AstraZeneca peyvəndi, arxiv şəkli

Paşinyan Ermənistanda vaksinasiya olunanların sayının biabırçı həddə olduğunu bəyan etdi

10
(Yenilənib 14:58 29.04.2021)
Ölkədə cəmi 2690 nəfərin peyvənd olunduğunu açıqlayan Paşinyan bütün nazirlərə bir həftə ərzində peyvənd vurdurmağı əmr etdi.

BAKI, 29 aprel — Sputnik. Baş nazir kimi səlahiyyətlərini müvəqqəti icra edən Nikol Paşinyan Ermənistanda koronavirusa qarşı vaksinasiya olunanların sayının biabırçı dərəcədə aşağı olduğunu bəyan edərək bütün hökumət üzvlərinə bir həftə ərzində COVID-19-a qarşı peyvənd vurdurmağı tapşırıb. Sputnik Ermənistan-ın yaydığı məlumata görə, o, bu barədə hökumət üzvləri ilə keçirdiyi iclasda danışıb.

"Gəlin, özümüzdən başlayaq. Bu salondakıların hamısının bir həftə ərzində koronavirusa qarşı peyvənd olunacağı barədə razılığa gələk", – deyə Paşinyan hökumət üzvlərinə müraciətində bildirib.

O, həmçinin məlumat verib ki, hazırda bütün Ermənistan üzrə cəmi 2690 nəfər peyvənd vurdurub

"İndi peyvənd olunmuş vətəndaşların sayı ölkələrin bütün mənalarda keyfiyyət göstəricisi sayılır: iqtisadi, mədəni, siyasi", - deyə Paşinyan qeyd edib.

Ermənistanın səhiyyə naziri Anait Avenesyan isə iclasda bildirib ki, hazırda ölkədə 18 yaşdan yuxarı bütün vətəndaşlar peyvənd oluna bilərlər. Gələn həftədən isə mobil həkim qrupları vaksinasiya prosesini yerində həyata keçirmək üçün fəaliyyətə başlayacaq.

Qeyd edək ki, aprelin 28-də Ermənsitan baş nazirinin müavini Tiqran Avinyan və səhiyyə naziri Anait Avenesyan "AstraZeneсa" preparatı ilə peyvənd olunublar. Hazırda Ermənistanda bu preparatla yanaşı, Rusiya istehsalı olan "Sputnik V" peyvəndindən də istifadə olunur.

10
Qanvermə, arxiv şəkli

Mütəmadi olaraq qan vermək infarkt xərçəng riskini azaldır

5
(Yenilənib 23:15 07.05.2021)
Mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür.

BAKI, 7 may — Sputnik. Mütəmadi şəkildə qan vermək infarkt və xərçəng riskini azaldır, ürək-damar xəstəliklərinin qarşısını alır, xolesterolu və qandakı şəkərin səviyyəsini normallaşdırır. Bu barədə Türkiyə Səhiyyə Elmləri Universitetinin müəllimi, hematologiya üzrə mütəxəssis, professor Erdal Kurtoğlu Anadolu Agentliyinə müsahibəsində bildirib. Onun sözlərinə görə, qan vermək hüceyrələrin yenilənməsinə səbəb olur.

Donorlardan alınan qanın fərqli komponentlərə ayrıldığını bildirən professor qeyd edib ki, beləliklə, könüllü şəkildə verilən hər vahid qan eritrosit, trombosit və plazma şəklində üç nəfərin həyatını xilas edir.

Kurtoğlu onu da bildirib ki, qan vermək üçün maneə yaratmayan hər hansı bir sağlamlıq problemi olmayan 18-65 yaş arası hər kəs donor kimi qan verə bilər.

Temperaturun yüksəlməsi ilə müşayiət olunan xəstəlik keçirən insanlardan isə ən azı 2 həftə qan alınmamalıdır. Bundan başqa, cərrahiyyə əməliyyatı keçirənlərin, akupunktura, döymə, və pirsinq etdirənlərin də 12 ay ərzində donor kimi qan verməsi qadağandır.

"Kişilər 90 gündən bir, qadınlar isə 120 gündən bir donor kimi qan verə bilərlər", – deyə professor qeyd edib.

Mütəxəssis onu da bildirib ki, COVID-19-a qarşı peyvənd olunanlar da donor kimi qan verə bilərlər. Özü də bunun üçün peyvəndin üstündən müəyyən müddətin keçməsinə ehtiyac yoxdur.

Kurtoğlu qan donorluğunun insanlara mənəvi rahatlıq bəxş etdiyini də bildirib.

"Mütəmadi qan donorluğunu tövsiyə edirik. Çünki bunun infarkt və xərçəng riskini azaltması, qan-damar xəstəliklərinin qarşısını alması, xolesterolu və qan şəkərini balanslaşdırmasına dair tibbi məlumatlar mövcuddur. Bundan başqa, mütəmadi qan vermək həm də vaxtaşırı mini check-up-dan keçmək deməkdir. Çünki qan verməmişdən əvvəl donordan müxtəlif analizlər götürülür. Ən əsası isə qan vermək, beləliklə də, insanlara faydalı olduğunu bilmək adama mənəvi rahatlıq bəxş edir", – deyə o vurğulayıb.

5
Min bir gecə baleti, arxiv şəkli

"Min bir gecə" baleti beynəlxalq festivalda

5
(Yenilənib 23:11 07.05.2021)
Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

BAKI, 7 may — Sputnik. Görkəmli Azərbaycan bəstəkarı Fikrət Əmirovun "Min bir gecə" baleti mayın 13-dən iyunun 2-dək Tatarıstanın paytaxtı Kazanda keçiriləcək Rudolf Nureyev adına 36-cı Beynəlxalq klassik balet festivalında nümayiş olunacaq. Sputnik Azərbaycan xəbər verir ki, Tatarıstan Dövlət Akademik Opera və Balet Teatrının səhnəsində reallaşacaq festival Rusiyanın Əməkdar incəsənət xadimi, həmvətənimiz Eldar Əliyevin xoreoqrafik quruluşunda Mariinski Teatrının Primorsk səhnəsinin (Vladivostok) "Min bir gecə" tamaşası ilə açılacaq. Balet mayın 13 və 14-də göstəriləcək. Tamaşanı Azərbaycan Dövlət Akademik Opera və Balet Teatrının baş dirijoru, Əməkdar artist Əyyub Quliyev idarə edəcək.

Eldar Əliyevin quruluşunda "Min bir gecə" baletinin premyerası 2020-ci ilin avqustunda olub.

Dünyaca məşhur balet artistləri, xoreoqraf və dirijorları bir araya gətirən Rudolf Nureyev adına festival 1987-ci ildən keçirilir.

5