8 Noyabr metrostansiyasının girişi, arxiv şəkli

"8 Noyabr" stansiyası ilə bağlı yayılan görüntü səsə aydınlıq gətirildi

19
(Yenilənib 15:10 18.05.2021)
"Bu yayılan video montajdır. Belə bir şey yoxdur. Səsdə kəsilmə də var. Stansiyada fon olaraq hansı ifanın səslənəcəyi də hələlik bəlli deyil".

Sputnik, Nigar İsgəndərova

BAKI, 18 may — Sputnik. Sosial şəbəkələrdə "8 Noyabr" stansiyasında çəkildiyi iddia edilən video yayılıb. Videoda  "8 Noyabr Stansiyası"nın adı səsləndirilir. Arxa fonda isə şəhid Xudayar Yusifzadənin səsləndirdiyi "Xudayar təsnifi" eşidilir. Sosial şəbəkə istifadəçilərinin bir qismi bu videonun real, bir qismi isə montaj olduğunu bildirir.

Bu yayılan videonun nə dərəcədə real, nə dərəcədə montaj olduğunu aydınlaşdırmağa çalışdıq.

"Bakı Metropoliteni" Qapalı Səhmdar Cəmiyyətinin mətbuat katibi Bəxtiyar Məmmədov Sputnik Azərbaycan-a açıqlamasında bu məsələyə aydınlıq gətirib. O yayılan məlumatın həqiqəti əks etdirmədiyini bildirib: "Bu yayılan video montajdır. Belə bir şey yoxdur. Səsdə kəsilmə də var. Stansiyada fon olaraq hansı ifanın səslənəcəyi də hələlik bəlli deyil".

Qeyd edək ki, II Qarabağ müharibəsində qələbəmizin adını daşıyan "8 Noyabr" stansiyası üzrə təmir-tikinti işləri tamamlanmaq üzrədir. Ötən gün metropoliten rəsmisi B.Məmmədov Sputnik Azərbaycan-a açıqlamasında bildirmişdi ki, hazırda avadanlıqların quraşdırılması, sistemlərin bir-biri ilə əlaqəli sinxron işinin təmin olunması, işçi heyətinin hazır vəziyyətdə olması və s. kimi məsələlər həll olunur.

19
Kinoteatrda tamaşaçı, arxiv şəkli

Avropa filmləri festivalı fərqli formatda başlayıb

28
(Yenilənib 23:27 14.06.2021)
Festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

BAKI, 14 iyun — Sputnik. Avropa İttifaqının Azərbaycandakı nümayəndə heyətinin Aİ üzv ölkələri səfirliklərilə birgə təşkil etdiyi Avropa filmlərinin ilk onlayn festivalı iyunun 14-dən 29-dək keçiriləcək.

Sputnik Azərbaycan xəbər verir ki, tədbir çərçivəsində Aİ üzvü 13 ölkənin istehsalı olan 10 film nümayiş etdiriləcək. Bunlar Almaniya, Belçika, Çex Respublikası, Finlandiya, Fransa, İspaniya, Latviya, Litva, Lüksemburq, Macarıstan, Polşa, Rumıniya, Yunanıstandır. Filmlərin çoxu bir neçə ölkənin birgə istehsalıdır.

Festivalın açılış mərasimi onlayn formatda keçirilərək Aİ-nin Azərbaycandakı səfiri Kestutis Yankauskasın nitqilə başlayıb. 2010-cu ildən bu yana hər il keçirdikləri festival çərçivəsində Azərbaycanda artıq 148 film nümayiş etdirildiyini deyən diplomat daha sonra bildirib:

"Bu il festivalımızın ilk dəfə onlayn formatda keçirilməsi Avropa filmlərini həm Bakıda, həm də bütün ölkə boyu azərbaycanlı tamaşaçılara daha da yaxınlaşdıracaq. Film hekayə nəql etmək, hissləri çatdırmaq, fikirlər doğurmaq iqtidarındadır. Biz də bu festival vasitəsilə Avropa mədəniyyətini daha yaxşı tanıtdırmaq, Azərbaycan və Avropa İttifaqı xalqları arasında mədəni anlaşmaya təkan vermək ümidindəyik".

Qeyd edək ki, festivala çıxarılan filmlərin əksəriyyəti Kann (Oleg", "Fire Will Come", "The Fight"), Toronto, San Sebastian ("Listening"), "Sundance 2020", Sarayevo 2020 ("Acasa, My Home"), Edinburq ("Aurora") beynəlxalq festivallarının qalibidir.

28
Namiq Qaraçuxurlu, arxiv şəkli

Tanınmış meyxanaçı da bəladan qurtula bilmədi

176
Bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

BAKI, 14 iyun — Sputnik. Meyxanaçı Namiq Qaraçuxurlu koronavirusa yoluxub. Sputnik Azərbaycan xəbər verir ki, bu barədə o, özünün "Instagram" hesabında məlumat yayıb:

"Əzizlərim narahat olmasın deyə koronavirusa yoluxmağımı gizli saxlamaq istədim. Təəssüf ki, kiminsə ağzının boş olması buna imkan vermədi. Bu həyəcanı sevənlərimə verdiyim üçün üzr istəyirəm. Bildirmək istəyirəm ki, xəstəliyi çox yüngül keçirirəm, saytların bildirdiyi kimi xəstəxanada deyiləm və tezliklə sağalıb, Vətənə geri dönəcəyəm"

Xatırladaq ki, bir neçə gün əvvəl Rusiyadan ölkəyə qayıtmaq istəyən meyxanaçı Bakıya qayıdarkən virusa yoluxduğundan xəbərdar olub. Bu səbəblə də o Moskvanı tərk edə bilməyib və orada karantinə alınıb.

Qeyd edək ki, Namiq Qaraçuxurlu Azərbaycanda meyxana sənətinə bir çox yeniliklər gətirib. Uzun illər meyxana sənəti ilə məşğul olan sənətçi "Rəvayət" adlı meyxansı ilə tamaşaçıların qəlbinə yol tapıb. Həmin meyxanadan sonra gündəmdən düşməyən meyxanaçı səhnəmizin bir çox müğənniləri ilə duet ortağı olub.

176