* AZƏRBAYCAN *
Toyota Mirai

"Toyota Mirai" hidrogen yanacağı ilə məsafə qət etməkdə rekord vurub

9
(Yenilənib 13:55 01.06.2021)
Bütün marşrut boyu yanacaq sərfiyyatı orta hesabla hər 100 km-ə 0,55 kiloqram hidrogen təşkil edib. "Toyota" şirkətinin məlumatına görə, sürücülər qənaətcil sürmə üsulundan istifadə ediblər

BAKI, 1 iyun — Sputnik. Hidrogen əsaslı yanacaqla işləyən "Toyota Mirai" sedan avtomobili əlavə yanacaq doldurmadan uzaq məsafə qət etməkdə yeni dünya rekorduna imza atıb. Sputnik Azərbaycan Rusiya mediasına istinadən xəbər verir ki, Fransanın Luar, Şer, Endr və Luara departamentlərindəki yollarla hidrogen mühərrikli avtomobil üst-üstə 1000 km məsafə qət edib.

Avtomobilə uğur gətirən yürüş mayın 26-da olub. Belə ki, "Toyota Mirai" səhər saat 6 radələrində Parisin cənubundakı Orli kommunasında yerləşən HysetCo hidrogen doldurma stansiyasından (Toyota və Air Liquide şirkətlərinin vençur müəssisəsi) çıxaraq ümumilikdə 1003 km məsafə qət edib. Bu, digər hidrogen avtomobilinin - "Hyundai Nexo"nun analoji göstəricisindən 116 km, "Toyota Mirai"nin öz pasport göstəricisindən isə 353 km çoxdur. Qeyd edək ki, avtomobil həmin məsafəni qət edərkən dörd sürücü bir-birini əvəz edib.

Qeyd edək ki, sürücülər arasında Energy Observer şirkətinin banisi Viktoryen Erüssar da olub. Erüssar həmçinin hidrogen modulu ilə təchiz olunmuş eyni adlı katamaranın kapitanıdır. Bu eksperimental yaxtanın göyərtəsində iki külək generatoru, 130 kv/m günəş panelləri, hidrogen generasiyası üçün iki elektrik mühərriki, elektroliz aparatı və 62 kq hidrogen tutan balonlar quraşdırılıb.

Rekord yürüşü üçün katamaranda olduğu kimi, "Mirai" sedanının yanacaq çəninə də "yaşıl hidrogen" doldurulub. Onun generasiyası üçün elektrik enerjisi bərpa olunan mənbələrdən alınır ki, bu da tullantıların olmaması deməkdir.

Bütün marşrut boyu yanacaq sərfiyyatı orta hesabla hər 100 km-ə 0,55 kiloqram hidrogen təşkil edib. "Toyota" şirkətinin məlumatına görə, sürücülər qənaətcil sürmə üsulundan istifadə etməklə, aramla sürəti artırıb və dayanıblar. Bunun üçün adi avtomobil sürücülərinin sərəncamında olan hansısa xüsusi texnikadan istifadə olunmayıb.

"Toyota" haqqında daha bir maraqlı məlumat

Avstraliyanın "JMax Engineering" şirkəti "Toyota Land Cruiser 70" modelinin 2019-cu il buraxılışına maraqlı tüninq etmək qərarına gəlib. Mütəxəssislər həmin modelə əlavə iki təkər, 2 vinç və güc bamperləri əlavə edərək onu maraqlı pikapa çeviriblər. Hazırda yeni model yerli bazarda təqribən 190000 Avstraliya dollarına təklif olunur (təqribən 146 min manat).

Yeni avtomobilə üçüncü təkər oxunu əlavə etmək üçün mütəxəssislər standart "Land Cruiser 70"in gövdəsini uzatmalı olublar. Bundan əlavə, pikap ciddi yolsuzluq şəraiti üçün bir qədər gücləndirilib. Konkret olaraq yeni modelə iki əlavə vinç, JMax tipli amortizatorlar və güc bamperləri əlavə olunub, onsuz da iri olan görmə bucağı bir qədər də genişləndirilib.

6 təkərli yeni pikap V8tipli 4,5 litr həcmli, 205 at gücündə mühərriklə hərəkətə gətirilir ki, o da 5 pilləli, mexaniki sürətlər qutusuna qoşulub.

 

9
Bakıda kişi gülləri sulayır, arxiv şəkli

Temperatur getdikcə yüksəlir - Sabaha anomal hava?

0
(Yenilənib 14:59 24.06.2021)
Tibbi-meteoroloji proqnoza gəlincə, həftə ərzində Bakıda və Abşeron yarımadasında anomal isti, günün bəzi saatlarında durğun hava şəraiti, zəif küləklərin üstünlüyü, gündüz güclü temperatur diskomfortu gözlənilir.

BAKI, 24 iyun — Sputnik. İyunun 25-də gözlənilən hava şəraiti açıqlanıb. ETSN-nin Milli Hidrometeorologiya Xidmətindən Sputnik Azərbaycan-a verilən məlumata görə, iyunun 25-də Bakıda və Abşeron yarımadasında hava şəraitinin günəşli keçəcəyi gözlənilir. Şimal-şərq küləyi əsəcək, gündüz cənub-şərq küləyi ilə əvəz olunacaq. Havanın temperaturu Abşeron yarımadasında gecə 22-26, gündüz 34-39, bəzi yerlərdə 41, Bakıda gecə 24-26, gündüz 37-39 dərəcə isti olacaq. Atmosfer təzyiqi normadan aşağı 757 mm civə sütunu, nisbi rütubət gecə 55-65, gündüz 35-40 faiz təşkil edəcək.

Abşeron çimərliklərində şimal-şərq küləyi əsəcək, gündüz cənub-şərq küləyi ilə əvəz olunacaq. Dəniz suyunun temperaturu Sumqayıt, Novxanı, Pirşağı, Nardaran, Bilgəh, Zaqulbada 25-26, Türkan, Hövsan, Sahil, Şıxda 26-27 dərəcə isti olacaq.

İyunun 25-də Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq, şərq küləyi əsəcək.

Havanın temperaturu gecə 20-25, gündüz 35-40, bəzi yerlərdə 43, dağlarda gecə 15-20, gündüz 28-33 dərəcə isti olacaq.

Tibbi-meteoroloji proqnoza gəlincə, həftə ərzində Bakıda və Abşeron yarımadasında anomal isti, günün bəzi saatlarında durğun hava şəraiti, zəif küləklərin üstünlüyü, gündüz güclü temperatur diskomfortu gözlənilir ki, bu da əksər əhali üçün əlverişsizdir.

Qeyd edək ki, Ekologiya və Təbii Sərvətlər Nazirliyinin Milli Hidrometeorologiya Xidmətinin rəisi Umayra Tağıyeva da ötən gün Sputnik Azərbaycan-a açıqlamasında anomal istilərlə bağlı xəbərdaqlıq edib. O bildirib ki, həftə ərzində ayrı-ayrı rayonlarda havanın maksimum temperaturunun 40 dərəcəyə yaxın, ayın 24-25-də isə ölkənin əsasən aran bölgələrində temperaturun 42-44 dərəcəyədək yüksəlməsi proqnozlaşdırılır.

0
Teqlər:
Bakı, Azərbaycan, anomal isti, isti, temperatur
Politoloq Elşən Manafov

Politoloq: “Bu məsələlərin həllinin Rusiya ilə razılaşdırılmasına ehtiyac var”

4
(Yenilənib 14:45 24.06.2021)
Politoloq Elşən Manafov deyir ki, danışıqlardakı mövzular da bölgədə təhlükəsizlik, inteqrasiya imkanlarının genişləndirilməsi ilə bağlı problemlərin həllini özündə ehtiva edir
Elşən Manafov: “Ermənistan da Rusiyanın bölgədəki maraqlarını nəzərə alacaq”

Azərbaycan Respublikasının Prezidenti İlham Əliyev iyunun 23-də Rusiya Federasiyasının Prezidenti Vladimir Putinə telefonla zəng edib. Telefon söhbəti zamanı Rusiya, Azərbaycan və Ermənistan liderlərinin 2020-ci il 10 noyabr və 2021-ci il 11 yanvar tarixli bəyanatlarının həyata keçirilməsinin praktiki aspektləri nəzərdən keçirilib. Cənubi Qafqazda iqtisadi əlaqələrin və nəqliyyat kommunikasiyalarının bərpası üzrə üçtərəfli formatda işin fəallaşdırılmasına xüsusi diqqət yetirilib.

Politoloq Elşən Manafov Sputnik Azərbaycan-a deyir ki, bir qayda olaraq prezidentlərin telefon danışıqlarında ikitərəfli maraq doğuran məsələlər müzakirə edilir: “Bu gün danışıqlardakı mövzular da bölgədə təhlükəsizlik, inteqrasiya imkanlarının genişləndirilməsi ilə bağlı problemlərin həllini özündə ehtiva edir. Rusiyanın moderaotlruğu ilə qəbul edilmiş bəyanatlar bölgədə nəqliyyat kommunikasiya xətlərinin bərpası və Azərbaycan-Ermənistan arasında uzun müddətli sülh müqaviləsinin imzalanmasını ehtiva etməlidir. Bu məsələlərin həllinin Rusiya ilə razılaşdırılmasına ehtiyac var. Güman edirəm ki, Ermənistan da Rusiyanın bölgədəki maraqlarını nəzərə alacaq”.

Elşən Manafovun fikirlərinə audiofaylda qulaq asa bilərsiniz

4