Ofisdə iş, arxiv şəkli

Bu peşələr tezliklə yoxa çıxa bilər

19
(Yenilənib 23:57 03.05.2021)
Bəzi peşələr mahiyyətcə köhnəlib, bəziləri tamamilə itib, bir qisim peşə isə elə dəyişib ki, onların mənimsənilməsi üçün qısamüddətli kursları bitirmək kifayətdir.

BAKI, 4 may — Sputnik. Yaxın vaxtlarda bir çox klassik peşələri ciddi təkamül gözləyir. Sputnik Azərbaycan Rusiya mediasına istinadən xəbər verir ki, bunu Rusiya Federasiyası hökuməti yanında Maliyyə Universitetinin prorektoru Aleksandr Safonov deyib.

Onun qənaətinə görə, yaxın on il ərzində mühasib peşəsi hazırkı anlamda yoxa çıxacaq. Odur ki, bu peşənin sahibləri əmək bazarında öz yerini qoruyub saxlamaq üçün əlavə olaraq auditor və vergi məsləhətçisi vərdişlərinə də yiyələnməli olacaqlar.

Bundan əlavə, itmək təhlükəsi ilə üzləşəcək peşələr arasında sürücülük peşəsi də var. Bu, avtopilot sistemlərinin getdikcə inkişafı ilə əlaqədardır.

"Teplovoz, elektrovoz, tramvay maşinistləri, habelə trolleybus və avtobus sürücüləri də eyni reallıqla qarşılaşa bilərlər. Bu peşə sahibləri artıq indidən, onların yerini elektronika tutacağı təqdirdə, nə ilə məşğul olacaqları barədə düşünməlidirlər", - deyə Safonov bildirib.

Arqument olaraq prorektor təyyarələrin ekipaj üzvlərinin sayının azalmasını gətirib. Belə ki, əgər əvvəllər təyyarə kabinəsində beş nəfərə qədər adam olurdusa, hazırda bütün idarəetmə prosesi üçün iki nəfərin olması kifayətdir. Yaxın gələcəkdə isə bu işlərin öhdəsindən bir pilotun gələcəyi də mümkündür.

Qeyd edək ki, 2020-ci ilin sentyabr ayından Rusiya kolleclərində peşələrin siyahısı dəyişdirilib. Belə ki, peşələrin siyahısından son beş il ərzində abituriyentlər arasında tələbat olmayan təqribən 100 sənətin adı çıxarılıb.

Onların arasında "emallı qab istehsalçısı", "kağız istehsalında quruducu", "toxucu", "ilməvuran", "elektron texnika məmulatlarının montajçısı" və "radiooperator" peşələri də var. Qeyd olunur ki, bəzi peşələr mahiyyətcə köhnəlib, bəziləri tamamilə itib, bir qisim peşə isə elə dəyişib ki, onların mənimsənilməsi üçün qısamüddətli kursları bitirmək kifayətdir.

2019-cu ildə Rusiya Dövlət Duması əmək, sosial siyasət və veteranlarla iş üzrə komitəsinin üzvü Oleq Şeyin 2030-cu ilə qədər bəzi peşələrin itməsi səbəbindən Rusiyada 15 milyona qədər insanın işsiz qala biləcəyini deyib. Onun sözlərinə görə, Rusiyada satıcı, mühafizəçi və sürücü kimi peşələrin itməsi dördüncü sənaye inqilabı ilə əlaqədardır. Deputatın fikrincə, dördüncü sənaye inqilabının əsas xüsusiyyəti ondan ibarətdir ki, insanlar getdikcə işə bir zərurət kimi deyil, yaradıcılıq kimi yanaşmağa başlayırlar.

19
Flora Kərimova, arxiv şəkli

Flora Kərimova illər sonra Şuşadakı məhəllələrində - VİDEO

3
Müğənni Şuşanın bəzi küçələrini, eyni zamanda Bülbülün, Xurşudbanu Natəvanın, Üzeyir Hacıbəyovun güllələnmiş heykəllərini ziyarət edib.

BAKI, 17 may — Sputnik. Xalq artisti Flora Kərimova illər sonra işğaldan azad olunan Şuşa şəhərindəki məhəllələrində olub. Sputnik Azərbaycan xəbər verir ki, bu barədə o, özünün "Instagram" hesabında paylaşım edib. Müğənni Şuşanın bəzi küçələrini, eyni zamanda Bülbülün, Xurşudbanu Natəvanın, Üzeyir Hacıbəyovun güllələnmiş heykəllərini ziyarət edib. Kərimova Şuşadakı uşaqlıq xatirlələri haqqında da izləyicilərinə məlumat verib.

Посмотреть эту публикацию в Instagram

Публикация от Flora Kərimova (@flora_kerimova_official)

"Havasından doymadığım, suyuna susadığım ocağım – Şuşam", - deyə Flora Kərimova paylaşıma şərh bildirib.

Eləcə də oxuyun:

Şuşanı ərəblərin vasitəsilə dünyaya göstərdilər - FOTO

* Həsrəti sovuran unudulmaz iki gün: Şuşada "Xarı-bülbül" festivalı - VİDEO

* Şuşada bu ifa hamını təsirləndirdi - Prezident kövrəldi, Nazir ağladı - Video

3
Teqlər:
video, Flora Kərimova, Şuşa
Vaşinqtonda Kapitoliy qarşısında ABŞ bayraqları, arxiv şəkli

"ABŞ Fransa ermənilərin Qarabağdakı statusuna dair köhnəlmiş tezislərdən əl çəkməlidir"

4
(Yenilənib 20:35 17.05.2021)
Regionda davamlı sülhün bərqərar olmasının yeganə yolu Cənubi Qafqazda hər 3 ölkənin ərazi bütövlüyünə hörmətdən asılıdır. Bu həmçinin müxtəlif etnik icmaların öz iqtisadi və mədəni hüquqlarını inkişaf etdirmələrinə şərait yaratmaq əsasında həyata keçirilməlidir.

Eldar Tanrıverdiyev, Sputnik Azərbaycan

BAKI, 17 may — Sputnik. Beynəlxalq Münasibətlərin Təhlili Mərkəzinin İdarə Heyətinin (BMTM) sədri Fərid Şəfiyev Ermənistan-Azərbaycan sərhədində baş verən son prosesləri şərh edib.

Sputnik Azərbaycan xəbər verir ki, Fərid Şəfiyev bildirib ki, son günlər Ermənistan-Azərbaycan sərhədində vəziyyət iki ölkə arasında yenidən gərginliyin artmasına və beynəlxalq vasitəçilərin diqqətinin yenidən bölgəyə yönəlməsinə səbəb olub:

"Təəssüf ki, Azərbaycan torpaqlarının işğalı faktını 30 ilə yaxındır görməzdən gələn sözügedən vasitəçilər və dünya mediası bu dəfə keçmiş işğalçı ölkəyə dəstək göstərməyə tələsir və heç bir halda regionda sülhə xidmət etməyən, yanlış mesajlar verirlər.

İlk olaraq qeyd edilməlidir ki, Ermənistan hələ də Azərbaycanın bir sıra yaşayış məskənlərini - Naxçıvanda Kərki kəndini və Qazaxın Sofulu, Bərxudarlı, Bağanis Ayrım, Qızıl Hacılı, Yuxarı Əskipara, Aşağı Əskipara və Xeyrimli olmaqla ümumilikdə 7 kəndini işğal altında saxlayır. İkincisi, Ermənistan anlamalıdır ki, iki ölkə arasında 30 ilə yaxın işğal altında qalmış sərhəd mövcuddur və İrəvandakı hökumət bu müddət ərzində sərhədə malik olmaq hissini itirib.

Üçüncüsü, delimitasiya iki ölkənin ərazi bütövlüyünü hörmət əsasında həyata keçirilməlidir. Əfsuslar olsun ki, Ermənistan siyasi partiyaları tərəfindən səsləndirilən fikirlərdə barışığa dair heç bir əlamət müşahidə olunmur. Dördüncüsü, beynəlxalq vasitəçilər, xüsusilə Fransa tərəfindən səsləndirilən mesajlar qəbuledilməzdir və sülhü təşviq etmək əvəzinə, vəziyyəti daha da gərginləşdirir. Bütün vasitəçilər, o cümlədən ABŞ və Fransa ermənilərin Qarabağdakı statusuna dair köhnəlmiş tezislərdən əl çəkməlidirlər.

Regionda davamlı sülhün bərqərar olmasının yeganə yolu Cənubi Qafqazda hər 3 ölkənin ərazi bütövlüyünə hörmətdən asılıdır. Bu həmçinin müxtəlif etnik icmaların öz iqtisadi və mədəni hüquqlarını inkişaf etdirmələrinə şərait yaratmaq əsasında həyata keçirilməlidir. Bu baxımdan məsələyə ikili standartlarla yanaşma yalnız "parçala, hökmranlıq et" imperialist tezisi əsasında region idarə etmək istəyən qüvvələrə xidmət edir.

Azərbaycan ötən ilki müharibədə qəti qələbə qazanmaqla öz mövqeyini möhkəmləndirib və bu baxımdan Azərbaycan xalqının təhlükəsizliyini təhdid altına ala biləcək istənilən cəhd uğursuz olacaq".

Eləcə də oxuyun:

* Lavrovdan Zəngəzur açıqlaması: "Emosiyaların qızışıdırılmasına ehtiyac yoxdur"

* Fransadan Ceyhun Bayramova zəng gəldi - Sərhəddə...

* Məktub yetişmədi və ya Kreml təmsilçisindən Paşinyanın məktubu ilə bağlı etiraf

 

4
Teqlər:
Fransa, Ermənistan, ABŞ, Qarabağ, Azərbaycan, Zəngəzur