BAKI, 1 iyun — Sputnik. Ermənistanın birinci prezidenti Levon Ter-Petrosyan baş nazir səlahiyyətlərini icra edən Nikol Paşinyanla debatlardan imtina edib. Sputnik Ermənistan xəbər verir ki, bunu öz "Facebook" səhifəsində Ter-Petrosyanın mətbuat katibi Arman Musinyan bildirib.
Musinyanın sözlərinə görə, Ter-Petrosyanın ölkəni milli fəlakətə gətirən şəxslə danışacağı bir şey yoxdur.
Qeyd edək ki, daha əvvəl Paşinyan Ter-Petrosyan və Ermənistanın ikinci prezidenti Robert Koçaryana iyunun 18-i, parlament seçkilərinə iki gün qalmış Qarabağ mövzusu ilə bağlı İctimai Televiziyada debatlar keçirməyi təklif edib.
Robert Koçaryan hələlik Paşinyanın təklifinə rəsmi cavab verməyib.
Xatırladaq ki, İyunun 18-də Ermənistanda növbədənkənar parlament seçkiləri təyin olunub.
Levon Ter-Petrosyan 1991-1998-ci illərdə Ermənistan prezidenti olub. Ermənistanın ilk prezidentidir.
Robert Koçaryan 1998--2008-ci illərdə Ermənistan prezidenti olub. Ermənistanın ikinci prezidentidir.
Nikol Paşinyan 2018-2021-ci illərdə Ermənistanın baş naziri olub. 2021-ci ilin may ayından baş nazirin səlahiyyətlərini icra edir.
