Sosial reabilitasiya mərkəzində qadın, arxiv şəkli

Ötən il 40 qadın məişət zorakılığın qurbanı olaraq öldürülüb

12
(Yenilənib 14:16 21.05.2021)
"Təxminən 5 faizədək artım olub. Daha çox dərinləşmiş faktlar ondan ibarətdir ki, zorakılıq faktları qəddarlıqla ölüm halının bitməsi ilə nəticələnir. Məsələn, ötən il 40 qadın məişət zəminində zorakılığın qurbanı olaraq öldürülüb" - Elgün Səfərov.

BAKI, 21 may — Sputnik. "Pandemiya ilində ailə sistemi, ailə siyasəti ən çox zərər alanlar sırasındadır. Pandemiya ilində bütün dünyada məişət zorakılığı və intiharlar artdı. Təkcə 1 il ərzində, yəni COVID-19-un hökm sürdüyü ildə məişət zorakılığı 35 faiz, Sinqapurda 31 faiz artıb. Rusiya federasiyasıda isə bu rəqəm 27 faiz artıb. Pandemiya ili Azərbaycana da təsirsiz ötüşməyib".

Ailə, Qadın və Uşaq problemləri üzrə Dövlət Komitəsinin informasiya və analitik tədqiqatlar şöbəsinin müdiri Elgün Səfərov bu gün Sputnik Azərbaycan-ın mətbuat mərkəzində təşkil edilən onlayn çıxışı zamanı deyib.

O bildirib ki, pandemiya ili çərçivəsində Azərbaycanda zorakılıq faktlarının artımı o qədər də gözəçarpan həddə olmasa da, bəzi arzuolunmaz hallar da baş verib:

"Təxminən 5 faizədək artım olub. Daha çox dərinləşmiş faktlar ondan ibarətdir ki, zorakılıq faktları qəddarlıqla ölüm halı ilə bitməsiylə nəticələnir. Məsələn, ötən il 40 qadın məişət zəminində zorakılığın qurbanı olaraq öldürülüb".

O bildirib ki, məişət zorakılığının qarşısını almaq üçün 2010-cu ildə qəbul edilən qanun, 2011-2012-ci illərdə qəbul edilən qaydalar, Mühafizə Ordeninin tətbiqi, QHT-lərin tərkibində sığınacaqların açılması, psixoloji yardım göstərən qaynar xəttin 2020-ci ildən istismara verilməsi, milli fəaliyyət planı bizə müsbət nəticələr əldə etməyə kömək edib: "Lakin bu, o demək deyil ki, biz hansısa problemin tamamilə qarşısını almışıq. Problemlər var, faktlar var".

 

 

12
Нападающий сборной Швеции Александер Исак

AVRO-2020: İspaniya İsveç arasında çempionatın ilk qolsuz heç-heçəsi qeydə alındı

4
(Yenilənib 01:10 15.06.2021)
Futbol üzrə Avropa çempionatında E qrupunda ilk turdan sonra birinci yerə gözlənilmədən Slovakiya millisi çıxıb.

BAKI, 15 iyun - Sputnik. AVRO-2020-də E qrupunda ilk görüşünə çıxan İspaniya yığması öz meydanında İsveçlə qarşılaşıb.

Sevilyadakı Olimpiya Stadionunda təşkil olunmuş görüş heç-heçə ilə yekunlaşıb - 0:0. Bu, AVRO-2020-də yeganə qolsuz matç olub.

Oyuna 10 559 azarkeş canlı baxıb.

Noyabrın 25-də 19 yaşı tamam olacaq İspaniya yığmasının yarımmüdafiəçisi Pedri milli komandasının heyətində Avropa çempionatında oynamış ən gənc futbolçu olub.

E qrupunda turun digər görüşündə Slovakiya Polşanı 2:1 hesabı ilə məğlub edib.

İspaniya yığması Avropa çempionatının növbəti oyununda iyunun 19-da Sevilyada Polşa yığması ilə qarşılaşacaq. İsveç millisi iyunun 18-də Sankt-Peterburqda slovaklarla oynayacaq.

4
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

110
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

110