Ermənistan və Rusiya Müdafiə Nazirliyinin rəhbərləri Vaqarşak Arutyunyan və Sergey Şoyqunun görüşü (28 may 2021). İrəvan

Şoyqu erməni həmkarına zəng etdi

13
(Yenilənib 17:20 31.05.2021)
Ermənistanın müdafiə naziri səlahiyyətlərini icra edən Vaqarşak Arutunyan mayın 28-i Moskvada səfərdə olub və Şoyqu ilə danışıqlar aparıb.

BAKI, 31 may — Sputnik. Rusiyanın müdafiə naziri Sergey Şoyqu erməni həmkarı Vaqarşak Arutyunyanla telefonla danışıb. Bu barədə Sputnik Ermənistan xəbər verir.

"Mayın 31-i Rusiya Federasiyasının müdafiə naziri, ordu generalı Sergey Şoyqu Ermənistan Respublikasının müdafiə naziri Vaqarşak Arutyunyanla telefonla danışıb. Telefon danışığı zamanı regionda və Rusiya sülhməramlı kontingentinin məsuliyyət zonasında olan rayonlardakı vəziyyət müzakirə edilib", - deyə məlumatda bildirilir.

Qeyd olunur ki, Ermənistanın müdafiə naziri səlahiyyətlərini icra edən Vaqarşak Arutunyan mayın 28-i Moskvada səfərdə olub və Şoyqu ilə danışıqlar aparıb.

***

Qeyd edək ki, mayın 25-i Ermənistanın müdafiə naziri səlahiyyətlərini icra edən Vaqarşak Arutyunyan rusiyalı həmkarı Sergey Şoyqu ilə telefonla danışıb. Bildirilir ki, telefon danışığı zamanı tərəflər Dağlıq Qarabağdakı vəziyyəti, həmçinin qarşılıqlı maraq kəsb edən məsələləri müzakirə ediblər.

"Mayın 25-i axşam saatlarında Rusiya Federasiyasının müdafiə naziri, ordu generalı Sergey Şoyqu Ermənistan Respublikasının müdafiə naziri Vaqarşak Arutyunyanla telefonla danışıb. Telefon danışığı zamanı regionda və Rusiya sülhməramlı kontingentinin məsuliyyət zonasında olan rayonlardakı vəziyyət, o cümlədən qarşılıqlı maraq kəsb edən məsələlər müzakirə edilib", - deyə Rusiya Müdafiə Nazirliyinin yaydığı məlumatda bildirilir.

Ondan əvvəl isə Rusiya müdafiə naziri öz erməni həmkarı ilə mayın 20-də danışmışdı.

 

13
Приморский парк в Баку

Bazar günü 40 dərəcəyədək isti olacaq

2
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

 

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

2

Bu dünyanı dəyişməliyik

6
(Yenilənib 15:07 18.06.2021)
Krasnodarlı rəssam Vladimir Kandr tullantılardan beşmetrlik "Dalğa" adlı qurğu düzəltdi - Ətraflı videomuzda.

 

Rəssam Vladimir Kandr ətraf mühitin çirklənməsi problemindən o qədər narahat olub ki, bu məsələnin həll yolu onun yuxusuna girib. Belə ki, tullantılardan "Dalğa" adlı qurğu düzəltmək ideyası ona yuxuda gəlib.

Vladimir müsahibəsində bildirib ki, üç tondan çox zibil toplayıb, onları yenidən emal edərək yığılıb-sökülən qurğu düzəldib.

"Bu doqquz hissəyə bölünən dalğadır, nəqliyyatla da daşına bilir. Müasir sivilizasiyamızla ətraf mühiti necə məhv etdiyimizi anlamaq üçün qurğunun ortasında bir oyuq da düzəltdim," – deyə rəssam fikirlərini bölüşür.

Kandrın sözlərinə görə, o, dostları ilə həmişə təbiət qoynunda dincəlməyə gedəndə həm də digər turistlərin zibillədiyi əraziləri təmizləməklə məşğul olublar. Belə gəzintilər zamanı metal çəlləklərdən tutmuş konyak şüşələrinə qədər maraqlı və qeyri-adi əşyalara da rast gəlinir.

"Tullantılar yer dəyişdirir, başqa ölkələrdən bizə qədər gəlib çıxır. Hərdən qeyri-adi tapıntılar da olur. Bəzən bir kvadratmetr ərazidə beş alışqan, çox sayda taykeş ayaqqabılara rast gəlmək olar. Onları geyinmək də mümkündür, amma hər tayı fərqli olacaq", – ekoaktivist zarafatla deyir.

Vladimir Kandr onu da bildirib ki, hazırda "Dalğa"dan da böyük yeni layihə üzərində işləyir. Yeni qurğu da eyni tərzdə, ancaq başqa süjet əsasında hazırlanacaq.

6