Ryanair təyyarəsi Minskdə

Minsk hava limanına təcili eniş sonra baş verənlər: Nələr olur?

2357
(Yenilənib 11:04 24.05.2021)
Bu gün səhər saatlarında Yunanıstan paytaxtından qalxan Ryanair aviaşirkətinin təyyarəsi Minsk şəhərində məcburi eniş edib.

BAKI, 23 may — Sputnik. Ryanair aviaşirkətinin təyyarəsi bazar günü Belarus paytaxtındakı "Minsk" hava limanına eniş edib. Sputnik Azərbaycan xəbər verir ki, bunu flightaware.com saytının məlumatlarından görmək olar.

Təcili eniş

Saytın məlumatına əsasən, Boeing 737-800 təyyarəsi Afinadan saat 10.29-da qalxıb, lakin Vilnüsə eniş etməyib.

"Minsk" hava laimanının mətbuat xidmətindən Sputnik-ə bildirildiyinə görə, təyyarə hava limanına eniş üçün müraciət edib.

"Təyyarə mina qoyulması xəbərinə görə bizdə enib və uğurla enib. Daha sonra istehkamçılar təyyarəyə baxış keçiriblər", – mətbuat xidmətindən deyilib.

Qurumdan əlavə ediblər ki, mina qoyulması xəbəri təsdiqlənməyib.

FHN-dən bildirilib ki, 13.09-da təyyarəyə qəza-xilasetmə texnikası göndərilib, lakin xilasedicilərin köməyinə ehtiyac olmayıb.

Ryanair təyyarəsi Minskdə
© ONLINER.BY / AFP
Ryanair təyyarəsi Minskdə

Müşayiət qırıcısı

"Пул Первого" teleqram kanalının məlumatına görə, təyyarə ilə bağlı vəziyyət barədə Belarus Prezidenti Aleksandr Lukaşenkoya xəbər verilib vəo, təyyarəni qəbul etmək əmrini verib. Təyyarəni müşayiət etmək üçün havaya MiQ-29 qırıcısı qaldırılıb.

Belarus Müdafiə nazirliyinin şərhi

Baş qərargah rəisi, HHQ və HƏM qoşunları komandanının birinci müavini general-mayor Andrey Qurtseviçin dediyinə əsasən, Belarus hava məkanında minalanma ehtimalı olan təyyarənin olması xəbəri alındıqdan sonra hava əleyhinə müdafiə üzrə növbətçi qüvvələr 1№li hazırlıq vəziyyətinə gətiriliblər.

Ryanair təyyarəsinin komandiri təyyarəni "Minsk" hava limanına endirmək qərarı verdikdən və onu bu istiqamətə döndərdikdən sonra Baranoviçi aerodromundan havaya MiQ-29 qaldırılıb.

"Növbətçi heyət nəzarət, lazım gəldikdə isə mülki təyyarəyə Minsk-2 aerodromuna təhlükəsiz eniş etməyə yardım etmək tapşırığını almışdı", – Qurtseviç deyib.

Təyyarə uğurla eniş etdikdən sonra növbətçi heyət öz bazasına qayıdıb.

Cinayət işi

Belarus İK bildirib ki, təyyarəyə mina qoyulması xəbərini vermə faktı üzrə cinayət işi açılıb.

"İstintaq məlumatlarına əsasən, mayın 23-də gündüz saatlarında Afina-Vilnüs reysini həyata keçirən təyyarəyə mina qoyulması barədə məlumat alınıb. Məlumatın yoxlanılması üçün təyyarə "Minsk" hava limanına eniş edib'', – qurumun məlumatında deyilir.

Hadisə yerində DİN istehkam-pirotexniki qrupu və əməliyyat-istintaq qrupu işləyiblər. Partlayıcı vasitələr aşkar olunmayıb.

Təhlükə barədə yalan məlumat vermə faktı üzrə cinayət işi İstintaq komitəsinin Oktyabr rayonu (Minsk şəhəri) şöbəsi tərəfindən qaldırılıb.

Protaseviçin saxlanılması

Təyyarədə 100-dən artıq sərnişin olub.

Onların arasında Belarusda ekstremist sayılan teleqram kanalının yaradıcısı Roman Protaseviç də var.

Ötən ilin noyabrında Belarus DTK kanalın yaradıcıları Stepan Putilo və Roman Protaseviçi terrorçuluğa aid şəxslər siyahısına daxil edib.

Onların barəsində Belarus Cinayət Məcəlləsinin üç maddəsi üzrə cinayət işi qaldırılıb.

Məlumdur ki, ötən həftə DTK-nın terrorçuluğa aidiyyəti olan şəxslər sırasına daxil etdiyi Belarus prezidentliyinə keçmiş namizəd Svetlana Tixanovskaya Afinada səfərdə olub. Mayın 13-də Tixanovskaya Yunanıstan Prezidenti Katerina Sakellaropullo ilə görüşüb. Tixanovskaya bir həftə əvvəl eyni reyslə Vilnüsə qayıdıb.

* Həmçinin oxuyun:

Ryanair şirkətinin "başıbəlalı" təyyarəsi Vilnüsə çatıb

2357
 S7 Airlines aviaşirkətinin sərnişin təyyarəsi, arxiv şəkli

Mahaçqaladan Bakıya birbaşa aviareys olacaq

67
S7 Airlines aviaşirkəti Dağıstan Respublikasından Azərbaycana ilk uçuşunu iyulun 4-də həyata keçirəcək.

 

BAKI, 19 iyun — Sputnik. İyulun 4-dən etibarən Mahaçqala ilə Bakını birbaşa aviareys bağlayacaq. Mahaçqala hava limanının mətbuat xidmətindən bildirildiyinə görə, biletlər artıq satışdadır.

Mahaçqaladan Bakıya ilk uçuş iyulun 4-ü Bakı vaxtı ilə 02:05-ə S7 Airlines aviaşirkətinin təyyarəsi ilə həyata keçirilməlidir.

Boeing 737-800 176 sərnişin tutur. Azərbaycan paytaxtına reyslər hər həftə şənbədən bazara keçən gecə həyata keçiriləcək.

Azərbaycana gələn bütün 1 yaşdan 18 yaşadək olan sərnişinlərin uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

Yaşı 18-dən yuxarı olan sərnişinlərin tam vaksinasiya olunması və ya COVID-19 xəstəliyindən sağalması barədə müvafiq ölkənin verdiyi rəsmi sənədin (COVID Pasport) və uçuşdan əvvəl 72 saat ərzində verilmiş COVID-19-a dair PCR testinin neqativ nəticəsini təsdiq edən rəsmi sənəd təqdim etməlidirlər.

S7 aviaşirkəti iyunun 15-dən Samaradan Bakıya aviareyslər həyata keçirir.

Həmçinin aviaşirkət iyunun 23-dən Krasnoyarsk-Bakı-Krasnoyarsk marşrutu üzrə uçuşlar həyata keçirəcəklər.

Azərbaycanda fvqustun 1-dək xüsusi karantin rejimi qüvvədədir. Quru yolla beynəlxalq sərnişin daşımaları praktiki olaraq kəsilib, avianəqliyyat isə yalnız xüsusi uçuşlar həyata keçirir.

67
Əli qandallanmış kişi polis bölməsində, arxiv şəkli

Yetkinlik yaşına çatmayan şəxsə qarşı quldurluq edənlər saxlanılıb

12
(Yenilənib 22:58 19.06.2021)
Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

BAKI, 19 iyun - Sputnik. Paytaxtın Xətai rayonu ərazisində yetkinlik yaşına çatmayan bir nəfərə qarşı quldurluq edilib.

Daxili İşlər Nazirliyindən verilən məlumata görə, zərərçəkən şəxs Xətai Rayon Polis İdarəsinə müraciət edərək bildirib ki, M.Hadi küçəsində yerləşən restoranlardan birinin qarşısında iki nəfər tanımadığı şəxs ona yaxınlaşıb.

Daha sonra həmin şəxslər onu əllərində olan bıçaqla həyat və sağlamlığı üçün təhlükəli zorakılıq tətbiq edəcəyi ilə hədələyib mobil telefonunu tələb ediblər. Zərərçəkən telefonu onlara verəndən sonra həmin şəxslər hadisə yerindən qaçıblar.

Məlumat daxil olan kimi Xətai Rayon Polis İdarəsinin Cinayət Axtarışı Şöbəsinin və 36-cı Polis Bölməsinin əməkdaşları tərəfindən hadisə yerinə baxış keçirilib, həmin ünvanda zəruri əməliyyat-istintaq hərəkətləri icra edilib. Həyata keçirilən təxirəsalınmaz axtarış tədbirləri nəticəsində qeyd edilən hadisəni törətməkdə şübhəli bilinən əvvəllər məhkum olunmuş Vasif Əliyev və İlham Həsənov saxlanılaraq istintaqa təqdim ediliblər. Hər iki şəxs ifadələrində törətdikləri cinayəti etiraf ediblər.

Qeyd edək ki, zərərçəkənə məxsus mobil telefon saxlanılan şəxslərin üzərindən aşkar olunaraq maddi sübut kimi götürülüb.

Faktla bağlı Xətai Rayon Polis İdarəsinin İstintaq Şöbəsində Cinayət Məcəlləsinin müvafiq maddəsi ilə cinayət işi başlanılıb, istintaq tədbirləri davam etdirilir.

12