Asim Mollazadə, arxiv şəkli

Azərbaycanlı deputat İsrailə dəstəyini ifadə etdi: Unutmayacağıq

39
(Yenilənib 19:30 21.05.2021)
Asim Mollazadə səfir Corc Dikə: Azərbaycan xalqı ən ağır günlərində onun yanında olan İsrail xalqının dəstəyini unutmayacaq.

 

BAKI, 21 may — Sputnik. Demokratik İslahatlar Partiyasının sədri, millət vəkili Asim Mollazadə partiyanın qərargahında İsrailin Azərbaycandakı fövqəladə və səlahiyyətli səfiri Corc Diki qəbul edib.

Partiyanın Mətbuat xidmətindən Sputnik Azərbaycan-a verilən məlumata görə, görüşdə Azərbaycan-İsrail münasibətləri, Azərbaycan ərazilərinin işğaldan azad edilməsindən sonra bölgədə yaranmış vəziyyət, Qəzza zolağında baş verən son hadisələr müzakirə edilib.

Asim Mollazadə Azəraycanla İsrail arasında uzun illərə və ənənələrə əsaslanan dostluq münasibətlərinin olduğunu, həmin münasibətlərin bu gün də uğurla davam etdiyini deyib. O, Azərbaycan ərazilərinin işğal azad edilməsi yolunda İsrailin ölkəmizə birmənalı dəstəyinə və mövqeyinə görə səfirə minnətdarlığını bildirib. Qeyd edib ki, Azərbaycan xalqı ən ağır günlərində onun yanında olan İsrail xalqının dəstəyini unutmayacaq.

Millət vəkili İsraillə Fələstin arasında yaşanan gərginliyə, bu münaqişədən ən çox dinc insanların zərər görməsinə də təəssüfünü ifadə edib. Bildirib ki, Azərbaycana dost olan İsraillə Fələstin arasında yaşanan qarşıdurmanın tezliklə tərəflərin iradəsi əsasında sona çatacağına, bölgədə uzunmüddətli sülhə nail olunacağına ümid edir.

Asim Mollazadə qonağa rəhbərlik etdiyi partiyanın fəaliyyəti barədə də ətraflı məlumat verib.

Səfir səmimi qəbula, xoş arzulara və siyasi dəstəyə görə partiya sədrinə təşəkkür edib.

39
Приморский парк в Баку

Bazar günü 40 dərəcəyədək isti olacaq

7
(Yenilənib 13:00 19.06.2021)
Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

BAKI, 19 iyun — Sputnik. Azərbaycanda iyunun 20-də gözlənilən hava şəraiti açıqlanıb.

Milli Hidrometeorologiya Xidmətindən Sputnik Azərbaycan-a verilən məlumata görə, Bakıda və Abşeron yarımadasında sabah hava şəraitinin günəşli keçəcəyi gözlənilir.

Şimal-şərq küləyi gündüz cənub-şərq küləyi ilə əvəz olunacaq. Havanın temperaturu gecə 23-25 isti, gündüz 30-35 isti, Bakıda gecə 23-25 isti, gündüz 32-34 dərəcə isti olacaq.

Atmosfer təzyiqi norma daxilində 760 mm civə sütunu, nisbi rütubət gecə 60-70 faiz, gündüz 40-45 faiz olacaq.

Abşeron çimərliklərində şimal-şərq küləyi gündüz cənub-şərq küləyi ilə əvəz olunacaq. Dəniz suyunun temperaturu şimal çimərliklərində: (Sumqayıt, Novxanı, Pirşağı, Nardaran, Bilgəh, Zaqulba) 22-23° isti, cənub çimərliklərində: (Türkan, Hövsan, Sahil, Şıx) 23-24° isti olacaq.

Tibbi-meteoroloji proqnoza gəlincə, Abşeron yarımadasında meteoroloji amillərin mülayim tərəddüdü gözlənilir ki, bu da meteohəssas insanlar üçün əsasən əlverişlidir.

Azərbaycanın rayonlarında havanın əsasən yağmursuz keçəcəyi gözlənilir. Səhər bəzi dağlıq ərazilərdə duman olacaq. Şərq küləyi əsəcək. Havanın temperaturu gecə 20-25 isti, gündüz 35-40 isti, dağlarda gecə 13-18 isti, gündüz 22-27 dərəcə isti olacaq.

7

Bu dünyanı dəyişməliyik

6
(Yenilənib 15:07 18.06.2021)
Krasnodarlı rəssam Vladimir Kandr tullantılardan beşmetrlik "Dalğa" adlı qurğu düzəltdi - Ətraflı videomuzda.

 

Rəssam Vladimir Kandr ətraf mühitin çirklənməsi problemindən o qədər narahat olub ki, bu məsələnin həll yolu onun yuxusuna girib. Belə ki, tullantılardan "Dalğa" adlı qurğu düzəltmək ideyası ona yuxuda gəlib.

Vladimir müsahibəsində bildirib ki, üç tondan çox zibil toplayıb, onları yenidən emal edərək yığılıb-sökülən qurğu düzəldib.

"Bu doqquz hissəyə bölünən dalğadır, nəqliyyatla da daşına bilir. Müasir sivilizasiyamızla ətraf mühiti necə məhv etdiyimizi anlamaq üçün qurğunun ortasında bir oyuq da düzəltdim," – deyə rəssam fikirlərini bölüşür.

Kandrın sözlərinə görə, o, dostları ilə həmişə təbiət qoynunda dincəlməyə gedəndə həm də digər turistlərin zibillədiyi əraziləri təmizləməklə məşğul olublar. Belə gəzintilər zamanı metal çəlləklərdən tutmuş konyak şüşələrinə qədər maraqlı və qeyri-adi əşyalara da rast gəlinir.

"Tullantılar yer dəyişdirir, başqa ölkələrdən bizə qədər gəlib çıxır. Hərdən qeyri-adi tapıntılar da olur. Bəzən bir kvadratmetr ərazidə beş alışqan, çox sayda taykeş ayaqqabılara rast gəlmək olar. Onları geyinmək də mümkündür, amma hər tayı fərqli olacaq", – ekoaktivist zarafatla deyir.

Vladimir Kandr onu da bildirib ki, hazırda "Dalğa"dan da böyük yeni layihə üzərində işləyir. Yeni qurğu da eyni tərzdə, ancaq başqa süjet əsasında hazırlanacaq.

6