Zahid Oruc, arxiv şəkli

"Bizim həbsxanalar erməni hərbçiləri üçün təhlükəsiz yerdir" - Komitə sədri

15
(Yenilənib 13:34 21.05.2021)
"Minlərlə şəxsə cinayət işinin açılması ilə Ermənistan məhkəməsi 100 il əvvəlki andraniklərin, njdelərin varisi sayılan ordunun fərarilərinin qəhrəmanlardan çox olduğunu dünyaya elan edir".

Xalid Məmmədov, Sputnik Azərbaycan

BAKI, 21 may — Sputnik. "Ermənistan İstintaq Komitəsinin ötən ilin 22 dekabr tarixli məlumatına görə, fərarailik edən 1358 nəfərə cinayət işi qaldırılıb. Sonra məlumat qapalı saxlanılıb, lakin qeyri-rəsmi mənbələr ittiham olunanların 10000 nəfərə yaxın olduğunu bildirir. Qarabağda yaşayan və xalqımıza qarşı təcavüzkarlıq etməyən, əlinə silah götürməyən və atəş əmrini yerinə yetirməyən, döyüş meydanını tərk edən ermənilərin cəzalandırılmasına dövlətimiz hüquqi-siyasi qiymət verməli, döyüşməkdən imtina etdikləri üçün xəyanətdə suçlandırılan şəxslərin həbsini pisləməsi vacibdir".

Sputnik Azərbaycan xəbər verir ki, bunu parlamentin bugünkü iclasında İnsan hüquqları komitəsinin sədri Zahid Oruc deyib.

Komitə sədri bildirib ki, əslində, süngü gücünə səngərə gətirilən minlərlə adamın döyüşməməsi torpaqların kimə məxsusluğunu göstərir:

"Eyni zamanda, sual olunur - vuruşmaqdan imtina edən erməni hərbçilərinin əsas arqumenti nə olub? Cavabı erməni əsgərləri verir - göydən od yağırdı və yoldaşlarımızı külə çevirirdi. Bəli, fakitiki olaraq, Qarabağda döyüşlərə cəlb olunan 40 minə qədər hərbçinin 5-6 mini məhv olubsa, 10 mindən çox yaralı varsa, yerdə qalanların da az qala 30 faizi fərarilikdə ittiham edilirsə, deməli Ermənistan siyasi hakimiyyəti öz vətəndaşları ilə müharibə vəziyyətindədir. Nəinki savaş, eləcə də sülh dövründə Ermənistanda fərarilik geniş yayılmışdı".

"Qarabağda demoqrafik ölüm yaşandığını, azərbaycanlılarla birgə olduqları vaxtı saylarının artdığını, işğal illərində isə azaldığını və qızların da oğlanlardan çoxluğunun müharibə bağlılığını Prezident Armen Sarkisyan "RBK Daily"ə müsahibəsində etiraf etmişdi", - Komitə sədri əlavə edib. 

"Minlərlə şəxsə cinayət işinin açılması ilə Ermənistan məhkəməsi 100 il əvvəlki andraniklərin, njdelərin varisi sayılan ordunun fərarilərinin qəhrəmanlardan çox olduğunu dünyaya elan edir. Ona görə də bizim həbsxanalar erməni hərbçiləri üçün təhlükəsiz yerdir. Ermənistanın hərbi generalı Levon Stepanyan deyir ki, hamını həbsə ata bilməzlər. Halbuki onlarla siyasətçinin fərariliyi olan yerdə hərbçiləri günahlandırmaq doğru deyil. Baxın, Sarkisyan qarşıdakı parlament seçkilərinə qatılmayacaq. Bu hərbi məğlubiyyətin birbaşa nəticəsidir. Ən böyük fərarilər Sarkisyanla Köçəryanın özüdür", - deyə o bildirib.

Zahid Oruc əlavə edib ki, Vətən müharibəsində hərbçilərimiz arasında fərarilik olmayıb: "Bu fakt qələbəmizin ən böyük şərtlərindən biridir. Biz, hətta ölkəmizdə yaşayan ermənilərin içərisindən bir nəfəri zorla aparıb ön cəbhədə süngünün qabağında öz millətindən olanlara atəş açmağa məcbur etməmişik. Lakin Ermənistan hakimiyyəti öz vətəndaşlarına qarşı zor tətbiq edir".

15
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

89
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

89
Namiq Qaraçuxurlu, arxiv şəkli

Tanınmış meyxanaçı da bəladan qurtula bilmədi

224
Bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

BAKI, 14 iyun — Sputnik. Meyxanaçı Namiq Qaraçuxurlu koronavirusa yoluxub. Sputnik Azərbaycan xəbər verir ki, bu barədə o, özünün "Instagram" hesabında məlumat yayıb:

"Əzizlərim narahat olmasın deyə koronavirusa yoluxmağımı gizli saxlamaq istədim. Təəssüf ki, kiminsə ağzının boş olması buna imkan vermədi. Bu həyəcanı sevənlərimə verdiyim üçün üzr istəyirəm. Bildirmək istəyirəm ki, xəstəliyi çox yüngül keçirirəm, saytların bildirdiyi kimi xəstəxanada deyiləm və tezliklə sağalıb, Vətənə geri dönəcəyəm"

Xatırladaq ki, bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

Qeyd edək ki, Namiq Qaraçuxurlu Azərbaycanda meyxana sənətinə bir çox yeniliklər gətirib. Uzun illər meyxana sənəti ilə məşğul olan sənətçi "Rəvayət" adlı meyxansı ilə tamaşaçıların qəlbinə yol tapıb. Həmin meyxanadan sonra gündəmdən düşməyən meyxanaçı səhnəmizin bir çox müğənniləri ilə duet ortağı olub.

224