Sinovac Biotech şirkətinin CoronaVac peyvəndi, arxiv şəkli

Quterreş vaksinə qarşı davamlı koronavirus mutasiyalarının əmələ gəlməsini istisna etmir

12
(Yenilənib 12:52 11.05.2021)
"Əgər COVID "qlobal cənubda" meşə yanğını kimi yayılsa, onun getdikcə daha çox növü və mutasiyası əmələ gələcək və hazırkı vaksinlərə qarşı davamlı olan virusun əmələ gəlməsi riski var", - BMT Baş katibi.

BAKI, 11 may — Sputnik. BMT Baş katibi Antoniu Quterreş yoxsul ölkələrdə infeksiyanın fəal şəkildə yayılması halında koronavirusunun valsinlərə qarşı davamlı mutasiyalarının əmələ gələcəyi barədə xəbərdarlıq edib.

"Mən hazırkı vəziyyətdən çox narahatam. Bəzi ölkələr öz əhalisini çox sürətlə peyvəndləyirlər. Lakin hələ də bəzi ölkələr var ki bir doza belə almayıblar. Ümumilikdə inkişaf etməkdə olan ölkələrdə vaksinasiya məsələsində böyük boşluq görürük", - deyə Quterreş bildirib.

Onun sözlərinə görə, "əgər COVID "qlobal cənubda" meşə yanğını kimi yayılsa, onun getdikcə daha çox növü və mutasiyası əmələ gələcək və hazırkı vaksinlərə qarşı davamlı olan virusun əmələ gəlməsi riski var".

"Bu, o deməkdir ki, hamı təhlükəsizlikdə olmayana qədər heç kim təhlükəsizlikdə deyil", - o əlavə edib.

12
Politoloq Elşən Manafov

Politoloq: “Parlament üzvlərinin görüşü əlaqələrin dərinləşdirilməsinə töhfə verir”

3
(Yenilənib 09:52 18.06.2021)
Politoloq Elşən Manafov deyir ki, görüşlər hər iki tərəf üçün hüquqi dövlət quruculuğu prosesində müsbət mənada təsir edir
Elşən Manafov: “Bu görüşləri təbii bir prosesin hissəsi hesab edirəm”

Moskvada Azərbaycan Respublikası Milli Məclisinin və Rusiya Federasiyası Federal Şurasının ikitərəfli əməkdaşlığı üzrə parlamentlərarası komissiyasının 15-ci iclası keçirilib.

Politoloq Elşən Manafov Sputnik Azərbaycan-a deyir ki, iki ölkənin parlament nümayəndələri arasında mütəmadi olaraq belə görüşlərin keçirilməsi ölkələr arası münasibətlər üçün faydalıdır: “Belə görüşlər iki ölkə arasındakı əlaqələrin dərinləşdirilməsinə töhfə verməklə yanaşı regional təhlükəsizliyin təmin dilməsinə də öz təsirini göstərir. Görüşlər parlament nümayəndələri üçün təcrübə mübadiləsi baxımından da önəmlidir. Görüşlər hər iki tərəf üçün hüquqi dövlət quruculuğu prosesində müsbət mənada töhfəsini verir. Bu görüşləri tamamilə təbii bir prosesin hissəsi hesab edirəm”.

Politoloqun geniş şərhinə audiofaylda qulaq asa bilərsiniz

3
İranlı qadın bayraqlarla, arxiv şəkli

İranda prezident seçkisi keçirilir

7
(Yenilənib 09:57 18.06.2021)
İranlılar sayca 13-cü prezidentlərini seçəcəklər. Ölkənin 80 milyonluq əhalisinin 59 milyon 310 min 307 nəfəri səsvermə hüququna malikdir.

BAKI, 18 iyun - Sputnik. Bu gün İranda prezident seçkisi keçirilir. Artıq əsas namizədlərdən biri - İbrahim Rəisi seçkidə səs verib.

Sputnik Azərbaycan-ın məlumatına görə, Rəisi Tehranın cənubundakı Rey rayonunda, Ərşad məscidindəki məntəqədə səs verib.

"Ümid edirəm ki, seçki nəticəsində xalqın problemlərini həll edə biləcək hökumət formalaşdırılacaq", - Rəisi deyib və hər kəsi seçkidə iştiraka səsləyib.

İranda prezident seçkisi

İranlılar sayca 13-cü prezidentlərini seçəcəklər. Seçki məntəqələri yerli vaxtla saat 7:00-da açılıb. İctimai Rəyin Sorğusu üzrə Tələbə Mərkəzinin məlumatına görə, seçkiyə qatılmaq istəyənlərin 63%-i Rəisiyə səs verməyə hazırdır. Rəisinin digər rəqibi Qəbul edilən qərarların məqsədəuyğunluğu Şurasının katibi Möhsin Rezaiyə isə seçicilərin 9%-i etimad göstərir. Digər namizədlər parlament sədrinin müavini Əmirhüseyn Qazizadə Haşimi və keçmiş Mərkəzi Bank rəhbəri Əbdülnasir Himmətidir.

Seçkini işıqlandırmaq üçün İrana 38 ölkədən 226 beynəlxalq medianı təmsil edən 500 jurnalist səfər edib.

İranın 80 milyonluq əhalisinin 59 milyon 310 min 307 nəfəri səsvermə hüququna malikdir. Səsvermə hüququna malik olanlardan 29 milyon 980 min 38 nəfəri kişi, 29 milyon 330 min 269 nəfəri isə qadındır.

1 milyon 392 min 148 nəfər prezident seçkisində ilk dəfə səsvermədə iştirak edəcək.

7
Teqlər:
prezident seçkisi, İran