Tehran şəhərinə mənzərə, arxiv şəkli

İranda Genetiklərin Beynəlxalq Konqresi keçirilir

9
ABŞ, Kanada, Hollandiya, İtaliya, Fransa, Türkiyə, Böyük Britaniya, Oman, Yeni Zelandiya və İranın bir sıra elmi mərkəzlərini təmsil edən həkimlər sonsuzluğun müalicəsi üçün yeni metodların hazırlanmasına dair məruzə ilə çıxış edəcəklər.

BAKI, 21 may — Sputnik. Genetiklərin IV Beynəlxalq Konqresi İranın Yəzd şəhərində işini davam etdirir. Sputnik Azərbaycan İran mediasına istinadən xəbər verir ki, onlayn rejimdə keçirilən tədbirdə dünyanın bir sıra ölkələrindən bu sahədə çalışan həkimlər iştirak edib.

Konqres çərçivəsində dörd ayrı bölmədə sonsuzluqdan əziyyət çəkən cütlüklərin müalicəsinə dair genetika sahəsində aparılan təcrübələrin nəticələri açıqlanacaq: kişi genetikası və sonsuzluq, qadın genetikası və sonsuzluq, insan səhiyyəsinə istiqamətlənmiş genetika, reproduksiya və doğuşdan əvvəl dölün xəstəliklərinin diaqnostikası.

İki gün davam edəcək konqresdə ABŞ, Kanada, Hollandiya, İtaliya, Fransa, Türkiyə, Böyük Britaniya, Oman, Yeni Zelandiya və İranın bir sıra elmi mərkəzlərini təmsil edən həkimlər sonsuzluğun müalicəsi üçün yeni metodların hazırlanmasına dair məruzə ilə çıxış edəcəklər.

9
Bakıya Xəzərdən mənzərə

Azərbaycan Rusiya XİN nümayəndələri məsləhətləşmə keçiriblər

2
Görüşdə Xəzər dənizinin hüquqi statusu haqqında Konvensiyanın implementasiyası ilə bağlı məsələlər, dövlət başçıları səviyyəsində növbəti Xəzər Zirvə Toplantısına hazırlıqla əlaqədar tədbirlər müzakirə edilib.

BAKI, 18 iyun — Sputnik. Azərbaycan Respublikası Xarici İşlər Nazirliyində Azərbaycan Respublikası ilə Rusiya Federasiyası arasında Xəzər dənizi məsələləri üzrə ikitərəfli məsləhətləşmələr keçirilib.

Bu barədə Sputnik Azərbaycan-a Xarici İşlər Nazirliyinin Mətbuat xidməti idarəsindən məlumat verilib.

Məsləhətləşmələrdə Azərbaycan tərəfini Xarici İşlər nazirinin müavini, Azərbaycan Respublikası Prezidentinin sərhəd və Xəzər dənizi məsələləri üzrə xüsusi nümayəndəsi Xələf Xələfov, Rusiya tərəfini isə Xarici İşlər Nazirliyinin xüsusi tapşırıqlar üzrə səfiri, Rusiya Federasiyası Prezidentinin MDB üzv dövlətləri ilə Rusiya Federasiyasının dövlət sərhədinin delimitasiyası və demarkasiyası üzrə xüsusi nümayəndəsi Mixail Petrakov təmsil edib.

Görüşdə Xəzər dənizinin hüquqi statusu haqqında Konvensiyanın implementasiyası ilə bağlı məsələlər, dövlət başçıları səviyyəsində növbəti Xəzər Zirvə Toplantısına hazırlıqla əlaqədar tədbirlər müzakirə edilib, eləcə də Xəzəryanı dövlətlər arasında hazırda razılaşdırma mərhələsində olan sahəvi əməkdaşlıq məsələləri ilə bağlı saziş layihələri danışıqların mövzusu olub.

Görüşdə, həmçinin Xəzər dənizi məsələləri üzrə Yüksək Səviyyəli İşçi Qrupun növbəti iclasının keçirilməsi və gündəliyinə dair məsələlər ətrafında geniş fikir mübadiləsi aparılıb.

Eləcə də oxuyun:

2
Teqlər:
Azərbaycan XİN, Rusiya XİN, məsləhətləşmə, Xəzər dənizi

FHN göldə boğulan hərbçimizin axtarışına başlayıb

4
Kapitan İlham Fərzəliyevin axtarışına FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu cəlb olunub.

 

BAKI, 18 iyun — Sputnik. Fövqəladə Hallar Nazirliyi (FHN) Kəlbəcərdə göldə boğulan hərbçinin axtarışına başlayıb. Sputnik Azərbaycan-ın xəbərinə görə, nazirliyin "112" qaynar telefon xəttinə Kəlbəcər rayonu ərazisində Böyük Alagöl gölündə 1981-ci il təvəllüdlü Fərzəliyev İlham Allahverdi oğlunun batması barədə məlumat daxil olub. FHN-in Kiçikhəcmli Gəmilərə Nəzarət və Sularda Xilasetmə Dövlət Xidmətinin dalğıc-axtarış qrupu axtarışlara cəlb olunub.

Qeyd edək ki, dünən Müdafiə Nazirliyinin mətbuat xidmətindən Azərbaycan Ordusunun hərbi qulluqçusu, kapitan Fərzəliyev İlham Allahverdi oğlunun göldə çimərkən boğularaq həlak olması ilə bağlı məlumatı təsdiq ediblər. Bildirilib ki, kapitan İlham Fərzəliyev dünən Kəlbəcər rayonu ərazisində yerləşən Alagöldə çimərkən boğularaq ölüb. Faktla əlaqədar cinayət işi başlanıb, araşdırma aparılır.

Xatırladaq ki, martın 30-da da buna bənzər daha bir faciə baş vermişdi. Azərbaycan ordusunun hərbi qulluqçusu gizir Əliyev Heydər Rövşən oğlu Xocavənd rayonu ərazisində xidmətdən kənar vaxtda göldə çimməyə cəhd göstərən boğularaq ölmüşdü.

Eləcə də oxuyun:

  • Laçında yol qəzasında ölən hərbçilərlə bağlı yeni xəbər var - FOTOLAR

  • Sərhəddə iki hərbçimiz həlak olub

4