Vitali Vıqranovski

Qırx gün ac-susuz qalan rus yutuber həyatını itirdi

23
"Necə keçdi? Bu, sadəcə bir oyundur. Çox qəribə təcrübədir. Yeməyə heç bir meylim yoxdur. Bədənim tamam yenilənib, hər bir hüceyrəmə qədər təzələnmişəm".

BAKI, 4 may — Sputnik. 40 gün ac-susuz qala biləcəyini iddia edən, "YouTube"da xeyli sayda abunəçiyə sahib rus Vitali Vıqranovski bu təcrübənin sonuna yaxın həyatını itirib.

Sputnik Türkiyə-nin yaydığı məlumata görə, o, "challenge"ə bu ilin mart ayında Moskvada başlayıb. Ancaq Vıqranovski aclığın onuncu günündə vəziyyətinin pisləşdiyini, şəhər atmosferinin onu narahat etdiyini deyərək Abxaziyaya yola düşdüyünü və "challenge"inə orada davam edəcəyini bildirib.

Yutuber iddiasının iyirminci günündə isə toxluq hiss etdiyini, arıqladığını və fiziki hərəkət etmək üçün enerjisinin qalmadığını deyib.

Otuz beşinci gündə artıq ölmək üzrə olduğunu bildirməsinə baxmayaraq, "challenge"ə davam edən yutuber bunları bildirib: "Necə keçdi? Bu, sadəcə bir oyundur. Çox qəribə təcrübədir. Yeməyə heç bir meylim yoxdur. Bədənim tamam yenilənib, hər bir hüceyrəmə qədər təzələnmişəm".

Bundan sonra Vıqranovskinin yaxınları sosial mediada verdikləri açıqlamada yutuberin "challenge"in sonunda həyatını itirdiyini bildiriblər. Onun dəqiq ölüm səbəbi isə hələlik açıqlanmayıb.

 

23

İsraillilər dua edərkən tribuna çökdü - VİDEO

5
(Yenilənib 23:05 16.05.2021)
İsrailin Givat-Zeev yaşayış məntəqəsində sinaqoqun tribunası çöküb, xeyli adam yaralanıb. Hadisə yerindən video sosial şəbəkələrdə yayılıb.

KİV-in məlumatına görə, hadisə zamanı yaralananların sayı artıq 160 nəfəri ötüb. İki nəfərin həlak olduğu deyilir. Daha altı nəfərin vəziyyəti ağırdır. 

Hüquq mühafizə orqanları dini ayin keçirilən zaman bütün təhlükəsizlik qaydalarına riayət olunub-olunmamasını araşdırır.

5
Teqlər:
yaralılar, çökmə, tribuna, sinaqoq, İsrail

Gürcüstanda svanlar azərbaycanlılara hücum etdilər, dava düşdü - VİDEO

7
Milliyyətcə svan olan bir qrup şəxs azərbaycanlı sahibkar Qəşəm Şamilovun işlətdiyi mağazanın qarşısına gələrək ona, eləcə də mağazanın qarşısındakı azərbaycanlı gənclərə hücum edib.

BAKI, 16 may - Sputnik. Gürcüstanın Dmanisi rayonunda azərbaycanlılarla svanlar arasında kütləvi dava düşüb.

Sputnik Azərbaycan bildirir ki, bu barədə məlumatı APA yerli sakinlərə istinadən yayıb. Xəbərə görə, insident bu gün saat 5 radələrində rayonun “9 aprel” küçəsində baş verib.

Sakinlərin məlumatına görə, milliyyətcə svan olan bir qrup şəxs azərbaycanlı sahibkar Qəşəm Şamilovun işlətdiyi mağazanın qarşısına gələrək ona, eləcə də mağazanın qarşısındakı azərbaycanlı gənclərə hücum edib.

Hadisə zamanı bir neçə nəfərin ciddi xəsarət aldığı bildirilir. Q.Şamilovun sözlərinə görə, dava svanların aldıqları məhsulun pulunu ödəmək istəməməsi səbəbi ilə baş verib.
Faktla əlaqədar Gürcüstan Daxili İşlər Nazirliyi araşdırmalara başlayıb.

Eləcə də oxuyun:

Tbilisidə Azərbaycan və Türkiyə əleyhinə təxribat baş verib

* "Gürcüstana qarşı Rusiyanın mövqelərini dəstəkləməliyik" – Millət vəkili

Gürcüstan DTX Azərbaycanla münasibətlərə qəsdən zərər vurmaq cəhdlərinin olduğunu açıqladı

 

7
Teqlər:
azərbaycanlılar, Gürcüstan, dava