Ermənilər İlham Əliyevin Zəngilanda çəkilmiş fotolarını görüb qorxuya düşdülər

71
Ermənistanın Ekologiya Nazirliyi Əliyevlərin fotolarının Zəngəzurun "Çinar meşəsi" dövlət qoruğunda çəkilmədiyinə dair açıqlama vermək məcburiyyətində qaldı.

BAKI, 27 aprel — Sputnik. Xəbər verdiyimiz kimi, aprelin 26-da Prezident İlham Əliyev və xanımı erməni işğalından azad olunmuş Zəngilan rayonuna səfər edib. Səfər zamanı Əliyevlərin ağaclıq ərazidə çəkilən ailəvi fotoları erməniləri qorxuya salıb. Ermənilər sosial mediada sözügedən fotoları paylaşaraq şəkillərin Zəngəzurun "Çinar meşəsi" dövlət qoruğunda çəkildiyini bildiriblər. Paylaşımlarda o da qeyd olunub ki, Əliyevlər artıq Zəngəzurda sərbəst şəkildə hərəkət edirlər.

Məsələ ilə bağlı bu gün Ermənistanın Ətraf Mühit Nazirliyi xüsusi açıqlama verib. Sputnik Ermənistanın yaydığı məlumata görə, qurum məlumatı təkzib edərək insanları İlham Əliyevin sözügedən fotolarını tirajlamamağa çağırıb.

"Fotolar Ermənistan ərazisində çəkilməyib. Bundan başqa, həmin fotolar "Çinar meşəsi" dövlət qoruğunda deyil, Zəngilandakı Bəsitçayın yaxınlığında çəkilib ki, həmin ərazi də Azərbaycanın nəzarəti altındadır", – deyə məlumatda bildirilir.

Nazirlik onu da vurğulayıb ki, Qarabağdakı döyüşlərdən əvvəl göstərilən ərazidə sərhədlər boyunca aydın koordinatları olan sərhəd sütunlarının yaradılması istiqamətində işlər aparılıb.

"Göstərilən ərazidə sərhəd dəyişikliyi olmayıb", – deyə məlumatda qeyd olunur.

 

71
Xankəndi, arxiv şəkli.

Rusiyalı veteranlar Qaregin Njdenin Qarabağdakı abidəsinin sökülməsini tələb edir

9
(Yenilənib 16:08 06.05.2021)
Təşkilatdan bildiriblər ki, haqqında danışılan heykəlin Rusiya sülhməramlılarının faşizm üzərində Qələbə gününü qeyd edəcəyi yerdə olması yolverilməzdir.

BAKI, 6 may — Sputnik. Rusiyalı veteranlar erməni Qaregin Njdenin Qarabağdakı abidəsinin sökülməsini tələb edib. Sputnik Azərbaycan Rusiya mediasına istinadən xəbər verir ki, Moskva vilayətindəki Dolqprudnı Müharibə, əmək, silahlı qüvvələr və hüquq-mühafizə orqanları veteranları İctimai Birliyi Njdenin abidəsinin qoyulmasını "faşizm tərəfdarlarının vəsfi" olduğunu bəyan edib.

Təşkilatdan bildiriblər ki, haqqında danışılan heykəlin Rusiya sülhməramlılarının faşizm üzərində Qələbə gününü qeyd edəcəyi yerdə olması yolverilməzdir.

Veteranlar məsələ ilə bağlı Rusiya xarici işlər və müdafiə nazirliklərinə müraciət ünvanlayıblar və bunu heykəlin olduğu ərazinin rusiyalı sülhməramlıların məsuliyyət daşıdığı ərazidə olması ilə əsaslandırıblar.

Mayın 4-də qondarma "Dağlıq Qarabağ Respublikası"nın təhlükəsizlik şurasının katibi Vitali Balasanyan da heykəlin sökülməsinin tərəfdarı olduğunu bildirib. Lakin yerli "deputat"lardan imtina cavabı alıb.

"Əgər aydın səbəb, aydın şərt yoxdursa, biz abidəni sökməyəcəyik", - deyə "Martuni" rayonunun Ağsaqqallar şurasının üzvü Artak Mkrtçyan bildirib.

Xatırladaq ki, Njdenin abidəsi Azərbaycanın Xocavənd rayonunda 2021-ci ilin yanvarında, müharibə zonasında rusiyalı sülhməramlıların xidmətə başlamasından sonra quraşdırılıb.

Azərbaycan, Rusiya və Ermənistan liderlərinin Qarabağ üzrə üçtərəfli bəyanatı 2020-ci il noyabrın 10-da imzalanıb. Bəyanata əsasən, Dağlıq Qarabağ münaqişə zonasında 2020-ci il noyabrın 10-u saat 00:00-dan etibarən bütün hərbi əməliyyatların dayandırılması və tam atəşkəs barədə razılaşıblar.

Bəyanata görə, Ağdam rayonu 2020-ci il noyabrın 20-də, Kəlbəcər rayonu noyabrın 25-də, Laçın rayonu isə dekabrın 1-də Azərbaycana qaytarılıb. Bununla yanaşı, təmas xətti və Laçın dəhlizi boyunca Rusiya Federasiyasının sülhməramlı kontingenti yerləşdirilib.

 

9
Teqlər:
sülhməramlılar, Rusiya, Njde
Azərbaycan bayrağı, arxiv şəkli

Vətən Müharibəsi qəhrəmanları ilə bağlı mənzillər, xatirə yerləri tarixi abidə sayılacaq

5
(Yenilənib 15:55 06.05.2021)
"Tarix və mədəniyyət abidələrinin qorunması haqqında" qanuna dəyişiklik təklif edilir. Qəhrəmanların həyatı ilə bağlı sənədlər, əşyalar da tarixi abidə hesab olunacaq.

BAKI, 6 may — Sputnik. Azərbaycan Respublikasının Vətən Müharibəsi qəhrəmanlarının həyatı ilə bağlı mənzillər, xatirə yerləri, sənədlər və əşyalar tarixi abidələr sayılacaq.

Sputnik Azərbaycan-ın məlumatına görə, bununla bağlı "Tarix və mədəniyyət abidələrinin qorunması haqqında" qanuna dəyişiklik təklif edilir.

Təklif edilən dəyişikliyə əsasən, Azərbaycan Respublikasının Vətən Müharibəsi qəhrəmanlarının, Azərbaycanın Milli Qəhrəmanlarının, Sovet İttifaqı qəhrəmanlarının həyatı ilə bağlı mənzillər, xatirə yerləri, sənədlər və əşyalar da tarixi abidə hesab olunacaq.

5