* AZƏRBAYCAN *

Azərbaycanda turistlərin sevimli məkanı uçmaq təhlükəsi ilə üzləşib - FOTO

245
(Yenilənib 17:15 28.05.2021)
Biganə münasibət ən möhtəşəm abidələrimizdən sayılan “Ulu Körpü”nün dağılmasına gətirib çıxara bilər. Sputnik Azərbaycan turistlərin sevimli məkanının dağılmaq təhlükəsindən yazır.

BAKI, 28 may — Sputnik, İbrahim Həşimov. Qax rayonu ərazisindəki orijinal xüsusiyyətlərə malik qədim tarixi-memarlıq abidələrindən biri də XVII-XVII əsrlərdə inşa edilmiş “Ulu Körpü”dür. İlisu kəndinin yaxınlığında yerləşən körpünün tikintisi üçün olduqca əlverişli bir yer seçilib.

Körpü çay yatağının daraldığı yerdə, sal qayalar üzərində çay daşı, əhəng məhlulu və bişmiş kərpicdən, bəzi mənbələrə görə isə hətta yumurta sarısından istifadə edilməklə inşa olunub. İstifadə olunan materiallar körpünü bu vaxta qədər dayanıqlı saxlayıb. Ancaq biganə münasibət ən möhtəşəm abidələrimizdən sayılan “Ulu Körpü”nün də dağılmasına gətirib çıxara bilər.

Sputnik Azərbaycan-ın bölgə müxbiri xəbər verir ki, hazırda körpünün üzərindən nəqliyyat vasitələri işləməsə də, sel suları onun bəzi hissələrini dağıdıb. İlisu kənd sakinləri də turistlərin ən çox üz tutduğu memarlıq abidələrindən biri olan “Ulu Körpü”nün hazırki vəziyyətindən çox narahatdırlar. Kənd sakini Həmzə Həmzəyev Sputnik Azərbaycan-a bildirib ki, belə hal körpünün görünüşünə xələl gətirir. Əgər dağıntılar bu sürətlə davam edərsə, gələcəkdə körpüdə təhlükəli vəziyyət yarana bilər.

© Sputnik / Ibrahim Hashimov
Qax rayonu ərazisində Ulu körpündə
“Körpü bu vaxta qədər Kürmük çayının gətirdiyi coşqun sel sularına sinə gərib. Sel suları bir çox hallarda körpünün divarlarını yuyub. “Ulu Körpü”nü görməyə hər il minlərlə turist gəlir. Körpüyə baxmağa gələn turistlər körpü üzərindən yalnız piyada hərəkət edə bilərlər. Ancaq bu da körpü üçün yaranmış təhlükənin qarşısını almır”.

Həmzə Həmzəyev deyib ki, “Ulu Körpü”nün təmirinə ehtiyac var.

“Bu körpü qədimi abidədir, İlisu kəndinin gözüdür. Gün ərzində 2- 3 min turist qəbul edir. Özüm şahid olmuşam ki, sel suları bu körpünün üstündən aşır, dağıdır. Yüngülvari təmir edirlər, amma ciddi bərpaya ehtiyacı var”, – deyə H. Həmzəyev qeyd edib.

  • Qax rayonu ərazisində Ulu körpüdə
    © Sputnik / Ibrahim Hashimov
  • Qax rayonu ərazisində Ulu körpüdə
    © Sputnik / Ibrahim Hashimov
  • Qax rayonu ərazisində Ulu körpüdə
    © Sputnik / Ibrahim Hashimov
  • Qax rayonu ərazisində Ulu körpüdə
    © Sputnik / Ibrahim Hashimov
  • Qax rayonu ərazisində Ulu körpüdə
    © Sputnik / Ibrahim Hashimov
1 / 5
© Sputnik / Ibrahim Hashimov
Qax rayonu ərazisində Ulu körpüdə

Məsələ ilə bağlı İlisu Dövlət Tarix-Mədəniyyət Qoruğunun direktoru Azər Qocayev Sputnik Azərbaycan-a bildirib ki, məsələdən xəbərdardırlar və tezliklə təmirə başlayacaqlar.

“Güclü leysan yağışlarından sonra əmələ gələn sel suları körpünün üstündən aşıb keçsə də, bu vaxta kimi ona ciddi ziyan dəyməyib. Yalnız sel sularının təsirindən eroziya və silkələnmələrin yaratdığı dağıntı əmələ gəlir. Yəni daşlar yerindən qopur. Biz də daxili imkanlar hesabına dağıntıları aradan qaldırırıq. Bu il aprel-may aylarında güclü yağışlar yağdı və sel sularından sonra körpüdə bir sıra dağıntılar əmələ gəldi. Sabahdan yan divarlarda təmir işlərinə başlanacaq. Dağıntıları aradan qaldıracağıq və qopub düşmüş daşları yerinə otuzduracağıq”, – deyə A. Qocayev vurğulayıb.

Eləcə də oxuyun:

  • XVII əsrdə inşa olunan və ot basan tarixi abidə təmizləndi

  •  Şuşa məscidi və Xudafərin körpüsü Goranboya "gətirildi"

  •  Ərdəbildə Səfəvilər sülaləsinin banisi - Şeyx Səfiəddinin türbəsi - Fotolent

  •  "İslam irsimizi tanıyaq": İmamzadə ziyarətgahı - VİDEO

  •  İlisudakı sirli yazı oxundu - VİDEO

  • Bomboş qalan cənnət məkan – Orada sükutdan qulaq tutulur

245
Teqlər:
foto, turizm, təhlükə, körpü, Qax, İlisu kəndi
Mövzu:
Azərbaycanın görməli yerləri, turizm obyektləri (70)
Yusif Eyvazov və Anna Netrebko, arxiv şəkli

Yusif Eyvazov Anna Netrebkodan niyə övladının olmadığını açıqladı

5
Rusiyada yaşayan məşhur azərbaycanlı opera müğənnisi karyeraya necə başlamasından, həyat yoldaşı ilə tanışlığından və niyə ondan uşaq sahibi ola bilməməsindən danışıb.

BAKI, 23 iyun — Sputnik. Xalq artisti Yusif Eyvazov müğənni Valeriyanın "Aramızda qalsın" adlı layihəsinə qonaq olub. Azərbaycanlı solist proqramda həyat yoldaşı, Rusiyanın Xalq artisti Anna Netrebkodan niyə övlad sahibi ola bilmədiyinə aydınlıq gətirib.

Peşə seçimi

Uşaq vaxtı mahnı oxumurdum. Oxumaq istədiyimi anlayanda isə təxminən 17-18 yaşım vardı. Bizim ailədə texnoloq və həkimlər üstünlük təşkil edir. Amma mənim bu peşələrə marağım yox idi. Atam onun yolu ilə getməyimi istəyirdi. Hazırlaşıb universitetə daxil oldum. Ali məktəbdə oxuduğum vaxt Şən və Hazırcavablar Komandası ("KVN") yaratmışdılar, mən də üzv oldum. Amma yaxşı "KVN"-çi ola bilmədim.

Çıxışlarımızdan birində mahnı oxumaq lazım idi. Həmin vaxt məni müşayiət edən pianoçu xanım səsimin olduğunu görüb məsləhət verdi ki, Üzeyir Hacıbəyov adına Bakı Musiqi Akademiyasına daxil olum. Ancaq valideynlər bu fikirdə idilər ki, mahnı oxumaqla ailə dolandırmaq olmaz, ona görə də məni bu fikirdən daşındırmağa çalışdılar. Buna baxmayaraq, konservatoriyaya daxil oldum və qərara gəldim ki, estrada müğənnisi olum. Heç indi də notları yaxşı bilmirəm.

Anatoli Qusev adlı bir pedaqoq var, İtaliyada təhsil almış ilk bakılıdır. İndiyə kimi onunla dostluq edirik. İldə bir dəfə Bakıya gəlirdi. Növbəti səfərlərin birində onun yanına getdim. O, mənə dedi: "Əgər oxumaq istəyirsənsə, İtaliyaya getməlisən".

Valideynlərimin məni xaricə göndərmək imkanı yox idi. Onlar mənim İtaliyaya getmək istəyimi sakit qarşıladılar, fikirləşdilər ki, bir müddət sonra bu həvəsim keçəcək. Amma keçmədi. Axırda atam məcbur olub məni İtaliyaya göndərmək üçün tələb olunan dörd min dolları düzəltdi. İki ay İtaliyada yaşayandan sonra bir qəpiyim də qalmamışdı. Evə qayıda bilməzdim. Onda 20 yaşım var idi. İndiki kimi yadımdadır, 1997-ci il idi, qərara gəldim ki, baristalıq edim. Sutkada cəmi dörd saat yatsam da, o dövr həyatımın ən gözəl vaxtları idi. Yaxşı qazanırdım. Bütün Avropanı gəzdim.

İlk çıxış

Bu, İtaliyada baş verdi. Əməlli-başlı biabırçılıq oldu. Üç saat oxudum, hər şey normal idi, ancaq yuxarı not götürmək istəyəndə alınmadı. Xəcalət içində səhnəni tərk etdim. Bu, mənim üçün böyük biabırçılıq idi. Ancaq xaraktercə tez ruhdan düşən insan deyiləm. Bütün dünya mənə deyirdi ki, səndən ifaçı olmaz.

Anna Netrebko ilə tanışlıq

Milanda tanış olduğumuz vaxt o mənə dedi ki, burada heç nə öyrənə bilməyib. Fikirləşdim ki, ya dəlidir, ya da dahi. Bir həftədən sonra onun çıxışını izləyəndə başa düşdüm ki, dahi vokalistdir. Bilirdim ki, premyeradan sonra ayrılacağıq. Agent də ona yaxınlaşmağı qadağan eləmişdi. O vaxt "WhatsApp" yox idi, biz əsasən, elektron poçt vasitəsilə ünsiyyət saxlayırdıq. Premyeradan sonra məni otağından qovdu, səhəri gün isə yazdı ki, artıq mənə olan həvəsi keçib. O, Vyanaya uçdu, amma biz yazışmağa davam elədik.

Sonra o yenidən çıxış etmək üçün Milana gəldi. Xahiş elədim ki, əlavə bir neçə gün də qalsın, razılaşdı. Ayrılıq anı çətin keçdi: başa düşürdüm ki, bəlkə də biz bir daha görüşməyəcəyik. O gedəndən sonra darıxmağa başladım. Onda mənim 35 yaşım var idi, həyatım barədə demək olar ki, fikirləşmirdim. Anna həyatıma yeni nəfəs gətirmişdi. 2014-cü ildə Vyanaya getdim və orada qaldım.

Netrebkonun həyat yoldaşı olmaq...

Anna güclü qadındır, amma mənə onunla yaşamaq asandır. O, kişinin yanında heç vaxt güclü tərəflərini göstərməz. Bu mənada eynilə azərbaycanlı xanımlara bənzəyir. O, heç vaxt kişini alçatmaz. Alçaldılmağa qətiyyən göz yummazdım. Mənim üçün qəbuledilməz iki şey var: xəyanət və hörmətsizlik. Biz ailə qurduğumuz vaxt hamı deyirdi: "Bu, Netrebkonun əridir". Bunu normal qarşılayırdım, bilirdim ki, bundan qaçmaq mümkün deyil, çünki o, ulduzdur. Başladım öz üzərimdə işləməyə. Anna mənim həyatımda ilhamverici qüvvədir. Biz bir-birimizdən çox şey öyrənmişik. İndi mənim yanımdakı qadın yeddi il bundan əvvəlki Anna deyil. Əgər mən ona 25-30 yaşında rast gəlsəydim, yəqin heç bir il də birlikdə yaşaya bilməzdik. Biz onunla övladı dünyaya gələndən sonra tanış olmuşduq. O, axtardığını məndə tapmışdı.

Niyə Netrebkodan övladı yoxdur

Şükür Allaha ki, Tyaqo eynən Annaya bənzəyir. O, xeyirxah və mehriban uşaqdır. İlk dəfə məktəbdə olanda mənə ata dedi. Çox təsirlənmişdim. Həmin an başa düşdüm ki, o mənim ögey deyil, elə doğma oğlumdur. Onun mənim qanımdan, canımdan olmadığını ağlıma belə gətirmirəm. O, həm də mənim ən yaxın dostumdur.

Tyaqo – bizim yeganə övladımızdır, başqa uşağımız olmadı. Anna ilə genetik cəhətdən uyuşmazlığımız var, yəni ayrı-ayrılıqda uşaq sahibi ola bilərik, amma birlikdə bu mümkün deyil. Hər şeyi sınaqdan keçirtsək də, alınmadı. Hətta mənə surroqat anadan övlad sahibi olmaq da təklif edildi. Amma başqa qadından olan övlad istəmirəm. Ona görə də qərar verdik ki, hər şey necə varsa, o cür də qalsın...

5
Футболисты сборной Украины празднуют забитый мяч.

Ukrayna millisi AVRO-2020 pley-off mərhələsində

4
(Yenilənib 22:41 23.06.2021)
Ukraynalılar artıq öz qruplarında üçüncü yeri tutmuş komandalar arasında ilk dördlüyə düşə biliblər.

Futbol üzrə Ukrayna yığma komandası "E" qrupunda bu gün keçirilmiş iki oyundan sonra Avropa çempionatının 1/8 final mərhələsində mübarizəni davam etdirmək hüququ qazanıb.

Çərşənbə günü "E" qrupunda İsveç milisi 3:2 hesabı ilə Polşa yığmasına qalib gəlib, ispanlar isə slovaklara 5 cavabsız top vurublar.

Qruplarda üçüncü yer tutmuş altı komandadan dördü pley-of mərhələsinə çıxır.

Ukrayna millisi "C" qrupunda üç xalla üçüncü yeri tutub, komandanın top fərqi "-1".

Beləliklə, ukraynalılar dəqiqliklə Finlandiya ("В" qrupu, 3 xal, top fərqi "-2") və Slovakiya komandasını ("Е" qrupu, 3 xal, top fərqi "-5") geridə qoyublar.

4