"Nizamidən Yunusa: Birlik ilə baxmaq" tamaşası nümayiş olunacaq

© pixabay / marybettiniblankСцена театра, фото из архива
Сцена театра, фото из архива - Sputnik Azərbaycan, 1920, 03.05.2021
Abunə olmaq
50 dəqiqəlik tamaşa Yunus Əmrə və Nizami Gəncəvinin həyat və yaradıcılığını özündə ehtiva edir. Tamaşanın məqsədi hər iki mütəfəkkirin fəlsəfəsini gənc nəsillərə çatdırmaqdır

 

BAKI, 3 may — Sputnik. Azərbaycanda bu il dahi şair və mütəfəkkir Nizami Gəncəvinin 880 illiyi münasibətilə "Nizami Gəncəvi İli", Türkiyədə də böyük şair və mütəfəkkir Yunus Əmrənin vəfatının 700 illiyi münasibətilə "Yunus Əmrə İli" elan olunub. Bu münasibətlə Bakı Yunus Əmrə İnstitutu, iki ölkənin tanınmış rəssamı, layihə rəhbəri Günay Zebiçin (Mehdizadə) ssenarisi əsasında Türkiyənin və Azərbaycanın iki böyük şairinin ictimaiyyətə tanıdılması məqsədilə "Nizamidən Yunusa: Birlik ilə baxmaq" tamaşasını nümayiş olunacaq.

Sputnik Azərbaycan xəbər verir ki, tamaşa mayın 7-də Beynəlxalq Muğam Mərkəzində epidemiya şəraiti nəzərə alınaraq tamaşaçısız səhnəyə qoyulacaq. 50 dəqiqəlik tamaşa Yunus Əmrə və Nizami Gəncəvinin həyat və yaradıcılığını özündə ehtiva edir. Tamaşanın məqsədi hər iki mütəfəkkirin fəlsəfəsini gənc nəsillərə çatdırmaqdır.

Qeyd edək ki, tamaşa Azərbaycan Milli Konservasiyası tərkibində İncəsənət Gimnaziyasının şagirdlərinin təqdimatında nümayiş ediləcək.

Xəbər lenti
0