* AZƏRBAYCAN *
Qərənfil, arxiv şəkli

Erməni vəhşiliyinin qurbanı olan körpənin bu gün anım günüdür

589
Anası Züleyxa Şahnəzərovanın qucağında olarkən həyatını itirən 1 yaşlı Mədinə anası ilə eyni tabutda dəfn edilib.

BAKI, 2 iyun — Sputnik. Ermənistanın 16 oktyabr 2020-ci il tarixində gecə Gəncə şəhərinə raket hücumu nəticəsində dünyasını dəyişən Mədinə Şahnəzərlinin bu gün doğum günüdür. Sputnik Azərbaycan xəbər verir ki, raket hücumu nəticəsində 2019-cu il təvəllüdlü Mədinə Şahnəzərli, körpənin anası Züleyxa Şahnəzərova, atası Röyal Şahnəzərov həyatını itirib.

Ailənin digər qızı Xədicə Şahnəzərovanın isə həyatını xilas etmək mümkün olub.

Qeyd edək ki, anası Züleyxa Şahnəzərovanın qucağında olarkən həyatını itirən 1 yaşlı Mədinə anası ilə eyni tabutda dəfn edilib.

Xatırladaq ki, sentyabrın 27-də saat 06 radələrində Ermənistan silahlı qüvvələri genişmiqyaslı təxribat törədərək cəbhəboyu zonada yerləşən Azərbaycan Ordusunun mövqelərini və yaşayış məntəqələrimizi iriçaplı silahlar, minaatanlar və müxtəlif çaplı artilleriya qurğularından intensiv atəşə tutub. Nəticədə cəbhə bölgəsində genişmiqyaslı hərbi əməliyyatlar başlayıb.

Düşmən tərəfindən Tərtər rayonunun Qapanlı, Ağdam rayonunun Çıraqlı və Orta Qərvənd, Füzuli rayonunun Alxanlı və Şükürbəyli, Cəbrayıl rayonunun Cocuq Mərcanlı kəndlərinin intensiv atəşə tutulması nəticəsində mülki şəxslər həlak olublar. Mülki infrastruktur obyektlərinə ciddi ziyan dəyib. Azərbaycan Ordusunun ön xətt bölmələri düşmənin bu təxribatının qarşısını almaq və qoşunların qarşıdurma xəttinə yaxın zonalarda yaşayan mülki əhalinin təhlükəsizliyini təmin etmək məqsədilə cavab tədbirləri görüb.

44 günlük Vətən müharibəsi dövründə ermənilər dəfələrlə Azərbaycanda mülki əhalini hədəf alaraq çoxsaylı qırğınlara səbəb olublar. Bu müddətdə Gəncə, Bərdə və Beyləqan şəhərləri bir neçə dəfə atəşə tutulub.

Qeyd edək ki, Baş Prokurorluğun 27.09.2020-ci il tarixindən 30.11.2020-ci il tarixənədək olan məlumatına əsasən, ümumilikdə erməni təcavüzü nəticəsində 98 nəfər dinc əhali həlak olub. Onlardan 5-i minaya düşərək, 93 nəfər isə raket atəşi nəticəsində həlak olub. Erməni hücumu nəticəsində yaralananların sayı isə 414 olub. Raket atəşi nəticəsində yaralanan dinc sakinlərin sayı 410, minaya düşərək yaralanan sakinlərin sayı isə 4 olub. 

Eləcə də oxuyun: 

* Gəncə terrorunda yaxınının ölüm xəbərini alan qadının fotosu "İlin media fotosu" seçilib

Ermənilərin Gəncədə törədikləri müharibə cinayətləri, insanlığa sığmayan vəhşilik - FOTO

* Gəncəyə hücum zamanı həlak olan azyaşlının arzularından biri çin olub, amma necə...

589
Bakıda kişi gülləri sulayır, arxiv şəkli

Temperatur getdikcə yüksəlir - Sabaha anomal hava?

1
(Yenilənib 14:59 24.06.2021)
Tibbi-meteoroloji proqnoza gəlincə, həftə ərzində Bakıda və Abşeron yarımadasında anomal isti, günün bəzi saatlarında durğun hava şəraiti, zəif küləklərin üstünlüyü, gündüz güclü temperatur diskomfortu gözlənilir.

BAKI, 24 iyun — Sputnik. İyunun 25-də gözlənilən hava şəraiti açıqlanıb. ETSN-nin Milli Hidrometeorologiya Xidmətindən Sputnik Azərbaycan-a verilən məlumata görə, iyunun 25-də Bakıda və Abşeron yarımadasında hava şəraitinin günəşli keçəcəyi gözlənilir. Şimal-şərq küləyi əsəcək, gündüz cənub-şərq küləyi ilə əvəz olunacaq. Havanın temperaturu Abşeron yarımadasında gecə 22-26, gündüz 34-39, bəzi yerlərdə 41, Bakıda gecə 24-26, gündüz 37-39 dərəcə isti olacaq. Atmosfer təzyiqi normadan aşağı 757 mm civə sütunu, nisbi rütubət gecə 55-65, gündüz 35-40 faiz təşkil edəcək.

Abşeron çimərliklərində şimal-şərq küləyi əsəcək, gündüz cənub-şərq küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 25-26, Türkan, Hövsan, Sahil, Şıxda 26-27 dərəcə isti olacaq.

İyunun 25-də Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq, şərq küləyi əsəcək.

Havanın temperaturu gecə 20-25, gündüz 35-40, bəzi yerlərdə 43, dağlarda gecə 15-20, gündüz 28-33 dərəcə isti olacaq.

Tibbi-meteoroloji proqnoza gəlincə, həftə ərzində Bakıda və Abşeron yarımadasında anomal isti, günün bəzi saatlarında durğun hava şəraiti, zəif küləklərin üstünlüyü, gündüz güclü temperatur diskomfortu gözlənilir ki, bu da əksər əhali üçün əlverişsizdir.

Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyeva da ötən gün Sputnik Azərbaycan-a açıqlamasında anomal istilərlə bağlı xəbərdaqlıq edib. O bildirib ki, həftə ərzində ayrı-ayrı rayonlarda havanın maksimum temperaturunun 40 dərəcəyə yaxın, ayın 24-25-də isə ölkənin əsasən aran bölgələrində temperaturun 42-44 dərəcəyədək yüksəlməsi proqnozlaşdırılır.

1
Teqlər:
Bakı, Azərbaycan, anomal isti, isti, temperatur
Politoloq Elşən Manafov

Politoloq: “Bu məsələlərin həllinin Rusiya ilə razılaşdırılmasına ehtiyac var”

5
(Yenilənib 14:45 24.06.2021)
Politoloq Elşən Manafov deyir ki, danışıqlardakı mövzular da bölgədə təhlükəsizlik, inteqrasiya imkanlarının genişləndirilməsi ilə bağlı problemlərin həllini özündə ehtiva edir
Elşən Manafov: “Ermənistan da Rusiyanın bölgədəki maraqlarını nəzərə alacaq”

Azərbaycan Respublikasının Prezidenti İlham Əliyev iyunun 23-də Rusiya Federasiyasının Prezidenti Vladimir Putinə telefonla zəng edib. Telefon söhbəti zamanı Rusiya, Azərbaycan və Ermənistan liderlərinin 2020-ci il 10 noyabr və 2021-ci il 11 yanvar tarixli bəyanatlarının həyata keçirilməsinin praktiki aspektləri nəzərdən keçirilib. Cənubi Qafqazda iqtisadi əlaqələrin və nəqliyyat kommunikasiyalarının bərpası üzrə üçtərəfli formatda işin fəallaşdırılmasına xüsusi diqqət yetirilib.

Politoloq Elşən Manafov Sputnik Azərbaycan-a deyir ki, bir qayda olaraq prezidentlərin telefon danışıqlarında ikitərəfli maraq doğuran məsələlər müzakirə edilir: “Bu gün danışıqlardakı mövzular da bölgədə təhlükəsizlik, inteqrasiya imkanlarının genişləndirilməsi ilə bağlı problemlərin həllini özündə ehtiva edir. Rusiyanın moderaotlruğu ilə qəbul edilmiş bəyanatlar bölgədə nəqliyyat kommunikasiya xətlərinin bərpası və Azərbaycan-Ermənistan arasında uzun müddətli sülh müqaviləsinin imzalanmasını ehtiva etməlidir. Bu məsələlərin həllinin Rusiya ilə razılaşdırılmasına ehtiyac var. Güman edirəm ki, Ermənistan da Rusiyanın bölgədəki maraqlarını nəzərə alacaq”.

Elşən Manafovun fikirlərinə audiofaylda qulaq asa bilərsiniz

5