Entoni Blinken, arxiv şəkli

Blinken Rusiyaya təzyiq göstərilməsinə çağırdı

11
(Yenilənib 11:35 05.05.2021)
"Rusiyanın davranışlarına diqqət yetirmək, hərəkətlərinə görə Rusiyanı məsuliyyətə cəlb etmək və Moskvanı beynəlxalq müqavilələrə və öhdəliklərinə əməl etməsi üçün təzyiq göstərmək üçün birlikdə çalışmalıyıq"

BAKI, 5 may — Sputnik. Birləşmiş Ştatların Dövlət katibi Entoni Blinken Rusiyanın beynəlxalq öhdəliklərə əməl etməsi məqsədilə bu ölkəyə təzyiq etməyə çağırıb. Sputnik Azərbaycan xəbər verir ki, bu barədə Blinken öz "Twitter" hesabında yazıb.

"Rusiyanın davranışlarına diqqət yetirmək, hərəkətlərinə görə Rusiyanı məsuliyyətə cəlb etmək və Moskvanı beynəlxalq müqavilələrə və öhdəliklərinə əməl etməsi üçün təzyiq göstərmək üçün birlikdə çalışmalıyıq", - deyə Blinken öz "Twitter" hesabında yazıb.

Blinken eyni zamanda söhbətin məhz hansı öhdəliklərdən getdiyini açıqlamayıb.

11

"Eurovision-2021": Azərbaycan təmsilçisi finala yüksəldi

36
Rotterdamda 16 ölkədən olan nümayəndələrin iştirakı ilə beynəlxalq mahnı müsabiqəsinin birinci yarımfinalı keçirilib.

BAKI, 19 may — Sputnik. Azərbaycanın "Eurovision-2021" beynəlxalq mahnı müsabiqəsindəki təmsilçisi Samirə Əfəndi (Efendi) mayın 22-də Ahoy zalının səhəsində keçiriləcək finala yüksəlib.

Mayın 18-i gecə saatlarında Rotterdamda müsabiqənin birinci yarımfinalı keçirilib. Yarımfinalda 16 ölkənin - Azərbaycan, Litva, Sloveniya, Rusiya, İsveç, Avstraliya, Şimali Makedoniya, İrlandiya, Kipr, Norveç, Xorvatiya, Belçika, İsrail, Rumıniya, Ukrayna və Maltanın nümayəndələri iştirak ediblər.

Samirə Efendi "Mata Hari" mahnısı ilə 14-cü çıxış edib.

Builki müsabiqənin şüarı “Open up!”-dır. İkinci yarımfinal mayın 20-də keçiriləcək.

Xatırladaq ki, Azərbaycan təmsilçiləri artıq bir dəfə bu mötəbər müsabiqənin qalibi olublar. 2011-ci ildə Eldar Qasımov - Nigar Camal cütlüyü bu uğura imza atıb.

36
Təcili tibbi yardım avtomobili, arxiv şəkli

Lənkəranda piyadanın ölümü ilə nəticələnən yol-nəqliyyat hadisəsi olub

9
Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib.

BAKI, 18 may - Sputnik, Rahim Muradov. Lənkəranda avtomobil piyadanı vurub. Sputnik Azərbaycan-ın məlumatına əsasən, hadisə rayonun Şağlaser kəndi ərazisində baş verib.

Gecə saatlarında adı hələlik məlum olmayan Masalli rayonu Alvadı kənd sakini idarə etdiyi "VAZ 2107" markalı minik avtomobili ilə Şağlaser kənd sakini 57 yaşlı Ağaziyad Əliyevi vurub. Qəzanı törədən sürücü öz avtomobili ilə A.Əliyevi Lənkəran Mərkəzi Xəstəxanasına gətirib. Xəsarət alan A.Əliyev xəstəxanaya gətirilərkən yolda dünyasını dəyişib. Ağaziyad Əliyevin meyiti aidiyyatı üzrə Məhkəmə Tibbi Ekspertiza və Və Patoloji Anatomiya Mərkəzinin Lənkəran Rayon Şöbəsinə təhvil verilib.

Faktla bağlı araşdırma aparılır.

9