədə fəaliyyət göstərən "Briterra Gida İç Ve Dış Ticaret Anonim Şirketi" tərəfindən istehsal olunan və "Ladess Group" MMC tərəfindən ölkəmizə idxal edilən hind quşu dərisi məhsuluna Agentliyin müfəttişləri tərəfindən baxış keçirib.

AQTA-dan Sputnik Azərbaycan-a verilən məlumata görə, baxış zamanı idxal olunan məhsullardan nümunələr götürülərək Azərbaycan Qida Təhlükəsizliyi İnstitutunun müvafiq laboratoriyasına təqdim olunub.

Müayinələr nəticəsində məhsul partiyasında patogen mikroorqanizm olan salmonella aşkar edilib. Aşkar olunmuş faktla bağlı qanunvericiliyin tələbləri çərçivəsində müvafiq qərar qəbul edilib və istehlak üçün yararsız 1,2 ton hind quşu dərisi məhsulunun satış şəbəkəsinə daxil olunmasının qarşısı alınıb.

AQTA əhalinin sağlamlığının qorunması və təhlükəsiz qida məhsulları ilə təmin edilməsi istiqamətində ardıcıl tədbirlərini davam etdirir və istehlakçı hüquqlarının pozulmasına yönəlmiş qanunsuz halların qarşısının alınması istiqamətində müvafiq tədbirlər görüləcək.

25

Hökumətdən yeni hava limanlarının tikintisi işində böyük güzəşt

52
(Yenilənib 13:10 19.06.2021)
Azad edilən ərazilərdə 3 hava limanının tikintisi üçün idxal edilən mallar gömrük rüsumuna cəlb olunmayacaq.

BAKI, 19 iyun — Sputnik. Nazirlər Kabineti “Azərbaycan Respublikasında ixrac-idxal əməliyyatları üzrə gömrük rüsumlarının dərəcələri haqqında” qərarında dəyişiklik edib.

Sputnik Azərbaycan-ın məlumatına görə, qərara əsasən, "Füzuli, Laçın və Zəngilan rayonlarında beynəlxalq hava limanlarının tikintisi üçün idxal edilən malların xarici iqtisadi fəaliyyətin mal nomenklaturası (XİFMN) üzrə Siyahısı” təsdiq edilib.

Bu bəndlə müəyyən edilən mal nomenklaturasına müvafiq idxal olunan malların Füzuli, Laçın və Zəngilan beynəlxalq hava limanlarının tikintisi üçün istifadəsinin təsdiq edilməsi Nəqliyyat, Rabitə və Yüksək Texnologiyalar Nazirliyi tərəfindən həyata keçiriləcək.

Bu mallar gömrük idxal rüsumuna cəlb olunmayacaq.

Bu Qərar dərc edildiyi gündən 30 gün sonra qüvvəyə minir və 2024-cü il 1 yanvar tarixinədək qüvvədədir.

Füzuli beynəlxalq hava limanı

2020-ci il noyabrın 26-da Azərbaycan Nəqliyyat, Rabitə və Yüksək Texnologiyalar Nazirliyi ICAO-nun Füzulidəki hava limanı da daxil olmaqla 6 hava limanının beynəlxalq yer indeksləri kataloquna daxil edilməsi barədə Dövlət Mülki Aviasiya Agentliyinin müraciətini təmin etdiyini bildirib.

2021-ci ilin yanvarında Azərbaycan Prezidenti Füzulidə beynəlxalq hava limanının tikintisi barədə sərəncam verib. Gələcək hava limanının təməlqoyma mərasimi həmən ilin yanvar ayının 14-də baş tutub.

Köhnə aeroportun yerində tikilən Füzuli beynəlxalq hava limanında uçuş-enmə zolağının inşası ilə bu sahədə böyük təcrübəsi olan "AzVirt" MMC məşğul olur. Hava limanının tikintisi yanvar ayında başlayıb. Plana əsasən ilin sonuna kimi uçuş-enmə zolağı, eləcə də peron istifadəyə veriləcək. Yeni hava limanının uçuş-enmə zolağının uzunluğu 3 000 metr olacaq.

AZAL-ın nümayəndəsi Valeh Əmiraslanov bildirib ki, Füzuli Beynəlxalq Hava Limanında ilk sınaq uçuşun sentyabrın 5-də keçirilməsi planlaşdırılır.

Həmçinin oxuyun:

Füzuli aeroportunda ilk sınaq uçuşunun keçiriləcəyi tarix açıqlanıb

52