Türkiyənin Müdafiə naziri Hulusi Akar, arxiv şəkli

Akar sərt danışdı Bu Türkiyə Ermənistan arasında olan problemdir

15
Belə bir mühitin yaradılmasının başda Türkiyə - Ermənistan və türk-erməni münasibətləri olmaqla regional sülhə mənfi təsir edəcəyi açıqdır.

BAKI, 26 aprel — Sputnik. Birləşmiş Ştatlar Prezidentinin 1915-ci il hadisələri ilə bağlı "soyqırım" ifadəsini işlətməsi, tarixi inkar və təhrif etməkdən başqa bir anlam daşımamaqdadır. Sputnik Azərbaycan xəbər verir ki, bunu Türkiyənin müdafiə naziri Hulusi Akar ABŞ Prezidenti Co Baydenin qondarma "erməni soyqırımı" ifadəsi işlətməsinə münasibət bildirərkən deyib.

"Bu ifadəni istifadə edənlər dünya və öz tarixlərinə baxmalıdırlar. Olmayan bir hadisənin təkrarı ola bilməyəcəyi üçün ABŞ rəhbərliyinin əsaslandırması da etibarsızdır. Daha əvvəl belə bir ifadə işlənməzkən, nə dəyişdi ki, belə bir qərar verildi? Qərəzsiz Amerika xalqı bu barədə nə düşünür? Erməni xalqını belə təmsil etməyən lobbinin yönləndirilməsi ilə alınan bu qərarın ağıl və əxlaq ilə izahı yoxdur. Tarixin belə siyasi açıqlamalarla yenidən yazılmayacağı bilinməlidir. Tarixdən düşmənçilik çıxarmaq və yeni qarşıdurmalar yaratmaq qəbuledilməz və faydasızdır. Tarixi hadisələr hesablaşma və qarşıdurma vasitəsi kimi istifadə edilməməli, siyasiləşdirilməməlidir. Belə bir mühitin yaradılmasının başda Türkiyə - Ermənistan və türk-erməni münasibətləri olmaqla regional sülhə mənfi təsir edəcəyi açıqdır. Bu bölgəmizin sülh və sabitliyi erməni diasporu və onu keçmişdə olduğu kimi bu gündə öz maraqları üçün istifadə etməyə çalışan ölkələrin deyil, bizlərin – bölgə ölkələrinin, Türkiyənin və Ermənistanın ortaq problemidir", - deyə Akar qeyd edib.

Müdafiə naziri vurğulayıb ki, Türkiyə hər zaman 1915-ci il hadisələri ilə bağlı mübahisələrin siyasətçilər deyil, tarixçilər tərəfindən edilən bir mövzu olduğunu müdafiə etmiş və ABŞ kimi müttəfiq ölkələr də daxil olmaqla üçüncü ölkələrdən də bunu gözləmişdir.

15
Taxt Oyunları serialından kadr, arxiv şəkli

"Taxt Oyunları" serialının prikvelindən ilk görüntülər paylaşılıb - FOTO

3
(Yenilənib 16:28 07.05.2021)
"House of the Dragon"un HBO telekanalında istehsalı barədə aprelin 27-də məlum olub. Serialın hadisələri "Game of Thrones" hadisələrindən 300 il əvvəli əhatə edib.

BAKI, 7 may — Sputnik. "Taxt Oyunları" serialının prikvelindən ilk görüntülər paylaşılıb. Sosial şəbəkələrdə "Game of Thrones" ("Taxt Oyunları") serialının prikveli olan "House of the Dragon"dan ("Əjdaha Evi") ilk görüntülər paylaşılıb.

Sputnik Azərbaycan xəbər verir ki, bununla bağlı foto layihənin "Twitter" hesabında dərc olunub.

Ümumilikdə üç şəkil paylaşılıb. Kadrlarda Reynira və Deymon Tarqarien, Korlis Velarion ("Dəniz ilanı"), həmçinin Alisenta və Otto Haytauerlər əks olunub.

Qeyd edək ki, "House of the Dragon"un HBO telekanalında istehsalı barədə aprelin 27-də məlum olub. Serialın hadisələri "Game of Thrones" hadisələrindən 300 il əvvəli əhatə edib. Serial həmçinin Tarqarienlər Evinin Vesterosda hakimiyyət dövrünü göstərəcək. Layihənin şourannerləri Rayan Kondal və Miqel Sapoçnikdir. O da vurğulanır ki, "Game of Thrones"un bəstəkarı Ramin Cavadi yeni serial üçün də musiqi yazacaq.

Amerikalı yazıçı Corc Martinin "Alov və qan" kitabı əsasında çəkilən serialın təqimatı 2022-ci ilə planlaşdırılıb.

3
ABŞ bayrağı, arxiv şəkli

ABŞ-ın son məktubu "F-35 məsələsində" Türkiyəni haqlı çıxardı

6
(Yenilənib 16:14 07.05.2021)
İsmayıl Dəmir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq".

BAKI, 7 may — Sputnik. ABŞ-ın son məktubu bizi haqlı çıxardı, Türkiyənin F-35 proqramından kənarlaşdırılmasının hüququ əsası yoxdur – bu fikri Türkiyənin müdafiə sənayesi naziri İsmail Dəmir səsləndirib.

Sputnik Azərbaycanın Türkiyənin NTV kanalına istinadla verdiyi xəbərə görə, Dəmir: "Bu məsələ ilə bağlı imzalanmış qarşılıqlı memoranduma əsasən, hər hansı bir tərəfdaşın proqramdan çıxarılması yalnız bütün tərəfdaşların yekdilliklə verilmiş qərarı əsasında mümkündür", - deyə bildirib.

O qeyd edib ki, bu baş vermədiyi təqdirdə ABŞ-ın "Türkiyəni proqramdan çıxartdım" açıqlamasının heç bir hüquqi əsası yoxdur.

Nazir: "Təyyarələrlə bağlı hüquqlarımızın tapdanmaması və problemin müttəfiqlik ruhuna zidd olmayan həlli yolunu tapmaq məqsədilə ABŞ-la F-35-lərlə əlaqədar dialoq prosesi başlayacaq", – deyib.

Qeyd edək ki, Amerika Birləşmiş Ştatları Rusiyadan S-400 zenit-raket kompleksi aldığına görə Türkiyənin F-35 qırıcılarının istehsalı proqramından çıxarılması barədə Ankaranı rəsmi şəkildə məlumatlandırıb. Məlumatda bildirilir ki, ABŞ 2007-ci ilin yanvarında imzalanmış F-35-lərin istehsalı üzrə birgə memorandumu ləğv edib.

Xatırladaq ki, bu memoranduma əsasən, Ankara öz üzərinə 100 ədəd F-35 tipli qırıcı almaq öhdəliyi götürmüşdü. Türkiyə, həmçinin F-35-lər üçün 1000-dən artıq komponentin istehsalında da iştirak edib.

6
Teqlər:
"F-35" qırıcı təyyarəsi, Türkiyə, ABŞ