Bakıda Hərbi Qənimətlər Parkı, arxiv şəkli

Hərbi Qənimətlər Parkına getməkdə əsas məqsədlər araşdırılıb

28
(Yenilənib 11:11 24.05.2021)
Sorğuda iştirak edən kişilərin 70, qadınların 78 faizi qeyd edib ki, Hərbi Qənimətlər Parkını ziyarət etməyin üstünlüyü şəhid və qazilərimizin uğurlarına şahid olmaqdır.

BAKI, 24 may — Sputnik. 44 gün davam edən Vətən müharibəsi zamanı müzəffər Azərbaycan Ordusunun düşməndən ələ keçirdiyi hərbi qənimətlərin bir qisminin nümayişi üçün yaradılan Hərbi Qənimətlər Parkı ilə bağlı 10-15 may tarixlərində Media Təhlil Mərkəzi (MTM) tərəfindən sorğu keçirilib. Mərkəzdən Sputnik Azərbaycan-a verilən məlumata görə, sorğuda iştirak edən 1100 respondentin 47%-ni qadınlar, 53%-ni kişilər təşkil edib.

Hərbi Qənimətlər Parkını ziyarət etməyin üstünlükləri barədə verilən suala 3 cavab seçmək imkanı olub. Respondentlərin cavablarının faiz göstəriciləri aşağıdakı kimidir:

Şəhid və qazilərimizin uğurlarının şahidi olmaq – 73,5%;

Canlı tarixi gözlərimizlə görmək – 69,4%;

Döyüş anlarını təsəvvür etmək – 49,6%;

Uşaq və gənclərdə vətənpərvərlik hissinin artırılması – 49,2%;

Hərbi bilikləri artırmaq – 17,9%;

Maraqlı vaxt keçirmək – 13,5%;

Sorğuda iştirak edən kişilərin 70, qadınların 78 faizi qeyd edib ki, Hərbi Qənimətlər Parkını ziyarət etməyin üstünlüyü şəhid və qazilərimizin uğurlarına şahid olmaqdır.

Respondentlərin 73,1%-i hesab edir ki, parkda ən çox diqqət çəkən pavilyon düşmənin müdafiə səddidir. İştirakçıların 20%-i üçün videozal daha maraqlıdır. Suvenir satışı məntəqəsini bəyənənlər isə cavab verənlərin 6,9%-ni təşkil edib.

Eksponatlarla bağlı verilən suala da respondentlərin maksimum 3 cavab vermək imkanı olub. Nəticələr göstərir ki, zirehli texnikaları görmək istəyənlər respondentlərin 70,1%-ni təşkil edir.

Cavab verənlərin 64,5%-i "Artilleriya silahları" variantını seçib. İştirakçıların 56,9%-i silah-sursat eksponatlar sərgisini, 31,1%-i avtomobil texnikalarını, 12,7%-i qoşquları görmək istəyir. Bu suala cavab verməkdə çətinlik çəkənlər respondentlərin 15,6%-ni təşkil edib.

Sorğuda iştirak edən kişilərin 77, qadınların 63 faizi Hərbi Qənimətlər Parkında ən çox zirehli texnikanı görmək istədiklərini bildiriblər.

28
 S7 Airlines aviaşirkətinin sərnişin təyyarəsi, arxiv şəkli

Mahaçqaladan Bakıya birbaşa aviareys olacaq

62
S7 Airlines aviaşirkəti Dağıstan Respublikasından Azərbaycana ilk uçuşunu iyulun 4-də həyata keçirəcək.

 

BAKI, 19 iyun — Sputnik. İyulun 4-dən etibarən Mahaçqala ilə Bakını birbaşa aviareys bağlayacaq. Mahaçqala hava limanının mətbuat xidmətindən bildirildiyinə görə, biletlər artıq satışdadır.

Mahaçqaladan Bakıya ilk uçuş iyulun 4-ü Bakı vaxtı ilə 02:05-ə S7 Airlines aviaşirkətinin təyyarəsi ilə həyata keçirilməlidir.

Boeing 737-800 176 sərnişin tutur. Azərbaycan paytaxtına reyslər hər həftə şənbədən bazara keçən gecə həyata keçiriləcək.

Azərbaycana gələn bütün 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

S7 aviaşirkəti iyunun 15-dən Samaradan Bakıya aviareyslər həyata keçirir.

Həmçinin aviaşirkət iyunun 23-dən Krasnoyarsk-Bakı-Krasnoyarsk marşrutu üzrə uçuşlar həyata keçirəcəklər.

Azərbaycanda fvqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

62
Əli qandallanmış kişi polis bölməsində, arxiv şəkli

Yetkinlik yaşına çatmayan şəxsə qarşı quldurluq edənlər saxlanılıb

11
(Yenilənib 22:58 19.06.2021)
Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

BAKI, 19 iyun - Sputnik. Paytaxtın Xətai rayonu ərazisində yetkinlik yaşına çatmayan bir nəfərə qarşı quldurluq edilib.

Daxili İşlər Nazirliyindən verilən məlumata görə, zərərçəkən şəxs Xətai Rayon Polis İdarəsinə müraciət edərək bildirib ki, M.Hadi küçəsində yerləşən restoranlardan birinin qarşısında iki nəfər tanımadığı şəxs ona yaxınlaşıb.

Daha sonra həmin şəxslər onu əllərində olan bıçaqla həyat və sağlamlığı üçün təhlükəli zorakılıq tətbiq edəcəyi ilə hədələyib mobil telefonunu tələb ediblər. Zərərçəkən telefonu onlara verəndən sonra həmin şəxslər hadisə yerindən qaçıblar.

Məlumat daxil olan kimi Xətai Rayon Polis İdarəsinin Cinayət Axtarışı Şöbəsinin və 36-cı Polis Bölməsinin əməkdaşları tərəfindən hadisə yerinə baxış keçirilib, həmin ünvanda zəruri əməliyyat-istintaq hərəkətləri icra edilib. Həyata keçirilən təxirəsalınmaz axtarış tədbirləri nəticəsində qeyd edilən hadisəni törətməkdə şübhəli bilinən əvvəllər məhkum olunmuş Vasif Əliyev və İlham Həsənov saxlanılaraq istintaqa təqdim ediliblər. Hər iki şəxs ifadələrində törətdikləri cinayəti etiraf ediblər.

Qeyd edək ki, zərərçəkənə məxsus mobil telefon saxlanılan şəxslərin üzərindən aşkar olunaraq maddi sübut kimi götürülüb.

Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

11