Azərbaycan millisinin futbolçuları, arxiv şəkli

Belarus Azərbaycan yığmaları arasında oyundan gözləmək olar

19
(Yenilənib 13:23 02.06.2021)
Belaruslu idman şərhçisi Ruslan Vasilyev hesab edir ki, hər iki komandanın bir qlobal psixoloji problemi var

BAKI, 2 iyun — Sputnik. Futbol üzrə Belarus və Azərbaycan yığmaları arasında Minskdə keçiriləcək yoldaşlıq görüşü yerli tamaşaçılarda böyük maraq doğurmur, çünki milli komanda onları məyus edib. Bunu Sputnik Azərbaycan-ın idman şərhçisinə onun belaruslu həmkarı Ruslan Vasilyev oyundan gözləntilərini bölüşərkən deyib.

Çərşənbə günü, iyunun 2-də Minskdəki "Dinamo" Milli Olimpiya Stadionunda futbol üzrə Belarus və Azərbaycan yığma komandaları arasında yoldaşlıq görüşü keçiriləcək. Canni de Byazinin yetirmələri üçün bu, son bir həftə ərzində ikinci oyun olacaq. Belə ki, mayın 27-də Azərbaycan yığması səfərdə türkiyə yığması ilə oynayıb və 1:2 hesabı ilə məğlub olub.

Belarus komandası isə öz növbəsində son oyununu 2022-ci il Dünya çempionatının seçmə mərhələsi çərçivəsində martın 30-da səfərdə Belçika komandasına qarşı keçirib və 0:8 hesabı ilə məğlub olub.

Belaruslar yığmanın məğlubiyyətindən məyus olublar

"Qarşıdakı oyun Belarus idman həvəskarları üçün ön planda durmur," - deyə Sputnik Azərbaycan-a müsahibəsində belaruslu idman şərhçisi bildirib.

"Məsələ bundadır ki, bu günlərdə Riqada (Latviya) xokkey üzrə dünya çempionatı keçirilir. Həm də bu çempionatın əvvəlcədən Minskdə keçirilməsi planlaşdırılırdı. Odur ki futbol hazırda diqqət mərkəzində deyil. Həm də ki, futbol yığmamız, yumşaq desək, Belçikada alçaldıcı hesabla məğlub olmaqla azarkeşləri çox məyus edib. Odur ki komandanı hələlik yaddan çıxarıblar", - deyə Vasilyev bildirib.

Qeyd edək ki, belorusların məğlubiyyətindən sonra yığma komandanın baş məşqçisi Mixail Marxel istefa verib. Azərbaycan yığması ilə qarşılaşmaya meydan sahiblərini baş məşqçinin vəzifələrini icra edən Georgi Kondratyev çıxaracaq.

"Onun (Marxelin- red.) komandaya rəhbərlik etdiyi son il yarım başdan ayağa məyusluqdan ibarət idi. O, komanda heyəti ilə təcrübələr keçirirdi, biz ard-arda iki oyuna belə eyni heyətlə çıxa bilmirdik. Payızda komandanın yeni baş məşqçisinin olacağını gözləyirik. Müxtəlif variantlar var. Həm də, müvəqqəti baş məşqçinin elə daimi olacağı da mümkündür. Halbuki, Kondrtayev əvvəllər də yığmaya rəhbərlik edib, lakin o da elə bir nailiyyət əldə etməyib", - deyə Vasilyev qeyd edib.

Mütəxəssis deyib ki, Belarus komandasının Azərbaycan yığması ilə oyunu belçikadakı darmadağın olmasının əvəzini çıxmaq üçün istifadə edəcəyinə şübhə edir.

"Bu oyunu gələcək hədəflərə nail olmaq üçün bir məşq kimi nəzərdən keçirmək olar. Təbii ki, əgər belə hədəflər varsa. Biz daimi məşqlərdən və sınaq qarşılaşmalarından elə bezmişik ki, artıq rəsmi oyunlar da bizdə sınaq oyunu kimi keçir. Qlobal mənada bu oyun yeni yüksəlişin başlanğıcı ola bilər. Mən bu cür düşünmək istərdim. Lakin, əgər bizim hələ baş məşqçimiz yoxdursa, hansı reabilitasiyadan və ya yeni dövrün başlanmasından söhbət gedə bilər?!", - deyə şərhçi bildirib.

Azərbaycan komandasında Banişevskilər yoxdur

Yeri gəlmişkən, Belarus və Azərbaycan yığmaları arasında oyun tamaşaçıların iştirakı ilə keçiriləcək. Oyuna biletlər artıq bir həftədir ki, satılır. Lakin idman şərhçisi hesab edir ki, stadionda tamaşaçıların sayı o qədər də çox olmayacaq.

"Düşünürəm ki, tamaşaçıların sayı az olacaq. Burada bəzi məqamlar var. Məsələn, koronavirus. Həm də milli komandanın populyarlığı da sıfıra yaxındır. Ola bilər ki, kimsə Azərbaycan yığmasının oyununa tamaşa etməyə gəlsin. Amma, inciməyin, bizə elə gəlir ki, Azərbaycan futbolunda hazırda Banişevskilər, Cavadovlar, Ponomaryovlar yoxdur", - deyə Sputnik Azərbaycan-ın müsahibi vurğulayıb.

Azərbaycan yığmasına gəldikdə isə, ekspertin fikrincə, bəzi oyunlarda yığma o qədər də pis təsir bağışlamayıb.

"Zənnimcə, Azərbaycan yığması bəzi oyunlarda yaxşı təsir bağışlayırdı. Həm Azərbaycan, həm də Belarus komandasının bir qlobal psixoloji çatışmazlığı var – bu, özünə inamın olmamasıdır. Biz rəqibə həddən artıq rəğbət bəsləyir və öz gücümüzə şübhə ilə yanaşırıq", - deyə Vasilyev fikrini tamamlayıb.

19
Politoloq Elşən Manafov

Politoloq: “Parlament üzvlərinin görüşü əlaqələrin dərinləşdirilməsinə töhfə verir”

3
(Yenilənib 09:52 18.06.2021)
Politoloq Elşən Manafov deyir ki, görüşlər hər iki tərəf üçün hüquqi dövlət quruculuğu prosesində müsbət mənada təsir edir
Elşən Manafov: “Bu görüşləri təbii bir prosesin hissəsi hesab edirəm”

Moskvada Azərbaycan Respublikası Milli Məclisinin və Rusiya Federasiyası Federal Şurasının ikitərəfli əməkdaşlığı üzrə parlamentlərarası komissiyasının 15-ci iclası keçirilib.

Politoloq Elşən Manafov Sputnik Azərbaycan-a deyir ki, iki ölkənin parlament nümayəndələri arasında mütəmadi olaraq belə görüşlərin keçirilməsi ölkələr arası münasibətlər üçün faydalıdır: “Belə görüşlər iki ölkə arasındakı əlaqələrin dərinləşdirilməsinə töhfə verməklə yanaşı regional təhlükəsizliyin təmin dilməsinə də öz təsirini göstərir. Görüşlər parlament nümayəndələri üçün təcrübə mübadiləsi baxımından da önəmlidir. Görüşlər hər iki tərəf üçün hüquqi dövlət quruculuğu prosesində müsbət mənada töhfəsini verir. Bu görüşləri tamamilə təbii bir prosesin hissəsi hesab edirəm”.

Politoloqun geniş şərhinə audiofaylda qulaq asa bilərsiniz

3
İranlı qadın bayraqlarla, arxiv şəkli

İranda prezident seçkisi keçirilir

8
(Yenilənib 09:57 18.06.2021)
İranlılar sayca 13-cü prezidentlərini seçəcəklər. Ölkənin 80 milyonluq əhalisinin 59 milyon 310 min 307 nəfəri səsvermə hüququna malikdir.

BAKI, 18 iyun - Sputnik. Bu gün İranda prezident seçkisi keçirilir. Artıq əsas namizədlərdən biri - İbrahim Rəisi seçkidə səs verib.

Sputnik Azərbaycan-ın məlumatına görə, Rəisi Tehranın cənubundakı Rey rayonunda, Ərşad məscidindəki məntəqədə səs verib.

"Ümid edirəm ki, seçki nəticəsində xalqın problemlərini həll edə biləcək hökumət formalaşdırılacaq", - Rəisi deyib və hər kəsi seçkidə iştiraka səsləyib.

İranda prezident seçkisi

İranlılar sayca 13-cü prezidentlərini seçəcəklər. Seçki məntəqələri yerli vaxtla saat 7:00-da açılıb. İctimai Rəyin Sorğusu üzrə Tələbə Mərkəzinin məlumatına görə, seçkiyə qatılmaq istəyənlərin 63%-i Rəisiyə səs verməyə hazırdır. Rəisinin digər rəqibi Qəbul edilən qərarların məqsədəuyğunluğu Şurasının katibi Möhsin Rezaiyə isə seçicilərin 9%-i etimad göstərir. Digər namizədlər parlament sədrinin müavini Əmirhüseyn Qazizadə Haşimi və keçmiş Mərkəzi Bank rəhbəri Əbdülnasir Himmətidir.

Seçkini işıqlandırmaq üçün İrana 38 ölkədən 226 beynəlxalq medianı təmsil edən 500 jurnalist səfər edib.

İranın 80 milyonluq əhalisinin 59 milyon 310 min 307 nəfəri səsvermə hüququna malikdir. Səsvermə hüququna malik olanlardan 29 milyon 980 min 38 nəfəri kişi, 29 milyon 330 min 269 nəfəri isə qadındır.

1 milyon 392 min 148 nəfər prezident seçkisində ilk dəfə səsvermədə iştirak edəcək.

8
Teqlər:
prezident seçkisi, İran