* AZƏRBAYCAN *
Rusiya Prezidenti Vladimir Putin, arxiv şəkli

Dünya düzəninə təhdidlər durmadan artır - Putin "Primakov qiraəti"ndə

1359
(Yenilənib 15:40 08.06.2021)
Rusiya prezidenti bildirib ki, silahlanma üzərində nəzarət mexanizminin deqradasiyası, terrorçu qruplaşmalarının fəaliyyəti, kibercinayətkarlığın fəallaşması və regional münaqişələrin eskalasiyası kimi təhdidlərə koronovirus epidemiyası da əlavə olunub.

BAKI, 8 iyun — Sputnik. Rusiya prezidenti Vladimir Putin "Primakov qiraəti" forumunun iştirakçılarını salamlayaraq, müzakirələrdə qlobal və regional gündəmin aktual problemlərinə xüsusi diqqət yetiriləcəyinə ümid etdiyini bildirib. Sputnik Azərbaycan RİA Novosti-yə istinadla xəbər verir ki, müraciət Kremlin saytında yayımlanıb.

"Sizi növbəti, artıq sayca yeddinci "Primakov qiraəti" forumunun açılışında salamlayıram.... Hərçənd, hələlik koronavirus üzərində qələbədən danışmaq tezdir, amma bu bəladan hansı dərsləri çıxartmaq, gələcəkdə də belə hallar baş verərsə, necə hərəkət etmək barədə düşünmək lazımdır. Belə hesab edirəm ki, "Primakov qiraəti" iştirakçıları dünyanın və bölgənin bu və digər aktual problemlərinə xüsusi diqqət yetirəcəklər", – deyə saytda dövlət başçısının fikirlərinə yer verilib.

Putin qeyd edib ki, ekspertlərin forumu nüfuzlu beynəlxalq konfranslardan biridir, ən yaxşı intellektual axtarış və qarşılıqlı hörmətə əsaslanan fikir mübadiləsi ənənələrini davam etdirir.

Prezident qeyd edib ki, adı Rusiyanın aparıcı analitik mərkəzlərindən biri olan Dünya İqtisadiyyatı və Beynəlxalq Münasibətlər üzrə Milli Tədqiqat İnstitutuna verilmiş Yevgeni Primakov da məhz buna böyük əhəmiyyət verirdi.

Dövlət başçısının fikrincə, "Primakov qiraəti"-2021 forumunun mövzu seçimi ("Dünya düzəninə müasir təhdidlər") tamamilə məntiqə uyğundur. O qeyd edib ki, belə təhdidlərin sayı durmadan artır və onlardan bir çoxu beynəlxalq təhlükəsizliyə real təhdid yaradır.

"Silahlanma üzərində nəzarət mexanizminin deqradasiyası, terrorçu qruplaşmalarının fəaliyyəti, kibercinayətkarlığın fəallaşması və regional münaqişələrin eskalasiyası kimi təhdidlərə koronavirus epidemiyası da əlavə olunub. Artıq 3,5 milyon insan bu bəlanın qurbanı olub. Pandemiyanın ciddi sosial-iqtisadi nəticələri hər yerdə hiss olunacaq", – deyə Putin əlavə edib.

Putinin sözlərinə görə, belə təhlükəli virusla mübarizə bütün dünya birliyindən səylərin birləşdirilməsini və bərabərhüquqlu əməkdaşlıq tələb edir.

O, müraciətinin sonunda tədbirin iştirakçılarına "maraqlı və mənalı müzakirələr və xoş arzularını" çatdırıb.

1359
 Azərbaycan hərbçiləri, arxiv şəkli

Bir qrup hərbi qulluqçu “Laçının azad olunmasına görə” medalı ilə təltif edilib - SİYAHI

2089
Azərbaycan Respublikasının Laçın rayonunun işğaldan azad olunması uğrunda aparılmış döyüş əməliyyatlarında iştirak edərək şəxsi igidlik və şücaət göstərmiş 5775 hərbi qulluqçu “Laçının azad olunmasına görə” medalı ilə təltif olunub.

BAKI, 24 iyun - Sputnik. Azərbaycan Respublikasının Laçın rayonunun işğaldan azad edilməsi uğrunda
aparılmış döyüş əməliyyatlarında iştirak edərək şəxsi igidlik və şücaət nümayiş etdirmiş Azərbaycan Respublikası Silahlı Qüvvələrinin bir qrup hərbi qulluqçusu “Laçının azad olunmasına görə” medalı ilə təltif edilirlər.

Sputnik Azərbaycan bildirir ki, bununla bağlı Prezident İlham Əliyev müvafiq sərəncam imzalayıb.

Təltif olunmuş hərbçilərimizin siyahısı ilə buradan tanış olmaq mümkündür.

İkinci Qarabağ müharibəsi

2020-ci il sentyabrın 27-də Ermənistan silahlı qüvvələrinin cəbhə xəttində törətdikləri genişmiqyaslı təxribata cavab olaraq Azərbaycan Ordusu əks-hücuma keçdi.
Oktyabrın 9-da Cəbrayıl, oktyabrın 17-də Füzuli, oktyabrın 20-də Zəngilan, oktyabrın 25-də Qubadlı, noyabrın 8-də isə Şuşa şəhəri erməni işğalçılarından təmizləndi.
Noyabrın 9-da Azərbaycan Prezidenti İlham Əliyev, Rusiya lideri Vladimir Putin və Ermənistanın baş naziri Nikol Paşinyan arasında imzalanmış üçtərəfli bəyanatın şərtlərinə əsasən, noyabrın 20-də Ağdam, noyabrın 25-də Kəlbəcər, dekabrın 1-də isə Laçın rayonları bir güllə atılmadan işğaldan azad edilib.

44 günlük Vətən müharibəsində şəhid olan 2841 hərbçimizin nəşi yanvarın 11-dək dəfn edilib. 64 nəfər itkin düşmüş sayılır.

İkinci Qarabağ müharibəsində xəsarət alan bütün qazilərin müalicə və reabilitasiyası Prezidentin göstərişi ilə dövlət tərəfindən gerçəkləşdirilir.

Müharibədən sonra işğaldan azad edilmiş bölgələrdə bərpa və quruculuq işlərinə başlanıb. Bu prosesə yerli müəssisələr və qurumlarla yanaşı, müxtəlif xarici şirkətlər də dəvət alıb. Füzulidə beynəlxalq aeroportun tikilməsinə start verilib. Prezident İlham Əliyevin sözlərinə görə, ya Laçın, ya Kəlbəcərdə ikinci beynəlxalq hava limanı inşa ediləcək. Şuşa Azərbaycanın mədəniyyət paytaxtı elan olunub və orada 30 illik fasilədən sonra "Xarı-bülbül" festivalı keçirilib. 

---------------

29.12.2021

20:32

Prezident İlham Əliyev Azərbaycan Respublikası Silahlı Qüvvələrinin hərbi qulluqçularının “Laçının azad olunmasına görə” medalı ilə təltif edilməsi haqqında Sərəncam imzalayıb.

Sputnik Azərbaycan xəbər verir ki, sərəncama əsasən, Azərbaycan Respublikasının Laçın rayonunun işğaldan azad olunması uğrunda aparılmış döyüş əməliyyatlarında iştirak edərək şəxsi igidlik və şücaət göstərmiş 5775 hərbi qulluqçu “Laçının azad olunmasına görə” medalı ilə təltif olunub.

Təltif edilənlərin 5-i polkovnik, 39-u polkovnik-leytenantdır.

“Laçının azad olunmasına görə” medalı ilə təltif edilən hərbi qulluqçuların adlarına prezident.az saytındakı bu linkə keçid edərək baxa bilərsiz.

Eləcə də oxuyun:

  • Ağdamı azad edən igidlərimizə medal verilir - SİYAHI

  • "Vətən uğrunda" medalı ilə təltif olunan hərbçilərimiz - SİYAHI

  • Bir qrup hərbçimiz "Suqovuşanın azad olunmasına görə" medalı ilə təltif olundu

  • Şuşanı azad edən hərbçilərimiz medala layiq görüldülər - SİYAHI

  • Bu igidlərimiz Qubadlının azad olunmasına görə medalla təltif olundular

  • Prezident hərbçilərimizi "Cəbrayılın azad olunmasına görə" medalı ilə təltif etdi

  • "Zəngilanın azad olunmasına görə" medal alanları siz də tanıyın – SİYAHI

  • Bir qrup hərbçi "Xocavəndin azad olunmasına görə" medalı ilə təltif edildi – SİYAHI

  • Prezident onları "Füzulinin azad olunmasına görə" medalı ilə təltif etdi – SİYAHI

2089
Teqlər:
Laçın rayonu, Laçın, Prezident İlham Əliyev, İlham Əliyev
Şəhriyar Məmmədyarov, arxiv şəkli

Şəhriyar Məmmədyarov Harri Qasparova qarşı oynayacaq

2
(Yenilənib 16:54 24.06.2021)
İyulun əvvəlində Zaqrebdə keçiriləcək üçüncü "Grand Chess Tour" iştirakçılarının siyahısı elan olunub. Siyahıya görə, Şəhriyar Məmmədyarov Teymur Rəcəbovdan sonra Harri Qasparovla qarşılaşacaq ikinci Azərbaycan şahmatçısı olacaq.

BAKI, 24 iyun — Sputnik. Sputnik Azərbaycan xəbər verir ki, azərbaycanlı qrossmeyster Şəhriyar Məmmədyarov bir turnir çərçivəsində 13-cü dünya çempionu Harri Qasparovla qarşılaşacaq.

Belə ki, "Grand Chess Tour" seriyasının təşkilatçıları iyulun 5-dən 12-nə kimi Zaqrebdə (Xorvatiya) keçiriləcək üçüncü turnirin iştirakçılarının siyahısını açıqlayıb. Turnir iştirakçıları arasında həm Şəhriyar Məmmədyarov, həm də digər yarış iştirakçıları ilə eyni şərtlər altında oynayacaq keçmiş dünya çempionu Harri Qasparovun adı var.

Qeyd edək ki, bu, Məmmədyarovun Azərbaycan şahmat məktəbinin yetirməsi olan Harri Qasparovla şahmat lövhəsi qarşısında ilk qarşılaşması olacaq. İndiyə kimi Azərbaycanlı şahmatçılardan yalnız Teymur Rəcəbov 13-cü dünya çempionu ilə oynayıb və müsbət xal toplayıb. Rəcəbov Qasparov üzərində yeganə və əfsanəvi qələbəsini 2003-cü ildə Linaresdə (İspaniya) keçirilən superturnir çərçivəsində qazanıb. Həmin vaxt şahmatçımızın cəmi 15 yaşı var idi.

Xorvatiyada keçiriləcək turnirə qayıtsaq, qeyd etmək lazımdır ki, bu şahmat yarışında Maksim Vaşe-Laqrav (Fransa), Yan Nepomnyaşi, Aleksandr Qrişuk (hər ikisi Rusiyanı təmsil edir), Aniş Qiri, Yorden Van Forest (hər ikisi Hollandiyanı təmsil edir), Vişvanatan Anand (Hindistan), İvan Sariç (Xorvatiya), Anton Korobov (Ukrayna) və Yan Kşiştof Duda (Polşa) iştirak edir.

Xatırladaq ki, Məmmədyarov "Grand Chess Tour" seriyasından ilk turnirin – Buxarestdə keçirilən "Supеrbet Chess Classic"-in qalibi olub. Turnir çərçivəsində şahmatçımız Konstantin Lupulesku (Rumınya), Levon Aronyan (Ermənistan) və Fabiano Karuanaya (ABŞ) qalib gəlib.

2